[اسمي]

والله يا ابو عزام
اللي اعرفه ان الاسعار تختلف من معرض للثاني
وهذا اكيد مايبيلها كلااام
لكن انت ما سألت عن موديلها ؟
وبعدين وانا اخوك ترى 2007 و2008 بالنسبه للـ جي ال نفس بعض ماتفرق ابد "حسب علمي "
بس اللون هذا مايجي في 2007 " الزيتوني "

وبالنسبه للون اللي حاط صورته اخونا مزززحف هو الزيتوني
بالتوفيق

[أبـــو عـــزام]

الله يعطيك العافية (اسمي) مشكور وما قصرت

يعني الحين الزيتوني هو اللي يجي فضي غامق وليس هو الرمادي على موفي حلو لأن هذا اللون اللي قلت للرجال ياخذه

الله يعطيك العافية أنت والجميع رايتكم بيضاء وما قصرتوا

إن شاء الله نردها لكم بالأفراح

بالتوفيق للجميع

سلام

[اسمي]

الله يعافيك يا ابو عزام
ماسوينا الا الواجب
بالنسبه للون هو يجيك لا فضي ولا سلفر .. يقلب
فضي مع اخضر < مدري وشلون جاي ^_^
على العموم انت اخذ رقم اللون واطلبه

الله يبارك لكم فيها ويهنيكم

الله يحفظك

[اسمي]

يا ابو عزام
وانا اخوك حاولت اجيب لك صور للون ماعرفت
لكن الوكاد جبت لك صوره اتوقع انها للون اللي انت ماتبيه < ركز قلت ماتبيه ^_^


هذا واحد من اللونين اللي نزلت بـ 2008
وعلى كلامك انت تبي اللون الثاني مثل اللي بصورة اخونا مزززحف .. صح ؟؟

[أبـــو عـــزام]

ايه صح هذا الرمادي على موفي ولا ينفع لصاحبنا

ومثل ما قلت ما دام الصورة اللي حط اخونا مزحف الكامري هي الزيتوني اجل هو اللي جايز لي ونصحت صاحبنا فيه

وعلى قولتك هو لون متقلب ولا نعرف وشلون نوصفه كود بالرقم

بس ما قلت لي بالنسبة للوحة المعلومات اللي تعطي درجة الحراره وكم يمشيك البنزين والاتجاهات هل هي موجودة في gl أو كيف؟

عارف ثقلت عليك وعلى الأخوان لكن أنا ما ودي إذا شراها الرجال قام يطلع لي عذاريب أبي أكون وافي معه مثل ماأنتم وافين معي

شكراً

[اسمي]

لا عادي يالذيب

طلباتك اوامر طال عمرك ^_^

بالنسبه لـ

بس ما قلت لي بالنسبة للوحة المعلومات اللي تعطي درجة الحراره وكم يمشيك البنزين والاتجاهات هل هي موجودة في gl أو كيف؟

للأسف فيها درجة الحراره بس
اما باقي المواصفات في الـ glx والرياضيه

واي سؤال
انا حاضر... بالخدمه
لايردك الا كيبوردك يالغالي

[أبـــو عـــزام]

عز الله انك ما قصرت أنت والباقين مع مراعاة الوقت اللي طرحت فيه الموضوع وتناقشنا فيه

وهذا إن دل على شيء فهو يدل على الأخلاق العالية

الله لا يحرمك الأجر ويوفقك دنيا وآخره ويرزقك من واسع فضله وباقي الزملاء في المنتدى كذلك

بالتوفيق للجميع

سلام

[اسمي]

ابد طال عمركـ احنا تحت امركـ

وشكرا لكـ على هالكلام الطيب
وشهادتك وسام لنا

اللهم امين ومن يقول يارب
الله يجزاك خير هالدعوه الطيبه

الله يحفظكـ ويسعدكـ

[القشيش]

اخوي مزحف الكامري
السلام عليكم ورحمة الله وبركاته
عندي كامري 2008فيها صوت الهوء قوي جداومسموع لدرجة سبب لي الم في اذنيي فهل هذي المشكلة موجودة في كل الكامريات ولقد ذهبت للوكالة وغيرو الجلد ووزنوا الابواب ومازلت اوعاني من قوة الصوت فهل من حل او اقتراح منك مع بالغ شكري وتقديري

[مزحف الكامري]

المشاركة الأصلية كتبت بواسطة أبـــو عـــزام

طيب والسعر

انا محصلها بـ 72 الف قير اتو وشلون أخوي مزحف يقول بـ 78 هل هناك فرق

هل اللي أنا لاقيها 2007 أو وش الموضوع علمونا


\شكراً

انا متأكد انه هذا سعر سيارتي ,شكلك اللي حصلتها 2007
اما بالنسبه للون اللي في الصوره هذا هو لون سيارتي الزيتوني الجديد مو الفضي....اي خدمه

[مزحف الكامري]

المشاركة الأصلية كتبت بواسطة القشيش

عندي كامري 2008فيها صوت الهوء قوي جداومسموع لدرجة سبب لي الم في اذنيي فهل هذي المشكلة موجودة في كل الكامريات ولقد ذهبت للوكالة وغيرو الجلد ووزنوا الابواب ومازلت اوعاني من قوة الصوت فهل من حل او اقتراح

والله الصوت عندي ضعيف جدا ولا يزعجني ومادام انك رحت الوكاله وماسار شي مدري وش اقلك بس جرب ودبل لها جلود الابواب وانشالله تخف كثير.............اي خدمه

[أبـــو عـــزام]

المشاركة الأصلية كتبت بواسطة مزحف الكامري

انا متأكد انه هذا سعر سيارتي ,شكلك اللي حصلتها 2007

اما بالنسبه للون اللي في الصوره هذا هو لون سيارتي الزيتوني الجديد مو الفضي....اي خدمه

لا موديل 2008 قير أتوماتيك

في معارض الشفاء بالرياض سعرها بالضبط (72.350) ريال شاملة كل شيء

وفي معارض النسيم بالرياض أقل سعر حصلناه بـ (73.300) ريال شاملة كل شيء

والاسعار تختلف من معرض إلى آخر طبعاً جديدة أصفار بدون لوحات

وأتوقع معارض جدة أرخص من الرياض

وآخر دفعة وصلت للسوق تاريخ انتاجها 2/2007 وهي موجودة في معارض الشفاء والنسيم

ووجدنا كامريات تاريخ انتاجها 10/2007 أتوقع الدفعة الثانية أو الأولى

الله يوفقك والجميع

وشكراً لك

سلام

[جاك العلم]

السعر اللي حصلته أخ أبـــو عـــزام صراحة ممتاز جدا اذا كان 2008
ونصيحة لوجه الله تشور على خويك بالـ Glx لأن فيه مواصفات ممتازة
إضافية ومهمة وبخاصة مثبت السرعة أيضا كرسي السائق كهربائي بالكامل
أيضا تحكم بالمسجل من الطارة كذلك كشافات الضباب والتخشيب والجنوط .

ملاحظة : السعر تبع ( مزحف الكامري ) غالي غالي حبتين ما أدري كيف اخذها
بهذا السعر ما أدري وكالة أم معارض !!!!!
علما أن كل سيارات عبداللطيف جميل مؤخرا إذا أخذتها من الوكالة يزيدون
عليك 2000 ريال قيمة التظليل العازل وهو اجباري ، وهذا يفسر ارتفاع أسعار
الوكالة من تالي .

[جاك العلم]

غريبه وين راعي الاستفسار