[الزمن غدار]

السلام عليكم ورحمة الله وبركاته

ياشباب اللي جرب تظيل من درايف 7 او سمع عنه اي شي

لاني شفت اعلانه على طريق خريص

كيف شغلهم والعزل حقهم

[طعس في بر جدة]

انا ركبته على موتري

وبصراحة عادي يعني قبلها ركبت كولايت على البرادو

وما احس ان فيه فرق

ولكن لون تظليلة الدرايف سفن افضل في النهار تحس ان فيه لمعة نحاسية خفييييفة

[وليد الخالدي]

حياك اخوي السائل

انا عندي موعد يوم الثلوث معهم الساعة 4 العصر وبتطلع السيارة بنفس اليوم الساعة 10 ليلاً بفيدك عن الموضوع اول مااطلعها من عندهم

عندهم نوعين من التظليل :

التظليل الي اكثر الناس يستخدمونه هو العازل العادي الي هو( 00-01-02-وكاتم) وطبعا فيه تفاوت بالسعر حسب حجم السيارة ونسبة العزل في هذا النوع مختلفة كل ماكان اللون اغمق كان العزل الحراري اكبر يعني عندك الكاتم نسبة العزل فيه 95% بس الله يعينك على المرور وبالنسبة ل 00 العزل الحراري يوصل الى 50% تقريبا وهكذا كل مازاد اللون غمقاً زاد العزل معه

قالو لي سعره لسيارتي ب 1850 طبعا تظليل جميع الطاقات مع تظليل الامامي والخلفي

وقالو فيه نوع خاص وقليل يطلبونه الزبائن لانه غالي قيمته فوق 4000 ريال ومسوين تخفيض عليه احسبوه لي ب 3300 ريال- بصراحة ماجابو لي طاري عنه بتاتا في البداية وقالو ان الادارة رافضة عرضه على الزبائن لانهم يستكثرون قيمته رغم اعجابهم به , وكذلك عند رؤيتهم يقصدون الزبائن لهذه النوعيه الفاخرة يصدون الطرف عن النوعية العادية وتطيب نفسهم منه لانهم شافو افظل منه وفي الاخير لايشترون الفاخر ولا العادي,,,,وانا واحد من الناس يوم شفت الفاخر بصراحة طابت نفسي من العادي بس كنت حالة خاصة بالنسبة لهم لاني طلبته ولافكرت بسعره لأني افكر بمزاياه وشكله الخارجي غيري يقضب الباب ويطلع لانه طابت نفسه من العادي والظاهر على اقرب محل ابو يمن ب 100 ريال الشكل على الاقل واحد

مواصفاته : دبل العزل - لونه شفاف مائل للأصفر يعطي منظر لديكور السيارة بشكل عجيب وانا شاهدته على 430 بصراحة تحفة - نسبة العزل 95% يعني يؤدي نفس عمل الكاتم وبترتاح من شغلة المخالفات ان شاء الله اول مااركبه وبأقرب فرصة بنزل صور له