[ابو ريمـــــــا]

السلام عليكم

ابي ياشباب خدمه منكم وهي

وين احصل افالون تأجير في مدينة الرياض؟

لاني سألت كذا واحد ودلوني على بدجت لكن طلع غالي بحدود 400 ريال...

لاني والله ناوي اشتري السياره ولكن ابي اجرب السياره لمدة يوم او يومين عشان اعرف امكانياتها...

حتى اني دقيت على شركة عبداللطيف جميل وقالوا ان تجربة الافالون انتهت مدتها..

تكفون ياشباب دلوني عليها........

تحياتي لكم

[افالون اسود]

لو سمحت اخوي بأي فرع موجودة السيارة

وهل هي ليمتد او Xl

وكم طلبوا تأمين

تحياتي

[افالون اسود]

لو سمحت اخوي اي فرع لقيتها


وهل هي ليمتد اوxl

وكم طلبوا تأمين

وشكرا

[الأمازون]

موجودة في بدجت وهي لميتد

وسعرها 260 ريال في اليوم + 30 ريال تأمين ( حسب الرغبه )

وشكرا

[ابو ريمـــــــا]

والله ياخوي افالون اسود ما اعرف باي فرع لاني كلمتهم على الرقم المجاني..

ولما قالي السعر انهيت المكالمه..

--------------------------

بالله يالامازون هي بهذا السعر

والله سعرها حلو جدا...

طيب غريبه ليش يقولون لي 400 ريال؟؟؟

واذا تعرف شركات تاجير ثانيه ياليت تدلنا عليها...

ويعطيك الف عافيه..................

[احمد باطيب]

اتمنيت انك تكون في مكة كان اعطيتك سيارتي....

[افالوون]

ابو ريما تحصلها في شركه الوفاق لتاجير السيارات معروفه هالشركه والضاهر قيمتها 260 ريال باليوم لو 400 ياشيخ استاجر انفنتي Q45

[ابو ريمـــــــا]

الله يخليك يا احمد باطيب والله ماتقصر...

يعطيك العافيه يا افالوون وان شاء الله رايح اكلمهم...

ويعطيكم الف عافيه........

[احمد باطيب]

هذا من طبع اصحاب الافالوناااااااااااااااات............

[افالوون]

ان شاء الله تكون حصلتها وبالسعر المناسب

[ابو ريمـــــــا]

والله ياخوي توني مكلمهم على هذا الرقم 2780367

وقالي ان ماعندهم افالون ولا في الفروع الثانيه .......

[هادي جدا]

السلام عليكم أخوي أبو ريما تقدر تجرب السياره تعرف مواصفاته بدون ماتدفع شي

أتصل على الوكاله وقلهم أبغى أشتري أفالون بس أبغى أعرف مواصفاتها وقدراتها وأطلب منهم أرسال مندوب معه أفالون يجيك في بيتك ويعرضلك مواصفات السياره ويخليك تجربها

وشكرا

[ابو ريمـــــــا]

اخوي هادي جدا

انا كلمتهم وقالوا فترة التجريب انتهت..

الا اذا تعرف فرع يجيبها لي...

وشكلي باروح بدجت...

[هادي جدا]

بحاول أجيبلك رقم المندوب

[ابو ريمـــــــا]

يعطيك العافيه اخوي هادي جدا

ياليت والله رقم المندوب باسرع وقت.....

[هاوي أفالون]

حبيبي

اذا انت ناوي ولا حجزت فقدامك 6 شهور تفكر وتقرر ..

فانصحك انك تحجز وبعدين تدور على التجربة


انا الآن كملت 6 شهور بالضبط من يوم حجزت والى يومك ولا اتصال واحد ..

وعدوني بعد 5 شهور استلم السيارة .. ولكن ......

رحت لفرع العليا بعد 4 شهور مستانس بقى على المده شهر ناوي استعجلهم . قال طول بالك علينا كمان 5 شهور ثانية.

يابوي أنا طالب صاروخ .. والا مواصفات خاصه علشان يلطعوني كل هاللطعه ..

فكرت اني ابطل .. واصرف النظر لسيارة ثانية ..


والله ملينا سياسة التطفيش ..

ملينا سياسة عبداللطيف جميل .. الاحتكارية ..