[المهاجر2006]

السلام عليكم ورحمة الله وبركاته
مساكم الله بالخير جميعا واللي يقراها في الصبح صبحكم الله بالخير
المشكله ياخوان موفيه التحيه الصباحيه او المسائيه
اللي ملاحظه على السياره صاير عزمها في القومه اضعف من اول كثير بس مو بشكل كبير بس لاحظت فيه كربون زايد في الشكمان يعنى صاير له كثافه مع العلم اني غيرت الصفايه والبواجي وافلتر الهوا يعني الموتر ماله عذر لا احد يقول نظف بخاخات المكينه ولله الحمد صافيه بس مدري هو لازم امسك فيها خط عشان يطلع الكربون او اني احط المنظفات اللي عند المحطه مع العلم اني شفت اكثر من سياره نفس موتري 4 سلندر شكمانها اسود بس مو زي اللي عندي بشكل كبير
والسلام عليكم

[يالله من فضلك]

فيه قاعدة عند الميكانيكية
إذا الموتر مكربن
مس به على خط
وانفض كربونه

شف لك خط فاضي وامتداده مستقيم
مثل طريق المزرعة بالرياض
وانفض الموتر عط كل نمره حقها

والطريقه مجربه على أكثر من سيارة
بس وأنا أخوك أهم شي سلامتك
انتبه للطريق وعاير هوا الكفرات
وتوكل على الله

[ابن فطيس]

ياهلا والله أخوي فوررتشنر

نورت المنتدى بعد طول الغياب

أخوي إذا أنت تستعمل بنزين91 غير إلى بنزين 95

واكيد بتلاحظ الفرق

تحياتي لك..

[صاحب الفورتشنر]

اهلين وسهلين
والحمد لله على السلامه
المثل يقول من طول الغيبات جاب الغنائم
مو تطول وتخرب السياره
اسمع حبيبي بما انك قمت بالصيانه اللتي ذكرتها
عليك أولاً بالأخذ بملاحظة اخينا بن فطيس لان بنزين 91 فاشل لجميع انواع السيارات
ثانياً إذا سياراتك قير اوتوماتيك ولاحظت صرفيه زائده في البنزين فغير فلتر القير مع الزيت طبعاً وستلاحظ الفرق
وتقبل تحياتي

[جنوبي وجنوني]

فورتشنر يا هلا

حوبي عيوني سم سم انا انتا نفس المشكله بس سيارتي والله من ذا الطعوس ما عاد تشم هواء نقي ما غير ذا التربان شكل عندي بداخل المكينة جبال من الطعوس
تدري وش هي المشكله يا بعدي شي ما تتوقعه بس وشلون اشرحلك
اقول حوبي وش رايك ؟؟؟ طيب اسمع بصور لك القطع والطرق بس بتاخر عليك بيني وبينك جاني مولود جديد
ولا ني فاضي بس صبرك علي ؟؟
شوووف انا بقول لك السبب بس راح اقول لك الخطوات الي بنسويها انا وانت بعدن اوكيه يا عسل
السبب هو يوجد تنسيم هواء كبييير
من منظم الهواء لان مع مرور الوقت يبدى يزيد والبخاخات لازم تتغير بخاخات برادو او تركب فلتر هواء برادو مع القطعه والله مدري وش اسمها بس موجوده فوق المكينة كانه فلتر ثاني .. مرررة خذها علم مني .. يخوك ذي السيارة كل ابوها تنسيم وصدقني حتى الي يشتريها يصير منسم هههه بس لي رجعة

[صاحب الفورتشنر]

المشاركة الأصلية كتبت بواسطة جنوبي وجنوني

فورتشنر يا هلا

حوبي عيوني سم سم انا انتا نفس المشكله بس سيارتي والله من ذا الطعوس ما عاد تشم هواء نقي ما غير ذا التربان شكل عندي بداخل المكينة جبال من الطعوس
تدري وش هي المشكله يا بعدي شي ما تتوقعه بس وشلون اشرحلك
اقول حوبي وش رايك ؟؟؟ طيب اسمع بصور لك القطع والطرق بس بتاخر عليك بيني وبينك جاني مولود جديد
ولا ني فاضي بس صبرك علي ؟؟
شوووف انا بقول لك السبب بس راح اقول لك الخطواط الي بنسويها انا وانت بعدن اوكيه يا عسل
السبب هو يوجد تنسيم هواء كبييير

من منظم الهواء لان مع مرور الوقت يبدى يزيد والبخاخات لازم تتغير بخاخات برادو او تركب فلتر هواء برادو مع القطعه والله مدري وش اسمها بس موجوده فوق المكينة كانه فلتر ثاني .. مرررة خذها علم مني .. يخوك ذي السيارة كل ابوها تنسيم وصدقني حتى الي يشتريها يصير منسم هههه بس لي رجعة

هلا وغلا .... وينك يارجل غبت عنا وطفى المنتدى

انت يبيلك موضوع لحالك.. اه ... اي موضوع إلا المنتدى كله لحسابك خاصة انك رزقت بمولود .... الف الف مبروك الله يحفظه ويرعاه ويصلحه ويجعله قرة عين والديه يتربى بعزك
تقبل تحياتي

[رنديفو]

جنوبي وجنوني
مبروك على الافي ويتربى بعزك

[الفورنمر]

الـــف الـــف مـبــروووووك
يــتــربــا فــي عــزك
جنوبي وجنوني

[جنوبي وجنوني]

يعطيكم العافيه شباب من طيب اصلكم وعقبال عندكم يا رب والله ما قصرتو جدا شاكر لكم

[سائق متهور]

ألف مبروك أخوي جنوبي جنوبي

الله يجعله من الأبرار الأطهار

وتقر به عينك في الدنيا والآخرة

والله يحفظكم جميعا

[صقر الزلفي]

هلا اخوي عب 95
وبسسس

[مجنون الفورتشنر]

السلام عليكم ورحمة الله ،،،،،،،،،،،،
أولا : نبارك للجنوبي وجنوني على المولود جعله الله من مواليد السعادة على والديه
ثانيا : عب البنزين 95 أفضل من البنزين من 91 وسوف تلاحظ الفرق سواء في لون الشكمان أو في عزم السيارة
ولك التوفيق ،،،،،،