[المتعاون دائما]

السلام عليكم ورحمة الله وبركاته


كنا اليوم الصبح في وكالة حسن جميل لسيارات تويوتا

واخدت منه اسعار الكامري اللي سألناه عنها

كالتالي

جي ال اكس اوتو + جنوط + جناح = 78400
جي ال اكس اوتو + جنوط + جناح + فتحة سقف = 81400
اس اي اوتو فل كامل = 83 وعليها بس نسيت قال كم

واللي يبي قير عادي يخصم 4 الاف من السعر !

وهذا رقمهم للي يبي يستفسر عن شي
8205000
تحويلة 235

[أحمد الأحسائي]

جميل جميل ..

يعطيك الف عافيه على المعلومات .. ماقصرت


مر من هنا
أحمد الأحسائي

[سوفة درنك]

اخوي احمد ياريت تتاكد من الهاتف المدون


تقبل مروري

[كمورة القمورة]

مشكور اخوي والله يعطيك العافيه والي اشوفه الاسعار نزلت كثير

واتوقع هذي عروض الصيف لاني شفت عبد اللطيف مسوي عروض على التويوتا والديهاتسوو وكاتب عروض الصيف

ولك تحياتي

[كامري وبسين]

في البحرين الاس اي ب9000 دينار غير التسجيل والتامين يعني تطلع 9500دينار تقريبا غير الفوائد البنكيه توصل لي 10500 او اكثر

والله الي عندنا مستغلينه ابشع استغلال

[كمورة القمورة]

المشاركة الأصلية كتبت بواسطة كامري وبسين

في البحرين الاس اي ب9000 دينار غير التسجيل والتامين يعني تطلع 9500دينار تقريبا غير الفوائد البنكيه توصل لي 10500 او اكثر

والله الي عندنا مستغلينه ابشع استغلال

الله يعينكم والله

[عاشـــق اللاند]

شكرا لك مستغرب من اسم ((حسن جميل)) خبري فيه عبداللطيف جميل

[سباقات القطيف]

جديد هذا حسن جميل .. ومثل ماذكر كمورة , مسووين عروض الصيف فاعتقد هذا اهو سبب نزول الأسعار بس معقوله الأس إي تنزل من 89.500 الى 83 الف !!! شكـــــــــــــــــرآآ

[ملفت أنظار]

يعطيك العافية

جهد تشكر عليه

[ي س م]

حسن جميل هو اخو عبداللطيف جميل

وانا ماخذ سيارتي من عنده قبل 7 شهور بـ 85400

ولكن الصيانه عند عبداللطيف جميل

ونصيحه للي بياخذ ياخذ من عند عبداللطيف لأن ماكان في فرق وقت اللي اخذت سيارتي إلآ 600 ريال

و بعدين عبداللطيف يعطيك عرض على تظليل العازل اللي بقسم الاكسسوارات بالوكاله

[كامري مجنونة]

حسن جميل أخو عبداللطيف ؟

طيب إلي ماسك الوكالة حقت عبد اللطيف

محمد عبد اللطيف

عبداللطيف الله يرحمه ميت

وحسن جميل

بس بالدمام ؟

[ي س م]

اي نعم اخووه

وحسن جميل بس بالدمام على ما اعتقد

[كمورة القمورة]

حسن جميل بس بالدمام مكانه: حراج السيارت وعلى فكره حسن جميل في حركه ماهي حلوه

الحركه انه يشوف اللون الي الناس تدور عليه بالتفق يروح يرفع سعره اذكر لما رحت له عشان ابي كامري لون ابيض قالي موجود بس زياده 1500 ريال قلت ليش قال هذا اللون عليه طلب , اما عبد اللطيف مايفرق في ذه الشي وغير كذه عبد اللطيف يضمن لك الكفرات لان حسن جميل سياراته كله واقفه في الشمس ماعنده مستودعات

وان شاء الله وصلت المعلومه ولكم مني جزيل الشكر

ونصيحه الي يبي اي سياره تويوتا غير عبداللطيف جميل لايدور

اخوكم : كمورة القموره

[بروووووك]

مشكور اخوي

[الحجيلان]

عزيزي وموجود في جدة ( غـــازي جميــــل ) وله معرض في جدة في الجوهرة والثاني بالرويس والحلو عدنه موجود عنده صيانة سريعة وقطع غيار وهو أخوهم بعد بس السالفة سياسة لأنه طبعا بالإتفاق مع أخوه تلقى عندهم كل الألوان اللي تبيها حتى جيب اللكزس ....

لكن مجرد ما يسمع إن السيارة ماهي متوفرة في السوق على يرفع السعر لمستوى خيالي والجيب لكزس عنده 380.000 ريال للأبيض واللون اللي تبي بعد يفرق فرق بسيط عن الأبيض والFJ بـ 121,000 ريال والله حرام .

السالفة المعارض هذي هي لمحمد عبداللطيف جميل لكن بأسماء أخوانه والهدف منها والله العالم هو مسايرة العالم يعني رفعوا الاسعار يرفعون أخوان محمد عبداللطيف جميل نزل السعر ينزلون .. والضحية أنا وأنت والثاني والثالث ..

يعني حتى أبو جميل ماكفاهـ اللي جاهـ وجاي يزاحم المعارض والناس ويرفع معهم الأسعار ..

[محمد الـمطيري]

يعطيكم العافيه