[ملك الشبكه]

اخواني الاعزاء
السلام عليكم ورحمة الله وبركاته
افيدكم بانه تم ادخال سيارتي لكزس es350لصيانه 40 الف ولكن تفاجئت باخباري ان السياره عند اجراء فحص السياره خارج الصيانه صارلها صدمه قويه على الجزء الخلفي الايمن كامل اكيد بتحملونها هم لكن انقهرت وعطوني سياره بديله وكاتبين اني في اليوم مامشي الى100كيلو والسياره البديله ايضن مصدومه
امل منكم الحذر والسلام عليكم

[الحــل الصعب]

الله يكون بعونك اخوي

ما ادري ليش هالسالفه تتكرر كثير مع ابو الفلاس ابوجميل

المفروض فيه تعويض مو بس تصليح لكن ما نقول الا حكم القوي على الضعيف

انت لو تشوف سواقة العمال للسياره بالوكاله تعرف الاهمال الكبير كل من هب ودب من هالعمال يسوق السياره ولا حسيب ولا رقيب

[فتكان]

هذا وكيلكم والله بلاكم فيه

[موبايلي]

لو في حمايه للمستهلك ما صار هالشي

[مطشم]

من جد أنواع الاهمال ذكرتوني أول ماطلعت سيارتي كنت أحطها بالصيانه وقت الاستلام يطلعها لي والسياره باارده ما أرتفع مؤشر الحراره ولاشخطه والمكيف على ثلاثه كنت أنقهر مو مره واحده أكثر من مره بس الحين عادي صرت ما أهتم

[مـوال]

انا مرتين حكو سيارتي
المره الاولى متأكد لأن السيارة طلعتها من الورشة ووقفت قدام الاستقبال ولاحظت الحكه ولكن كانت عباره عن بلاستيك لاصق بالبوية وخرج فور فركه باليد والمشكلة انهم لم يبلغوني او يعتذرو لي والثانية هي الطامه حيث ان السيارة حين اردت استلامها من الورشة الي بالوكاله سكرو اللمبات (الانوار) الخاصه بالورشة وكان على المغرب ولا لاحضت شي الصراحه ما ادري هل بسبب الضلمة او الاستعجال المهم مالكم في الطويله.... رحت للبيت ودخلت السيارة ويوم نزلت من السيارة واشوف ذيك الحكه الي على البودي (الخلفي فوق مقفبض باب الراكب الايمن خلف السائق) يعني فوق مسكة اليد الخارجية ضربة بدون طعج بالبودي يعني حكة وعلى القزاز وحلق النيكل وقبضة الباب نفسها .. وانا الي ادق على الوكالة واكلمهم وقالو تعال بسرعه ((خاصة ان لي سوابق مرافعه وشكاوي عليهم )) من اليابان ، يوم رحت وقابلت الموظف حولني على مدير الصيانه وكان على آخر الدوام وسكر مدير الصيانة الباب في وجهي بعد ماقال ما دام ان السيارة طلعت مالنا علاقه ومن هنا وهنا الرجال صامل ويقول لي ""احمد ربك على ان القزاز ما انكسر"" شف الرد وانا بديت ارفع صوتي عليه ومن هنا ومن هنا قلت ما راح استفيد شي وكلمت الشكاوي والى يومك ما ردو علي والكلام هذا من شهر تقريباً ...
والحمد لله راحت المخوش بالتلميع بس مكان البوية فوق يد الباب صبغتها بطامس ههههه مالقيت قلم البوية نفسه .
مرفق صور