[ابراهيم الشيخ]

اول شي السلام عليم ورحمة الله وبركاته

ثاني شي عندي كلمه لاخواني اللي معاهم افالون نصيحه مني لكم غير زيت القير مع الفلتر كل 30.000 الى 50.000 كم لاني انا استهنت بالموضوع وما سمعت كلام الخبراء وبعد كذا صار اللي صار جعله ما يصير لكم انشا الله المهم ادري ودكم تدرون وش صار ......


السياره وقفت في مكانها صارت ترجع على ورى بس اذا حطيت القير بالدي كني حاطه بالإن عادي لا تستغربوووون كل هذا لاني ما غيرت زين القير والفلتر ..

المهم انا شلت السيارة على سطحه وعلى طول على الوكاله وشافو الخراب وقالوا لي بيكلف التصليح تقريبا من 14.000 إلى 18.000 ريال .. انا انهبلت على طلعت سيارتي من الوكاله ووديته عند ناس خبراء احسن من الوكاله حقيت قيور وغيرت القير من التشليح احسن من يوم اني اوضبه ..


بعد كذا قالي صاحب الورشه لازم تحرص على تغير الفلتر حق القير كل 50.000 لانه هو اللي مسبب المشكله حقت القير ...


والسلام وفي االختام انتضر اسألتكم للإجابه عليها ... دائما في خدمه الملكه ...

[حمدان المطيري]

الله يجزاك خير اخوي

الزيت والفلتر القاه عند اي محل زيوت ولا لازم الوكاله

وكم سعر الفلتر والزيت

مشكور مره ثانيه

[نواف البريكي]

السلام عليكم اخوي ابراهيم
اول شي مو صحيح ان السياره اذا مابدلت زيت القير انه يخرب
تبديل زيت القير مجرد تطويل عمر القير واذا كانت السياره ماشيه
اكثر من150 الف المفروض انك ماتبدله تفضي نص الزيت عن طريق البرغي من غير ماتفك الفلتر
وتزيده علشان تحافظ علي مستوا اللزوجه
وبنسبه للوكاله يقولون زيت القير يتبدل كل 100 الف وهذي الوكاله يمكن تكون العرف
من الكراجات وانا مراح الخذ كلام الوكاله انا ابدل الزيت علي 80الف وانشالله يكون القير في
احسن اشتغال
والله ولي التوفيق

[لكزس]

يا اخوان في فرق بين الجير العادي والجير الاتوماتيك
الجير العادي لازم تغيير الزيت كل 100 الف كلم ولايوجد فيه فلتر
الجير الاتوماتيك لازم تغير زيت مع فلتر كل 40 الف كلم
نصيحة لكم لاتستهينون بالموضوع الشغلة ماتكلفك اكثر من 250 ريال ولو اهملتها تكلفك الجير بالكامل

[المــمـــيــز]

بخصوص القير حق الافالون

بحط لك بعض النقاط اتمنى ان الجميع يجمعونها ويحطونها في بالهم :-
------------------------------------------------------------------

1-زيت قير الافالون ما يحتاج تغيير لانك لو قريت الكتابة الي في العيار عرفت ايش المقصود

(ATF DOS NOT NEED TO BE CHANGED ONLY 4X4 ****)

والمقصود بـATF هو زيت القير

2-زيت القير لجميع السيارات هو زيت AC DELCO صناعة امريكية ونوعيتة ATF III

3-فلرت القير لا يغير لا بعد 100الف كيلو

4-فلتر القير مغناطيسي اي انه يجذب البرادة والحديد اليه ويسحبها الى تحت

5- لا يمكن تنظيف فلتر القير لانه لا يمكن ازالة البرادة عنه الناتجة من الاحتكاك

6-قيمة تغيير زيت القير كاملاً لا تتعدى 80 ريال عند اي بنشري ولا تخاف من تغييرة


((اذا حدث خلل قبل خروج الضمان في القير فأن الوكالة تتحملة كاملاً بدون اي نقاش ))

اتمنى للجميع الفائدة

[عا افالون شق]

أول مـــــــرهـ اسمع عن فلترر القيــــر !!!!!!!!

انــا عندي فكتوريا موديل 2000
من شريتهااا مــاغيرت زيت القيرر الامرهـ وحدهـ
والفلتر ذا اول مرهـ اسمع به ....

[غـيـر الـنـاس]

اقول ياشباب انا سامع ان زيت القير يتغير كل 40,000
وانا سيارتي ماشيه 87 الف وانا ماغيرته
تتوقعون يأثر على القير ؟؟
وانا ان شاء الله بكره ابغيره

وشكرا على النصيحه

[جوزيف]

أستفسار كان محير ومازال

يعطيكم العافيه

[أفالوني للأبد]

والله حاجة غريبة يا ناس .. أنا أول مرةاسمع بفلتر زيت القير!!!!! أنه يتغير!!!!!!!!!!!

وعلى العموم مشكورين جميعا على التوضيح