[شمروخ الشامخ]

امس شفت اعلان لأحد المعارض في جريدة الراية القطرية عن عرض لكزس للبيع بمبلغ 304000 و سيارة اخرى بمبلغ 317000 مع انها جديدة

للعلم انا جيت نفس المعرض اول ما جاب السيارات وكانت اسعارها ما بين 350 إلى 370 الف
اما الكزس وارد الدوحة فكانت قيمتها 390 الف.

الظاهر السبب في نزول الاسعار لأنها ما فيها ضمان

[الاصيـل]

اخوي اللكزس وارد الدوحه اي معرض
والله يالغالي المعارض تبيع وارد السعوديه على 375 الف بدون ضمان
المشكله في ارتفاع السعر بعد الكميه اللي نزلت قليله جدا وحجز حاليا مافي الا بعد شهرين
يعني دفعه 2009 وهذا كلام وكاله عبدالغني عاد الله يعين متى الواحد راح يستلم

[ملك اللاند]

انتبة لاتصير مضروبة
أو تلاعب بالمواصفات

[شكمان ابوكنداسه]

الاسعار لازم تنزل وتترتفع

[عبدالعزيز السيد]

مستحيل وارد الدوحة بقيمة 290000 الف ريال قطري

[حيران و مبهذل]

مستحيلين مهب مستحيل واحد الاسعار هاذي
ويليت الاسعار هاذي يطلعون لكزس احسن ناس
هههههههههههههههه

[ابو ساره وغاده]

اخوي شمروخ تاكد من المواصفات ترا فيه فئه ستاندرد (بدون شاشه خلفيه وبدون كاميرا اماميه وبدون ثلاجه ونوعيه الجلد تفرق ونظام الصوت ) اكيد انت تتكلم عن الفئه الاقل مش الفل كامل

[راكان قطر]

مستحيل هاذي اسعارها انا شايف امس فى معارض الرياض وحدة فل ابشن ماشيه 3000 الاف ولولوى ومعروضة 350000 غير قابل
وهذا الكلام مش تكذيبك ولاكن تعقيبا على الاسعار واعتقد انت كنت فاهم غلط واسمحوا لى على الصراحة
وشكرا للموضوع

[عـلـي بــاوزيـر]

شباب معارض الدوحة تبيع اللكزس Lx570 اصفار ب 365000 ريال وعليها طلب

[ولد المرر]

اللكزس أسعارها في إرتفاع وبالأخص 570 وممكن توصل إلى أسعار خيالية ... هذا الكلام من شخصية مهمة بوكالة اللكزس وحتى الآن على قائمة الإنتظار (1500 ) شخص ... معظمهم من فئة الــ vip وأللي هم الكثر ... والبقية عليهم السلام والإكرام ... حتى عام 2010 إذا وصل بعد دورهم .....

تحياتي وسلامي للجميع ......

[شمروخ الشامخ]

اوووووووووووه والله نسيت يا جماعة كتبت الموضوع ونسيته

على العموم مشكورين على المشاركة جميعاً
وحاب اوضح لكم ان بعض الارقام كتبتها خطأ مثلاً سعر الكزس وارد الدوحة هو (390 وليس 290) وقد قمت بالتعديل
أم بالنسبة للسيارة فهي فعلاً مثل ما قلتوا ... ستاندر حتى ثلاجة ما فيها ، الدركسون ما فيه تيك ؟!! بدون كيمرات
واللون ازرق فاتح مدري تركوازي

في النهاية اسف على التاخير و شاكر لكم المشاركة