[أبو أحمدوووه]

السلام عليكم
ندمت على شراء لكزس ال اس 400 مويل 2000
من اشتريته من شهر 11 السنه الماضيه وكل شهر تطلع فيه عله وهي كالتالي:
1- نفضه بعد سرعة 120 حاولت كل جهدي وصرفت أموال عشان احل هذي المشكله بس لليوم النفظه موجوده
2- دخول الهواء من الزجاجه الاماميه وصلحته
3- تعطل موتور المقود لا يروح جدام ولا وراء اشتريت جديد وصلحته
4- ظهور صوت عند الضغط على الفرامل وحدوث نفظه عند سرعة 140 والضغط على الفرامل وصلحته ورجع مره ثانيه
5- ظهور عله جديده وهي انقطاع عزم المحرك وعدم وصول البنزين بصوره صحيحة للمحرك وفحصتها كمبيوتر وطلع العله في السنسر الخاص بادخال الاوكسيجين للمحرك وما فيه حد يصلحه في عمان والحين متورط وما عارف واين اوديه
6-ظهور صوت من الفتحه كل ما امشي كانها ما راكبه صح او ان الربل خلاص انتهاء
7- عند بداية التحرك والضغط على دواسة البنزين السياره تقفز ما تمش بسلاسه

تعبت تعبت

والحين احاول اصلحها وابيعها وانهي قصة حبي مع اللكزس

[طرمان]

وعليكم السلام والرحمه

اقدر اسمي حكايتك مع اللكزس حكايه مأساويه ،، وكان حظك جدا سيئ مع هالسياره ،،

خلني اكون صريح اقدر اقول يمكن انغشيت في شراء هالسياره وممكن نقول انك اخذت سياره

رايحه وطي ،،

عسى الله يعوضك بسياره أخير منها ،، وعلى فكره اللكزس الـ 400 جدا جميله

وهذاهي بالصالات على 70 الف وما شاء الله تبارك الله من احسن مايكون

وعيبها الوحيد

اكل عليها الدهر وشرب

تشكراتي ، ، ،

[توني دريت]

والله غريبه يا الغالي

الي اعرفه ان لكزس هي افضل موتر فخم من ناحية الخرابات

[ولد وايل]

السياره مليون بالميه جايه حادث بالوجهيه وحادث قوي

عندنا سيارتين من لكزس Ls400
وحده للشايب مامشت الا 170 تقريبا وحقت اخوي ماشيه فوق الـ 400 الف والله مانشتكي منها ابدا

خصوصا اللي ماشيه 400 الف تشوفها تقول ددسن ومع ذلك ماعمره اخوي اشتكى منها

اي سياره بالعالم مهما كانت جودتها اذا جاها حادث خلاص لا ترجي منها خير

الله يعينك ويعوضك

[الغامدي بوغلا]

ما زيد عن كلام الاخوان اكيد مصدومه صدمه قويه ونت توهقت فيها لكن الله يعوضك خير منها

[ميمـو]

يمكنها جتها صدمه قويه جداً فـ عشان كذا

[شعولي]

والله وانا اخوك سيارتي لكزس 400 ماشيه 350 الف ميل.. يعني مطوفه هههههههههههههه
الحمد الله ددسن العائله.. مطبات ودعس زي الحلاوه ماشالله تبارك الله

[م ع ي جي إس]

هذا شي غريب بقووه . لأنه المعروف عن اليكسز الأناقه و الجوده مع بعض . لكن في حالة سيارتك أنا متأكد إنه حصل لها حادث قوووي مره في الوجه و هذا اللي مخلي لسياره في الحاله هاذي . و أنا متأكد لو إنت ما غيرت الزجاجه الأماميه إرجع و شوفها ما رح تحصل فيها شعار الوكاله الحبيبه ليكسز لأنها لو أصليه ما يكون يها تسريب للهوى . و الفتحه غير الجلده حقت الفتحه ممكنها قديمه .

تقبل مروري.

[أبو أحمدوووه]

أشكركم أحبابي والله ردودكم طيبه بس بخصوص الحادث قدام وديتها لكم جراج وفحص البودي بالكامل ومن تحت الكل يقول لي السيارة ما فيها حادث ابداً.
المشكله انه فيها جهاز كشف الرادار شغال 100%

الكل يلومني أبيعها وعاطنها اخر محاوله بكره بوديها الجراج وبخليه يفحص شاصي السيارة عشان اتاكد أكثران مو منعوج

[حيران و مبهذل]

لو فية خير ماتركة الطير
بعها باقرب فرصة السيارة اذا بدت تطلب ماتشبع
والله يعووووووووووووووضك ان شاء الله

[عاشق البي إم]

باين ان السيارة مافيها بركة بيعها وريح راسك والله يعوضك خير

[غـيـر الـنـاس]

بعها والله يعينك