| رد: اهل الخبرة .. جيب لكزس 470 الأمريكي .. وش رايكم فيه ؟؟
تفضل أخوي ( مخاوي ) وهذي صور للمعلومات اللي قلتها لك وترى ماقلت أشياء ثانية لأني كنت عجل بالرد وأعتذر منك ترى عندهم بالجيب 2003 و 04 عشر سماعات وعندنا 8 سماعات والملاحة واصل لهم من سنوات وعندهم تكايات للسائق والراكب لاصقة بنفس المقعد لأن التكاية الوسطى اللي فيها علبة تخزين الـDVD حجمها شوي صغير علشان التكايات الجانبية وهذي صور للي قلت لك عليها وإن شاء الله تجوز لك .
طبعا شوف الكشافات اللي بوسط الصدام .. ويمكن تكون للإضاءة نهارا زي منت شايف في الإضاءة الخافتة اللي مكان العالي لأن هذي المواصفة ضرورية لكل سيارة تدخل لأمريكا .
وهذي صورة للتحكم بالمكيف بمقعد الصف الثاني وتحتها الحاملات الخاصة بالأكواب .
وهذي صورة لتدفئة المقاعد الأمامية .
جنط بقياس ( 18 ) إنش لأن عندنا لكزس 2003 وجنوطه ( 17 ) واضح إنها أصغر من هذا وطبعا الأمريكي تصميم الجنط يختلف كليا وأنا أشوفه أفخم.
وهذي السماعات الإضافية ماركة ( مارك ليفينسون ) المتطورة وهي ما وصلت عندنا إلا عام 2006 .
المسند الوسطي صغير نسبيا ولايوجد فيه ثلاجة ( عيب في الأمريكي ).
وهذي صور للسيارة للي يبي يشوف مواصفاتهم وعيب الأمريكي ( بدون حساسات أمامي وخلفية ) وكذلك بدون ( رشاشات غسيل للأنوار الأمامية ).
وكذلك عيب الأمريكي بدون شكمان كروم ..
وفي الختام تبقى المواصفات الأمريكية أفضل في أمور والخليجية أفضل في أمور محدود كالثلاجة والحساسات الامامية والخلفية وغسيل للأنوار الأمامية.
وتقبل تحيتي واحترامي يا ( مخــاوي ) .
التعديل الأخير تم بواسطة : الحجيلان بتاريخ 05-21-2008 الساعة 03:07 PM.
| 
