[غـيـر الـنـاس]

السلام عليكم ,,

كيف الحال ياشباب ,,
ان شاء الله بخير ,,

المهم لا اطول عليكم

السالفه ومافيها اني ودي افتح شكمان للكامري حقتي
وهي 4 سلندر اوتو
فـ ابغى اشوف هل يضر السياره ولا لا
سواء في الاستخدام ولا في البيع
وهل يقوي العزم مره ولا شوي

تكفون الي عنده معلومه لا يبخل علينا

وانا ما ابغى اركب دبه رياضيه
ابغى شكمانين نفس الوكاله اشتري واحد من التشليح واوصله

ارجو المساعده

[غـيـر الـنـاس]

ياشباب 12 مشاهده وولا رد !!!!!

تكفون ابي المساعده

[استاذ الكامري]

طيب ياخوي روح شوف محل شكمانات انشاللهٌ يفيدك اكثر مننا
بس الي اعرف تقدر تسوي وما اظن يقوي العزمُ الى شيء بسيط

[الميت...]

اذا كنت بتركب فتحه ثانيه في نفس الدبه الراكبه
اوبتغيرها لرياظيه فهذا مايضر ويمكن يفرق معك في العزم حاجه بسيطه

ام بالنسبه للقزوز والماصوره اللي توصل بين القزوز والدبه
فأي تغيير عليها او توصيله زايده فهذا ياثر على المكينه


اتمنى اي افدتك

تحياتي

[مصرقع الشرقية]

سمعت يعطي واحد او ثنين حصان وبيعطيك منظر احلا

[نبضي الكامري]

الحل بسيط صبرك علي وانا اخوك انا مفكر بالهطريقة من زمان لكن ......... ابقولك انا احب الشغل النظيف يعني تريقع ما أقتنع ..

ابطلب من بازرعة صدام خلفي glx 6v يجي فتحتين وبطلب كام ( شكمان معه عدد 2 ) وانا بنفسي بسويهم ..

لكني بإنتظار الرد من أخواننا في اليمن

متى ماردوا لي خبر عن أرقام التلفون الصحيحة عن الوكيل بازرعه رايح اكلمه وارد خبر ..

وعلى فكره يعطي عزم من 3 - 5 أحصنه( كل الفتحتين ) يا اخي يكفيك لما يكون شكمان واحد وتشيل فلتر التلوث يعطيك 2 حصان زيادة

كيف لما يكونو فتحتين ..

مع التحية ،،،،

[غـيـر الـنـاس]

يعطيك العافيه اخوي استاذ الكامري
انا ودي افتح شكمان ثاني عشان العزم بعدين ماقد شفت ولا كامري 2005 شكمانين
يعني حركه حلوه وجديده

مشكور اخوي الميت. . . على الرد
وانا ودي اشتري دبه واوصل من الدبه الاولى للثانيه

ماقصرت اخوي مصرقع الشرقيه
بس 1 او 2 حصان بس !!
ماتفرق واجد في العزم

يعطيك العافيه اخوي نبضي كامري
طيب الـ3 او الـ5 احصنه هل تفرق في العزم ؟؟

واشكركم على الردود وبيض الله وجيهكم

[عاشـــق اللاند]

اخي الكريم اذا فتحت اقزوز ثاني (شكمان) تأكد ميه بالميه ان العزم سوف يتحسن عندك ولكن يجب ان تعدل كمبيوتر السياره لاتسالني كيف لاني لاعلم بالتعديل لكن عندي معلومات قليله جدا

[نبضي الكامري]

اتوقع بنسبه بسيطة تكاد تمون غير ملحوظه على حسب ما سمعت ..

على العموم جاني الرد اليوم من أخوي السياغي جزاه الله خير بأرقام التلفون الجديده بأتصل فيهم اليوم واشوف الأسعار

وأنزل موضوع في قسم الكامري عن ذلك قريباً ..

وتعقيباً على زيادة العزم التجربة خير برهان خلني أجرب وأرد لك خبر بعد التركيب بس صبرك علي يا عزيزي ..

مع التحية ،،،،