طبعا اخوكم ماشي في طريق الملك عبدالعزيز في جدة متجه نحو دوار الكره الارضية المهم وفي راعي كابرس 2006 LTZ من اول يبغاني ادعس معاه المهم يوم وقفنا في اشارة تقاطع طريق الملك مع شارع حراء الا واتخذت القرار اني ادعس معاه ولمن فكت الاشاره كل واحد فينا دعس الين 240 وهو ورايا انا من يوم ما انتبهت اني جايب طبلون السياره على طول شلت رجلي من دعسة البنزين الا وهو يتعداني وفجأه ..............
الاقي اشياء تلمع في الجو وجمبي خويي كلنا انخرطنا الا والقزاز من كل مكان يخبط في سيارتي نزلت اشوف اش الي سار وياريتني مانزلت :- 1- قزاز سيارتي الامامي اتكسر 2- تجريح في كبوت السيارة " طبعا البوية طلعت " 3- تجريح في صدام السيارة " ^^^^^^^^^ " 4- الاصطب باين انو مخدش من القزاز الي كان في الجو 5- القطعه الاولى من البانوراما " الي لمن تفتح التنده تطلع على فوق " مجرحه 6- المرايا الجانبية لحقت نصيبها من التخديش
والعسكري يقول كيف التندة طارت !!! احنا مانبغى نجيب طاري السرعه الا واقله يمكن احتباس حراري قام قالي صادق صادق تسير
المهم رسم الكروكي ورحنا مرور شمال غرب جدة ويوم دخلنا اعطينا الكروركي يقولي متنازل قلتله ايوه بس ابغى ورقة التامين قالي الورقة مافي الا يوم السبت يبن الحلال من هنا ولا من هنا انا عندي جامعه وابغى اودي سيارتي الشركة عشان تخلص بسرعه قالي مافيه حق التأمين اصلا مايداوم الا من السبت الين الاربعاء من الساعه 8-2:30 في الظهر قلتله طيب وكيف الطرف الثاني قالي عادي اذا انت متنازل وهو مايبغى ورقة اصلاح مو لازم يجي معاك يوم السبت قلت طيب اش اسوى عاد " امر الله شق القربه"
طبعا انا حزييين لاني سارت لي مشكلة في مراية السياره من قبل وسويتها عند الشركة وماظبط لونها مقارنة بلون السياره وطبعا هذي اشياء اكبر من مراية يعني مدري اش الي حيسير في سيارتي
الحمدالله انو سيارتي فيها تامين شامل ولا كنت رحت في خرايطها
وفي الاخير اي واحد معاه كابرس بعد كذا لو جا جمبي حغير الطريق ماادري يمكن الكفر بالجنط يطير ويجي عليا حسبي الله على السيارت الي زي كذا
هههههههههههههههههههههههههههههههههههههههههههههههههه صراحه كل الردود تحف
حبايبي قصدوو الرجال وقف عند الاشاره وحصل كابريس وطلبوو حرش مع بعض وقوموا واللكزس طلع ويوم وصلت 240 وهدا السرعه راعي الكابريس ما هدى المهم على 200 قام راعي الكابريس يمكن يقفل فتحه السقف الي هيا التنده وطارت القزازه حقت فتحه السقف وطاحت في الشارع وتحطمت وبقايا القزاز جا باللكزس وبس<***** صعبه هذي
ما أقوول الا الله يهديكم انت وخويك وصاحب الكابريس و الحمد لله على السلامة
بس بصراحة ما فهمت ويش اللي طار وكيف صار .... ممكن تسرد القصة مرة ثلاية بعد ما تهدأ من الروعة
هلا اخوي الحزيمي القصه وكل مافيها انو تندة الكابرس طارت ( لاتسألني كيف ) يمكن من السرعه اتوقع وانا طبعا بعد ماهديت سرت ورا الكابرس فيوم طارت اتفشفشت مع دفع الهوا يعني سارت قطع كثير بدل ماهي قطعه كامله وقبل ماتنزل الارض صقعت في سيارتي قطع القزاز في الواجه كاملة + فوق الرفرف + القزاز + فتحة البانوراما
هههههههههههههههههههههههههههههههههههههههههههههههههه صراحه كل الردود تحف
حبايبي قصدوو الرجال وقف عند الاشاره وحصل كابريس وطلبوو حرش مع بعض وقوموا واللكزس طلع ويوم وصلت 240 وهدا السرعه راعي الكابريس ما هدى المهم على 200 قام راعي الكابريس يمكن يقفل فتحه السقف الي هيا التنده وطارت القزازه حقت فتحه السقف وطاحت في الشارع وتحطمت وبقايا القزاز جا باللكزس وبس<***** صعبه هذي
صاحب الكابرس يقول كانت مقفله قلت له انت حاولت تفتحها قال لا
وبقايا القزاز جا في سيارتي قبل ما تطيح في الارض
ولمن فكت الاشاره كل واحد فينا دعس الين 240 وهو ورايا انا من يوم ما انتبهت اني جايب طبلون السياره على طول شلت رجلي من دعسة البنزين الا وهو يتعداني وفجأه ..............
