[ماجد نت]

السلام عليكم


طلعت من الدوام ووصلت البيت الساعه 3 ظهرا

وانا اتغدى الساعه 3:20 دقيقة ج

جاري يدق على بالجوال يقولي تراني صدمت سيارتك

قلتله تمزح ,, وش عندك تراني اتغدى

الا الرجال يحلف ويقولي والله ما اقصدها


نزلت تحت العمارة لقيته وهو يدق الريوس صدم الصدام الامامي لسيارتي (على الطرف)

المهم الرجال يعرفني اني محافظ على السيارة واني مهتم فيها

وشافني وانا مقهور

قالي والله لاصحلها لك في الوكالة ولاتزعل ولا يروح خاطرك الا طيب

المهم

شوفوا الصور واعطوني رايكم وش اسوي

ava.zip - 1.5 Mb

ماهي نصايحكم

هل اذا اشتريت صدام جديد بيرشون لون اللؤلؤي مزبوط

هل يمكنهم تصليح الصدام (تربيط الصدام) واخفاء اللون الاسود

هل اشوف لي ورشة في الصناعية افضل لمطابقة اللون اللؤلؤي

انتظركم

[*ابوفهد*]

الحمد لله على السلامه

والحديد بداله الف حديد

ونصيحة لك لا تغير صدام ابداً

الون الاسود يروح بالتلميع اما الي تحت النور مستحيل يروح لان البوية انشالت مثل ماشفت

والكسر قطة بقطعة لصق ابيض او اتركة على حالة

لاني شفت الوضع بسيط

واذا كنت حاب تغيره شوفلك ورشه طيبة وابعد عن الوكالة

وان شاء الله اني وضحتلك والشباب ما يقصرون

[مـلك]

اولا الحمد لله على كل شي

والله رائي اول شي روح التلميح ونظف مكان الصدمة وشوف كيف شكلها اذا مو باين الا اثر بسيط

وتقدر تمشي حالك خليه ولا تسوي شي اما اذا حسيت انه متضايق منه

ما عليك الا تروح ورشة ممتازة حق اتراك ويبغالها بس معجنة وتثبيت الصدام زي اول اذا تحرك من مكانه

ورش الصدام فقط واشترط عليه حاجتين وهي اللون يكون مطابق من كل الزوايا وركز في من كل الزوايا

وثاني شي اشترط عليه انا مثلا لو جاته دقه بسيطة ما يتقشر البوية لانه فيه ماده يحطوها للشي هذا

وبعض الورش يسترخص وما يحطها وان شاء الله ترجع السيارة زي بلدها واحسن كمان

[@همس المشاعر@]

في الحديد ولا فيك يالغالي

[ماجد نت]

شباب احداث حصلت الان

اتصلت على جاري

وقلتله عندك تأمين
قال ايه

قلت خلينا نتصل على المرور ويسوي تقرير على اساس يكون المبلغ على شركة التأمين

ووصل المرور وكتب التقرير وقالي بكره مر مرور الملز وراجعهم

[ماجد نت]

اخوي ابو فهد

والله انا احب الملكة وصعب اني اشوفها مجروحه (اقصد اللون الاسود)

الاخ ملك

رايك تحت الدراسة

الاخ همس المشاعر

مشكور على مرورك

[توني دريت]

نصيحه من واحد يعرف نظام الشريطيه

اذا تبي موترك يمسك قيمته ابعد عن الرشه والسمكره والفك والتركيب بالبدي

لمع وعدل بدون سمكره او رشه وصدقني راح يمسك موترك قيمته اكثر من انك ترش او تغير

[مجنون أفااالون]

الحمد لله على السلامة ياخوووي ماجد . .

لا يضيق صـــدركـ و انا اخووووكـــ , , من رأيي انتبه تغير الصدااام او ترشه لو رش خفيييييف لأنكـ لو جيت تبي تبيعه بينقص من من ســعـر السيــارة وااااااجد (( بيقلون الوجهيه مدعووومهـ )) . .

كأنكـ تبي رأيي رح لمحل تلميع و لمع مكان الصدمة (( بــس )) , , و إذا بقت مخوووش سوودا فيه عند محلات السمكــرهـ معجوووون ينحط و مايبين إن شاااء الله . .

الله يوفقنــا و ياااكـ

[نواف البريكي]

بسطه حمدالله علي السلامه

[المــمـــيــز]

الحمد لله بسيطة يا ابن الحلال والله انك فجعتني قلت الحين االصدام طاير نصه


المهم اخوي اذا خلصت من التأمين وقدرو سيارتك وخلصت كل امورك


واخذت فلوسك رح لورشة اسمها الجود موجودة في الصناعية مخرج 17


هذي اخلي سيارتك عندهم ونام ولا تشيل هم لانهم احسن ورشة في الرياض في البوية


ويتحدون اي شريطي يطلع ان السيارة مرشوشة ولا لاء انت بس رح لهم وبتدعيلي ان شاء الله

[ماجد نت]

المشاركة الأصلية كتبت بواسطة المــمـــيــز

الحمد لله بسيطة يا ابن الحلال والله انك فجعتني قلت الحين االصدام طاير نصه


المهم اخوي اذا خلصت من التأمين وقدرو سيارتك وخلصت كل امورك


واخذت فلوسك رح لورشة اسمها الجود موجودة في الصناعية مخرج 17


هذي اخلي سيارتك عندهم ونام ولا تشيل هم لانهم احسن ورشة في الرياض في البوية


ويتحدون اي شريطي يطلع ان السيارة مرشوشة ولا لاء انت بس رح لهم وبتدعيلي ان شاء الله

اخوي المميز والله انك اخ وعزيز من دون ما اشوفك

المهم اليمنى قدروها ب 700 ريال وتهاوشت معاهم وللاسف مارضيوا يرفعوا
على اساس يقولون مافي شق للصدام وعفط

بس يبيله سمكره + بوية

المهم رحت الوكالة

قالوا لي لازم يتغير الصدام والا بعد فترة بيتقشر عليك

سعر الصدام تقريبا 400 ريال
بوية + شغل يد 650 ريال

هل اصلحها عندهم او عند خويك في مخرج 17

وهل اغير الصدام او يسمكروه بطريقتهم

رايك لاهنت

[ماجد نت]

المشاركة الأصلية كتبت بواسطة مجنون أفااالون

الحمد لله على السلامة ياخوووي ماجد . .

لا يضيق صـــدركـ و انا اخووووكـــ , , من رأيي انتبه تغير الصدااام او ترشه لو رش خفيييييف لأنكـ لو جيت تبي تبيعه بينقص من من ســعـر السيــارة وااااااجد (( بيقلون الوجهيه مدعووومهـ )) . .

كأنكـ تبي رأيي رح لمحل تلميع و لمع مكان الصدمة (( بــس )) , , و إذا بقت مخوووش سوودا فيه عند محلات السمكــرهـ معجوووون ينحط و مايبين إن شاااء الله . .

الله يوفقنــا و ياااكـ

الله يسلمك يارب

التلميع اليوم بروحه بعد العشاء

مع اني متأكد انه ماراح تترقع (اللون الاسود)

وشكرا لك

[ماجد نت]

المشاركة الأصلية كتبت بواسطة توني دريت

نصيحه من واحد يعرف نظام الشريطيه

اذا تبي موترك يمسك قيمته ابعد عن الرشه والسمكره والفك والتركيب بالبدي

لمع وعدل بدون سمكره او رشه وصدقني راح يمسك موترك قيمته اكثر من انك ترش او تغير

طيب لو انا مستخدم ولا افكر بالبيع نهائيا

رايك

[الحـ(درب)ـب]

والله نفس الموقف صار لي بالضبط
والأخوان اللي بقطر يعرفون القصة بتفاصيلها
صارت معاي قبل 4 شهور تقريبا

الحمد لله على كل حال

[الـــقـــرنــي]

الحمدلله انها جت على كذا


بس اذا كانت البويه طلعت يعني الون الاسود الي خلف البويه طلع ما راح ينفع تلميع

الله يعينك ترش الصدام

[مصطفى الاغاء]

ماجد انا حطيت موضوع جديد عشان اخاف انك ما تشوف الرد حقي
الرد
وهو انك تروح لم التشليح تلق افالون مصدومه خذ الصدام حقه يصير ما رش