[أبـــو عـــزام]

بسم الله الرحمن الرحيم

مثل ما كتبت في العنوان حالتها ممتازة استخدامها ثلاث أيام

لم أعرضها في قسم البيع والشراء لأني مستعجل والبيع هناك يبي له بايع وشاري يومهم سنه ولكن عرضتها في موقع مستعمل.

عموماً اللي يبي يركبها على الفورتشنر مستعد أعطيه إياها بالسعر اللي يبي بس يكون السعر معقول

علماً أن قيمتها جديده 2100 مع التركيب وعليها ضمان سنه

الله يوفق الجميع

سلام

[فارس القبيلـة]

هلا بو عزام ’’

اخوي كم حدك فيها,,


اذا ممكن سوالين..
الشاشه أقدر اشغل عليها القارمن ,,؟
فيه مدخل للكاسيت ولا بس سي دي..؟

الله يوفقك ويرزقك البيعه الطيبه,,

دمتم بود

[أبـــو عـــزام]

هلا يالله حيه

بالنسبة للملاحه لازم تشتري لها قطعة وبرنامج ولا أعرف عنها من هالناحيه أي شيء

بالنسبة لسؤالك الثاني فقط سي دي وصدقني ما دامك بالنسبة للصوت بتحط ما يقارب 250 مقطع فمنتب محتاج الكاسيت أبداً لأن أي شيء تبيه بيكون متوفر على الانترنت حتى لو كان مقاطع جديده.

الله يوفقك والجميع

سلام

[أبـــو عـــزام]

نسيت أقول بالنسبة للحد مالي حد

وبيني وبينك

السعر اللي بتوقف عليه بأبيعها حتى لو ما أعجبني السعر لأني بايع بايع بس أفضل ياخذها واحد من الزملاء بمنتدى الفورتشنر لأنكم تستاهلون

كذلك عندي إضافة بسيطه: بما أن الشاشة بها مدخل تلفزيون فأكيد تستطيع شبك جوال N95 عليها والتمتع بما يعرض على شاشة الجوال في شاشة السيارة مثال على ذلك برنامج القارمن لو تنزله على الجوال وتشغله بيطلع إبداع على الشاشة

سلام

[أبو عبدالرحمن خ]

السلام عليكم جميعا

المعذرة على الانقطاع كانت هناك ظروف اجبرتني على الغياب نعود لك والعود احمد

اخوي ابو عزام تحتاج تقطيع اسلاك والا تركب على اسلاك المسجل الاصلي

وشف بكم حدك وتراي ادورها من زمان
ب 1200

[فارس القبيلـة]

المشاركة الأصلية كتبت بواسطة أبـــو عـــزام

هلا يالله حيه

بالنسبة للملاحه لازم تشتري لها قطعة وبرنامج ولا أعرف عنها من هالناحيه أي شيء

بالنسبة لسؤالك الثاني فقط سي دي وصدقني ما دامك بالنسبة للصوت بتحط ما يقارب 250 مقطع فمنتب محتاج الكاسيت أبداً لأن أي شيء تبيه بيكون متوفر على الانترنت حتى لو كان مقاطع جديده.

الله يوفقك والجميع

سلام

بالنسبه للملاحه اكيد تبي قطعة الاستقبال من الاقمار وبرنامج دار موجه لكن على كلامك انها تقبل هذه القطع وهذي ميزززة لحاله,.,
بالنسبه للكاسيت صراحة مهم جدا لان المحاضرات الجديده كلها كاسيت وصعبه تلقاها في الانترنت ,,
بصراحة متردد اشري ولا لا
لان الجيب ماجاء للحين احتمال الموديل الجديد يعني مايقل عن 7 شهور وذيك الساعه اتوقعها جديده ينزل سعرها ,.,
افكر وارد عليك اخوي بو عزام احتمال اركبها ع الهلي,’,
دمتم بووود,.,

[فارس القبيلـة]

يهلا باخونا ابو عبد الرحمن خ,,.

من طول الغيبات جاب الغنايم.,.******** الغنايم بموضوع جديد منتظرينك


دمتم بوود

[أبو عبدالرحمن خ]

ابشر طال عمرك وهذا موضوع

بعد العودة █◄█▓▒░موقع لكسسوارات الفورتشنر

[أبـــو عـــزام]

الله يحيكم أخواني

أخوي أبو عبدالرحمن الحمد لله على السلامة

الشاشة نفس شاشة أخونا المحظوظ بالضبط ولا فيها قطع ولا سلك وأنا فاكها من سيارة زميلي بنفسي شغلتها بسيطه جداً خصوصاً أن الديكور في السيارات الجديده كله كبس قسم بالله لعبه وأنت سمتها 1200 ريال وهي مسيومه في مستعمل بنفس القيمة مدري هو أنت اللي سايمها هناك

عموماً أنا حول السومه منيب بعيد وتراها تستاهل ما جاها كرف بس ثلاث أيام استخدام تقريباً

أخوي فارس القبيلة شف وأنا أخوك ولا يهونون الباقين الحين الشاشة هذي يقولون بتنقطع من السوق لأن نفس الشركة نزلت شاشة مع ميزة بلوتوث وأنا شفتها بصراحه ما أعجبتني من ناحية التصميم أزرارها لونها نيكل والإضاءة حقت الأزرار لونها أزرق طالعه كأنها باقي الشاشات الثانية من ناحية الشكل اللهم أنها مخصصة لسيارات تويوتا من ناحية التركيب والأفياش.

وتراها خيره وأنا أخوك والحين خلك في الفورتشنر الله يرزقك إياه والشاشة لاحق عليها واللي كاتبه الله بيصير

الله يوفق الجميع

سلام

[أبو نور]

السلام عليكم ورحمة الله وبركاته
سومي 1300 ريال
والله يرزقك بخير من هالسعر لكن هذا اللي اقدر عليه

جوال 0553409449 بالرياض

[أبـــو عـــزام]

جزاك الله خير يا أبو نور

سومه طيبه يا الطيب

بالتوفيق لك وللجميع

سلام

[أبو عبدالرحمن خ]

[البحث عن المصير]

الشاشة لازالت تحت السوم واللا راحت وفق الله الجميع

[أبـــو عـــزام]

والله وأنا أخوك كلمت أبو نور أمس وبنتواعد اليوم وبعلمك وش يصير

الله يوفقك والجميع

سلام

[أبـــو عـــزام]

تم بيع الشاشة

الله يبارك لمن اشتراها ويعطيه من خيرها ويكفيه شرها

بالتوفيق للجميع

سلام