[دباب هوندا]

السلام عليكم ورحمة الله وبركاتة


الاخوة الافاضل ماهو افضل زيت للنمر علما بأني غيرت اول تغيره في الوكاله زيت تويوتا؟
وبعد كم اغير الزيت؟
لاحظت ان الطاره شويه ثقيله فهل هدا عادي؟




ولكم جزيل الشكر والعرفان00000000000000000000

[دباب هوندا]

المهم السؤال التالت

[أبو عبدالرحمن خ]

بانسبة للزيت المتعارف عليه عند الجميع تقريبا هو سوبر جي تي

بالنسبة بعد كم تغير الزيت صراحة هو الوكالة مع حرصها على شفط الفلوس لا تغير الا بعد خمسة آلاف وهذا يعتبر عندهم طبيعي

اما انا فلا اغير الا بعد ثمانية الاف او تسعة وبعضهم يغيره بعد خمسة عشر الف وهو اخونا الجنوبي

لكن الطبيعي اذا انت حريص وخايف على السيارة طبق نظام الوكالة 5000 كيلوا وهذا طبيعي جدا جدا ولا يغرونك يقولو 2500 او 3000 كله خرط بخر

بالنسبة لثقل الطارة يمكن هواء الكفرات نازل شوي تأكد منه

[رنديفو]

اخوي دباب هوندا

موضوع الطارة طبيعي هي ثقيلة شوي بس تأكد من الهواء وزيت الدركسون

[دباب هوندا]

شكري لكم الله يحفطكم

[دباب هوندا]

الله يحفظكم ويحقق كل امانيكم

[جنوبي وجنوني]

دباب هلا ههههههه مشاء الله عليك دباب وكرسدا مدري وش هي وفورتشنر الله يزيدك
المهم الزيت حط موبيل ون ويمشيك 15 الف العلبه سعرها 35 ريال واذا تبي بديل لا تغير غير W دبليو ايش دبليو ايش والله اني ناسيه الدبليو هو رقم او مقياس لزوجة وخفت الزيت هههههههههههههه بس مو مثل W الوكالة على فكره الدبليو يعني رقم الزيت لان زيت تويوتا الدبليو حقه يوووه والله لا تلومني ماني حافظ الدبلويهات حقت الزيوت يخوك مغير الا بعد 15 الف يعني فوق الاربعة اشهر مطب البنشري .. المهم رقم زيت الوكالة اعلى وهو ثقيل وكلما نقص الرقم كلما كان افضل لانه يكون خفيف على المكينة ولا يحرق بسرعه ولا يفقد لزوجته في زيت كسترول سعر العلبة 15 ريال مدري كم رقمه هو طيب ...وكل الزيوت زينه يا رجال ..؟

اما بخصوص ثقل الطارة فهو ليس من الكفرات اخي ولا من علبة الدركسون لاني مغير علبة الدركسون بافضل من الي كانت عليها لانها اقوى من حيث الريش الداخليه ونفس الشي ما تغير شي فاتوقع والله اعلم من الاذرعة والمقصات وهو شي طبيعي لا تخاف ؟ اكييد بتقول ليه مغيرها لان الغطاء ما كان مشدود ودخل في العلبة رمل طعوس حتى خربت علي لاني ما انتبهت لها ..؟ والله مفتح الكبوت الا في الاسبوع مرة ..؟

وتقبل مروري