السلام عليكم
ما أطول عليكم لأنها قافله معي 
السالفه وما فيها
كنت أمس على طريق الملك عبدالعزيز بدخل الحياة مول وأنا داخل الخدمه ألا شوي يصدمني راعي باص مصري ويوم يصدمني أصدم اللي قدامي
وأنزل أتفاهم معه أقول أعمى ما تشوف ومدري إيش
قال السياره ما فيها فرامل
قلت هذا مو شغلي سيارتي تصلحها
قال معاي تأمين شامل قلت أيه كويس
ودقينا على المرور وجأ وقدر الحادث
وطلع الغلط على راعي الباص 100%
المهم يوم جأ التأمين حق الصعيدي وشاف المرور كني سمعت المرور يقول رقم التأمين غلط وأخش بعينهم وأقول وشو غلط ومدري أيش جاني المرور وقالي يا أخوي حقك بتاخذه بتاخذه ومن بعدها وأنا خايف لا تكون مؤامره ويروح حقي
المهم قالي التقرير بيروح لمرور الشمال بعد ساعتين وكان يوم الخميس الساعه 10 تقريباً
فقالو لي رح لمرور الشمال يوم السبت الصباح وقالوا لي وش اسوي لكن انا ما فهمت لان كانت قافله معي وكنت قبلها صادم ومصلح السياره بـ 20 الف
المهم
وش أسوي يوم السبت أروح المرور أخذ منهم ورقة التقرير وبعدين أروح للوكاله أثمنها وبعدين وش أسوي يا ليت تشرحون لي كل القصه ووش اسوي ؟؟
وتأمين التعاونيه يطولون في الرد واستلام المبلغ ؟؟؟؟؟؟؟؟؟؟؟
ناس قالوا لي هذا أول وأللحين إن طولوا أسبوع !!!!!!!!
وناس قالوا لي أسبوعين أو ثلاثه !!!!!!!!!!!
إذا أحد يعرف أحد بالتعاونيه يضبطني أكون له شاكر مقدر
يا شباب تكفون الفزعه الفزعه لا أحد يتأخر بالرد
وأبنزل صور للسياره وأبيكم تقدرونها وش يبي لها وكم تتوقعون القطع تكلف وشعل اليد وكل شي 
وهذي الصور
هذي اللوحه الأماميه أظن تحتاج تعديل
وطبعاً من قدام ما جاها شي والحمدالله بس أعتقد الصدام يبي له وزن
وبالأخير
سالفتي بتطول ولا لا ؟؟؟؟؟؟؟؟؟
ورايكم أصلحها بالوكاله ولا برا الوكاله !!!!!!!!!!!
لأن أنتو عارفين الوكاله تطول وقرف وقلة حيا 
وفيه ورش أحسن من الوكاله
صار لي حادث ومحتاج مساعدتكم يا أهل الخير 
