[عبدالله يوسف ا]

السلام عليكم ورحمه الله وبركاته

الحمدلله والصلاه والسلام على سيد وامام المرسلين محمد وعلى آله وصحبه وسلم

بدش بالموضوع على طول انا قبل اسبوع طلبت اوريون الكامله وان شاءالله هالايام توصل

بس اللي عقدني ان متأكد اني شايف السيارة اللي اخترتها موديلها 2008

ولكن قريت ان بعض الاعضاء تكلم عن مواصفات 2008 انها مافيها جناح والجناح لـ 2007

يعني ال2008 كنسلوا الجناح فقمت اشك اني طلبت 2007 وانا مادري

وطبعا هم نفس الشي بس عشان ارتاح نفسيا قولولي ارجوكم 2008 لها جناح ولالا

مشكورين وهذا اول مشاركه لي واتمنى انكم تساعدوني

السلام عليكم

[عبدالله يوسف ا]

تكفون ردوا ترى قمت اوسوس

[><><]

سلامة قوك العقلة اخوي

الجنح على الطلب في 2008 يعني اا طلبت السيارة بجناح راح تجي بجناح او اذا ما طلبت فرح تجي بدون جناح

[أوريون و ص ق]

للأسف على علمي ان الجناح صار اكسسوار من الأضافات لسنة 2008

[طارة الأوريون]

2008 بدون جناح

ولو تبي جناح يركبون لك بس لازم تشترية من قطع الغيار ويركبونه لك بالسمكره

[كــحــيــلان]

الجناح اختياري
(اكسسوار)

[أسامة وبس]

يبدو ان الاخوان استعجلوا في الرد يمكن في الكويت الوضع يختلف ,,, ننتظر اخواننا اللي من الكويت يمكن عندهم الخبر الاكيد

[عبدالله يوسف ا]

يعطيكم العافيه اخواني على الردود وانا بانتظار واحد من الكويت يطمنا على الاقل اليوم واذا مافي رد انطر لي باجر اتصل عليهم

[بلحروووز]

اتمنيت انك زرت الموضوع المثبت لمشرفنا دقات قلب عن مرجع و احتياجات ملاك الاوريون

وراح تحصل اللي تبي

و هذا موضوع اللي راح يريحك و راح يفيدك عن الاوريون وارد الساير و تقدر تطلب 2008 بجناح

اوريون جراندي 2008 وارد الساير حصريا

تحيااااااتي ^_^

[دقات قلب]

بلحروووز يعطيك العافية ..

واذكر في التجمع الاخير من موديل 2008 كانت موجودة الاوريون بجناح

[الملك الأسود]

السلام عليكم

صاحبي اخذ اوريون جراندي 2008

طبعا بدون جناح لكنه طلب جناح معاها فرجعها لهم بعد اسبوعين علشان يركبوه

ولما ركبوه رشوه على لون السيارة

والمفاجئة انه رشوا له الصفقة التحتية للجناح اللي المفروض تكون سودا وصار الجناح قبيـــح؟!!!!


هاوشهم ولكن لا فائدة

هذا اللي اقدر افيدك فيه


تحياتي

[ممنوع الدخول]

القراندي بالكويت الله يسلمك تيي جناح عالفل الكامله فقط

اما الباقي اضافه 100 دينار على السعر

الجلد + شاشة تجي جناح من المصنع

الباقي تركيب الكويت

طبعا 2007 و 2008 نفس الشي

وسلامتك

[احمد اورين]

كلام ممنوع الدخول صحيح

[اخضر زيتوني]

2008 بدون جناح
يمكن 2009 يشيلون منها شي ويخلونه اكسسوار
هههههههههههه

[جاك العلم]

بدون جناح أحلى

[الابيض السريع]

سيارتى موديل 2008 ومعها جناح طبعا جراندى