[لكزس اماراتي]

السلام عليكم

:

شحالكم ياشباب وشو الأخبار ؟!!
إن شاء الله تكون كل الأمور طيبه معاكم ...

:

قبل البارحة أخذ أبوي سيارتي للفطيم للتشييك 30ألف كليو متر .. المهم مهندس الصيانة أقنع أبوي
بواقي الصبغ واللي اسمه Diamondbrite وهو واقع للصبغ ويحافظ على اللمعة لمدة 3 سنوات ..

والوالد وافق لان شاف السيارة ملمسها خشن ومحتاج لهاي الأمور .. وانا تفأجات أمس أن ابوي
سوها لي هدية .. جزاه الله خير .. لاني من 3 أشهر وانا أفكر اضرب السيارة بوليش ومادة واقية

:

سؤالي كالتالي:-

1- في حد مستخدم هالنوع من الحماية ؟!
2- شو انطباعكم عنه أوكيه ؟! أو يوجد هناك الأفضل ؟!
3- هل توجد ملاحظات عليه ..؟!

:

هذا موقع الشركة

Car Paint Protection - Diamondbrite - Car Cleaning Product - Jewel Ultra


ولكم جزيل الشكر والتقدير ..

[لكزس_ظبياني]

انا استخدمته الصراحه تغير ملمس السياره واحسن انه اللون احلى من قبل بس عن الضمان ما ادري هل هو يدوم او لا

[لكزس اماراتي]

بالفعل ملمس السيارة صار أحسن بوايد ...
وتسلم عزيزي ع المشاركة والتواصل ..

:

^_^

[لكزس_ظبياني]

احس اني اعرفك وشفتك انته موترك عليه ثلاثي احمر صح

[لكزس اماراتي]

:d
أتعرفني وأنا ما أعرفك .. مايصير هالكلام ..؟!
وين شفتني .؟!
:

ملاحظة :
معقوله محد من الشباب مجرب هالنوعية من الواقي .. غيري أنا وظبياني .!!
نبا تفاعلكم ياشباب وملاحظاتكم ..!!

[مستشار العين]

انا سيارتي بعدها يديدة
ولما سالت مسوؤل المبيعات قال لي ان اللكزس اصلا تجي مع هالنوع من الواقي وانه ما يحتاج هي الشئ
سعرة على ما اعتقد من 1200 الى 1500

[لكزس اماراتي]

نفس الكلام قالي المندوب .. بس بعدين اكتشفت شي ثاني ..
:

هم الظاهر يقولون جي عسب ماتقول لهم عطوني هالعرض مع السيارة هدية .. لان
البعض يرص على مدير المعرض ويظهر من عيونهم هالواقي ببلاش ..

[وحداووووي]

بكم سويتوه وهو أعتقد بأنه يأتي من الوكالة لان السيارة لمعتها باينه ولا حاجة لمثل هذه الاشياء ولكن شغل وكالات كل شهر بيعرضون شيء هذا واقي وهذا حامي و هذا حافظ وهذا ضد الصدأ وهذا ضد الغبار وهذا ضد الحشرات وهذا ضد الخدش وهذا .................................................. ................. بعد تبون ولا كفاية على كذا هههههههههه أترك الباقي للوكالة .

[لكزس اماراتي]

:d
دامها يتني بلاش من أبوي .. الزين كثر منه ..

:

سعرها 1600 درهم ..

[ظبياني اي اس]

أنا قالولي عنه الوكالة ووروني سيارات عليها الحماية و منها استيشن 2001 والصراحة الفرق كبير وأنا انبهرت يوم لمست السيارات. ناعمة جدا ماشاء الله

بس قلت خلني أصبر لين ما تكمل السيارة سنة بعدين أسويه لأن ماشاء الله لمعة السيارة تكفي

وما تلاحظون ان الي مشاركين في هذا الموضوع كلهم من بوظبي؟
الظاهر انه العرض مب موجود في الامارات الشمالية

[لكزس_ظبياني]

هههههههه شباب بوظبي يحبون اللمعه ههههههه

[راعي الكزس اي ا]

بخربها عليكم! دبي فيها بعد لووول.
أنا بسيوها في سبتمبر إنشاءالله , تكون كملت الموتر عندي سنة!

[واوا دبي]

يخوي انا سالت..موجوده فدبي وهمن بعد الشارجه . واعتقد فكل وكلاالات الفطيم

بس انا بعدني ما سوييت ..يوم اظهر الموتر من الوكااله انشاءالله علاسبوع الياي وخل الموتر سنه عندي راح اسوييه..

احم احم

وبعدين رااح اخبرك بالفرق انشاءالله

[لكزس اماراتي]

..+ ظبياني أي أس +..

أنا قبل مهندس الصيانة يلس على راسي عسب أسوي هالحماية .. بس قلت له بعدين ..
وبأخر تشييك أكتشفت أن الولد ماقصر .. سوها بالنيابة عني .. :d


:

..+ لكزس_ظبياني +..

ههههههههههههه فعلا نحب اللمعة والاشياء اللي تلمع ..

:


..+ راعي الكزس اي ا +..

لووولز .. بالعكس أنت حليتها ..
يبالك هالحماية .. فنانه تراها ..

:

..+ واوا دبي +..

يعطيك خيرها ويكفيك شرها مقدماً ..
ونظام الحماية .. لحد اليوم شغال صح لووولز ..