[واوا دبي]

الســـــــلام علييكم ورحمة الله وبركااته

يجمااعه طبتكم تسااعدوووني

الحين انا حجزت سياره لكزس Es350 موديل 2008 من معرض الملالا للسيارات بالامارات وهي سياره جديده واارد عماان بسعر 170000 الف درهم اماراتي بانوراما..

اما عند الفطيم للسيارات فسعر السياره 179000 الف درهم اماراتي

بس واايد محتااار ..

لان التشيكات رااح تكوون فمعرض الملالا وعندهم((وررشه كبيرررره))..

اما اذا خذيتها من الفطيم فبتكوون التشييكات فالوكاله الفطيم للسيارات؟؟؟

وهل في فرق اذا شيكتها فالورشه ولل عند الفطيم؟؟؟؟؟؟؟

شو اسوووي... ياريت تساعدووني...

وتقوولون لي شو راايكم بالسياره ومواصفاتها؟؟؟

[راعي الكزس اي ا]

يا ساتر 179,000 أنا أخذتها 2008 بانوراما من الفطيم ب 165,000 ! بصراحة مو من زين صيانة الفطيم, وفر فلوسك وخذلك العماني !

[الحزيمي]

خذها من المعرض ووفر الـ 9000 درهم

[بو بدر]

مبرووك مقدما على السيارة والله يعطيك خيرها ويكفيك شرها ان شاءالله...

أولا اختيارك موفق من ناحية السيارة لأن كل الشباب الي استخدموها يمدحوها..

من ناحية الصيانة اتوقع ما في فرق كبير لأن السيارة يابانية ومب معقدة مثل السيارات الالمانية وفي ورشة الملا لاحظت انهم يستعملوا قطع غيار أصلية ويعطوك ضمان..

تقدر أخوي تشيك السيارة فوكالة الفطيم بس يمكن "شوي" يرفعوا عليك السعر بشي بسيط...

نصيحتي لك اذا معرض الملا يعطيك ضمان 3 سنوات أو 100 ألف كيلو توكل على الله وخذ السيارة واذا لأ ادفع 9000 زيادة وخذها من الفطيم وريح بالك.

[واوا دبي]

هي نعـــــــــــم

المـــــــــــلا قالولي راح يعطوني ضماااان 3 سنواات او 100000 .. واذا في شي بالسياره راح يكون على الظماان

وشو تنصحوووون بالتاامين .؟؟ عند اي شرركه ....وكم سعرر تااميين((البيمه)) السيارره..؟؟؟

واتمنى انكم تقولون لي شو السيارره حلوه .؟؟؟ وهل تسمع صوت الهوا فييها ولل هااديه وما تنسمع لها صووت؟؟؟

[واوا دبي]

هي نعـــــــــــم

المـــــــــــلا قالولي راح يعطوني ضماااان 3 سنواات او 100000 .. واذا في شي بالسياره راح يكون على الظماان

وشو تنصحوووون بالتاامين .؟؟ عند اي شرركه ....وكم سعرر تااميين((البيمه)) السيارره..؟؟؟

واتمنى انكم تقولون لي شو السيارره حلوه .؟؟؟ وهل تسمع صوت الهوا فييها ولل هااديه وما تنسمع لها صووت؟؟؟

[بو بدر]

توكل على الله وخذها من عند الملا...

بخصوص التأمين ما عندي فكرة عن أحسن شركة بس أذكر اني بيمت اول ما خذت السيارة سنة 2007 بـ 6000 درهم شامل تصليح الوكالة والحين ضد الغير بـ 450 درهم

والسيارة ما عليها كلام وأكيد راح تعجبك لأنها فخمة وهادية ومريحة خصوصا في المسافات البعيدة.