[عين الامارات]

السلام عليكم

اشتكي من دخول الهواء في السيارة على سرعة 120 او 130 ...
فا شو هو الحل المناسب... هل تتغير الربلاط للابواب ..وهل هذا يغطي الضمان او لا ....

[مستلكز]

ياعيني عليك يا ( عين الامارات )

توني بأسأل عن هذا الموضوع !!!!!!!!!

ياليت الشباب أو الشيّاب يفيدوننا .....

[لوبستر]

السلام عليكم ..... انا صراحه من الاسباب الرئيسيه الي خلاني ابيع سيارتي بعد ما اشتريتها ب اسبوع هو دخول الهواء ان شاء لله يكون له حل مع العلم انه كانت معي
اي اس 350 بانورما

[بلو جراندي]

أنا بعد عندي نفس المشكلة في الكامري 2005... رحت الوكالة قالو لي الربلات مال النوافذ الأمامية مالتك خربانة و لازملها تبديل... قلتلهم كم السعر؟ قالو لي 20 ريال عماني لكل نافذة قبل التخفيض ... بعدين الشخص اللي يشتغل هناك سألني: الهوا يدخل بعد 120؟ قلتلو ايوا بس بعد 120 و إذا تكون فاتح المسجل ما تسمع صوت الهوا ابدا... فقالي عجب أحسن لا تبدلها إلى أن تخرب الربلات بالكامل و يدخل صوت الهوا تحت 120 لأن هذا بيكون أوفر لك...

[مبتكر]

حتى لو تغيرونها مافيه حل بترجع نفس المشكلة والا انتم بنفسكم تحطون ربلات زيادة من محلات الزينة ..

[لكزس اماراتي]

مع الوقت راح تتعودون على الصوت ..
وله كيف بتحس أنك تسوق سيارة .. ههههههههه

[وحداووووي]

انا شاري السيارة من وكالة بهوان و خبرتم بصوت الهواء وقالوا لي بالتشييك القادم إلي هو 10000 كيلو رايحين نضبطلك إياه وعلى الضمان والآن انا بانتظار ال 10000 كيلو وبنشوف شو رايحين يعملوا وراح أخبركم
إن شاء الله بالنتيجة .

[شيخ البانوراما]

المشاركة الأصلية كتبت بواسطة عين الامارات

السلام عليكم

اشتكي من دخول الهواء في السيارة على سرعة 120 او 130 ...
فا شو هو الحل المناسب... هل تتغير الربلاط للابواب ..وهل هذا يغطي الضمان او لا ....

هلا بك اخوي عين الامارات

للأسف هذا احد اهم عيوب السياره ..

ولكن للتوضيح ترى هذا ماهو تهريب (الا ان كانك تحس بتيار هواء فهذا امر مختلف) اللي تسمعه هو صوت الهواء لما يصطدم بجسم السياره و المرايات ..

والسبب كما يقال انه عند نزول الـ 430 لأول مره في السوق الامريكي عام 2001 - ومن باب التعييب في التقنيه اليابانيه لا اكثر- قالوا ان العزل القوي يشكل خطر وعامل يقلل من الامان في السياره في حال حصول تنبيه من احد السيارات المجاوره وذلك قد يتسبب في حصول حوادث. ( لايمكن سماع اصوات اعلى من 4 ديسبل وهذا تقريباً اقل من صوت التحدث الطبيعي وهو عذر نوعاً ما مقبول)

ومن ذلك التاريخ وحتى الآن واللكزس لم تكون في مستواها السابق، وهي المشهوره بالعزل الجبار !

ولكن اذا كانت سواقتك هاديه وتشغل المسجل بصوت معتدل فما راح يبين معاك الصوت بشكل مزعج

واصلاً الرد بيكون واحد من اثنين ..

اما انه بيقولك ما فيه صوت وان اللي تسمعه طبيعي وموجود في كل السيارات

والا بيقول نغير لك الربلات على الضمان وللأسف بيصير الصوت اعلى من قبل

ونصيجه لله لا تخليهم يتعبثون لك بالسياره ترى كل من راح لهم تندم وقال الصوت صار اعلى من الاول ...

لأن مهما كان شغل الوكاله ممتاز ما راح يكون بمثل جودة المصنع وهذا امر مفروغ منه

الله يعطيك خيرها ويكفيك شرها،،،

.

[كامري الزياد]

انا عندي Bmw 745

بس مدري وش الى عندي بالضبط التنسيم مافيه

بس فيه شي مزعج الى هو تحس ان الهواء يصقع بالقزاز الى قدام يعني تسمع صوت الهوا بالقزاز الى قدام قوي شوي

وعندي كامري وحلها هو المسجل وترا الهواء الخارجي يدخل عن عند ازرار النوافذ يعني حط يدك على ازرار النوافذ وسكر بقوه تلقا فيه هواء هاذي تلاحظها بالشتاء السياره حاااره والازرار بارده وتحس بهواء