[بحرالضنون]

شباب ابي اطلع فكس ار وابي افخم شي ابي حسن مواصفات هي عند البازعي_ولا اليحيى_ولا المسند في الرياض
ويليت الي معهم فكس ار وارد واحد من الثلاثه يشاركنا وشهي المميزات الي تختلف من ناحية الاكسسورات الداخليه

وبالنسبه للفكس ار انا لقيته كامل المواصفات عند المسند 270الف ويقول وارد البريمي هل هذا صحيح
ويليت من يجاوبني الفكس ار يجي بونش الفل كامل ولا لا

[الكميم]

ما يجي بونش إطلاقا
==
أنصحك ( اليحيى أو البريمي )

والسعر مبالغ فيه شوي
==
بالتوفيق

[بحرالضنون]

تسلم يالكميم

[قشمير]

والله ابعد عن المسند لأنه أغلى واحد في السوق على لا شئ


عليك باليحيا أفضل مواصفات في السعودية


دمت بود

[بحرالضنون]

تسلم اخوي قشيمر

[السياغي]

انصحك تاخذ من اليحيى مواصفاته متفوقه جدا
وهو لاياتي بونش في اي مواصفات نهائيا

[شاص فل]

هلا اخوي نصيحتي لك دور البريمي ومو ضروري اليحي او البازعي الميزة في الاثنين الضمان فقط لكن البريمي الفل ما يجي ونش يجي اسبيرين مقاعد جلد كهرباء شاشة ملاحة جناح ...... الخ سعره 250000 ونازل صحيح ارتفع بس مو اكثر من كذا

[بنت الخران]

مواصفات البازعي فى القمه

وهذا شي معرووف

بس قيمته غاليه اشوي

بس يستاهل

[بحرالضنون]

اخوي السياغي+ شاص فل + بنت الخران تحياتي لكم واشكرمروركم بموضوعي

[أبوحمد]

أفضل VX-R هو وارد البريمي طبعا على مستوى دول مجلس التعاون الخليجي وأكيد سعره غالي ..

بس كل الاختلافات زوائد واكسسوارات .

[درب المحبه]

صدقت يابوحمد مواصفات البريمي ممتازه ورائعه .....
لكن للأمانه في نقطه حبيت أذكرها .. وهو مشغل dvd غير متوفر في سقف السياره
وبعض الأضافات البسيطه لاأذكرها تحديدا

[حسونه]

أنا أستغرب الأخوان السياغي وأبو حمد لم يذكرو بازرعه
مع العلم بأن مواصفاته ممتازة ,, ولا أعلم عن مواصفات الفي أكس آر
المهم الأخوان ماقصرو
بالنسبة لمبلغ 270,000 زد عليها شوى وخذ لكزس

[بحرالضنون]

ابواحمد_درب المحبه_ اخوي حسونه اشكركم على المرور بالنسبه لمواصفات البريمي الزين مايكمل لاونش ولاشاشة dvdصعبه وبالنسبه للكزس انا معي واحد من الوكله من عام 98عزالله ماقصر ماخلاء جرف الا طمره وانشهد انه شيك ماقولك ماودي بلكزس الامتقطع قلبي عليه لاكن قيمته غاليه واذا باخذ 300بيطلعلي مواصفاته مثل الفكس لاني سمعت انه 3درجات الفل بكم 400 اعوذ باالله تزوجني 3 حريم

[طعس في بر جدة]

ياخوي انا اشوف خذلك بريمي من المسند او ال جميح او معرض عمان اللى مقابل شيخ المعارض على الشارع الرئيسي بمعارض النسيم بالرياض

وطبعا مواصفات اليحيى لا يعلى عليها بالنسبة للسعر

واذا قروشك قصرت عليك وما باليد حيله خذلك من وارد ابو جميل

وفي الاخر اقول ان الفرق كله في الاكسسوارات وانت و اللي ترتاح له................

[الكونجرس]

انا بأنصحك دامك رجال بتدفع مبلغ كبير زي هذا انك تروح وتشوفهم وارد البريمي واليحي


واذا ودك تقصر العنوه ف رح لليحى وخذ منه ترا مواصفات اوكي بس سعره لك عليه

وبالتوفيق

[يعقوب الرياض]

ما فكرت تأخذ من عبداللطيف
صحيح انه مركب أكسوارات من عنده لكن على حساب السعر راح توفر مبلغ في حدود 30000ريال واغلب الاشياء اللي مغيرها عبداللطيف ما تستاهل أنك تدفع فيها مبلغ كبير عند غيره
شف مواصفات VX عبداللطيف وأنت أحكم

صور Vx جلد وارد عبداللطيف جميل

وسعره في المعارض 250000ريال مقارنة ب280000ريال للخليجي
أستخير وما راح تندم

[احب الكروز]

يااخي اذا بهذا السعر فك لك لكزس الفرق كله 40الف ودووووووووووووووووس