سلام عليكم اعضاء قسمي المفضل اخباركم ان شاء الله بخير < ادخل بالزبده
المهم ياشباب .. وانا توني طالع من الغرابي مستانس بالزينون اللي انا مركبه طبعاً عالي وواطي .. المهم واخذ لي فره بكم شارع دوران يوم جيت للشارع المشؤوم ( الزمرد - المصيف ) اللي ماقد طبيته الا واطلع منه بقسيمه .. المهم ماامداني ادخل الا واللي يكبس لي .. يالييييييل القروشه وش يبي ذا .. واوقف له (دوريه طبعاً) وانزل له بكل احترام واقوله امر يابوي قال وش عندك تدور !! قلت ذا شكله موسوس توني داخل الشارع .. قلت مانيب ادور توني داخل الشارع قال يعني قصدك تدور .( انا اقول بنفسي ذا وش دخله ) قلت لا ياخي بيتنا هنا قال طيب ليه مركب زينون !! استغربت قلت بهياط وش دخلك اتشت معي ماكنت اعرف ان الزينون ممنوع على قولته المهم وهو اللي يبدا ينافخ وانا انافخ شوي قالي انتظرني وانا انتظر الا واشوف ثلاث دوريات غيره .. قلت عسا ماشر ضابط وخواف مناديلي كل ذولا ! المهم شوي وينزلون كلهم ويهايطون ( طبعاً اخوكم جته شوي قمطه ) حتى اني شكيت باخوياي الله يسامحني وقلت اكيد حاطين شي بموتري وعليه بلاغ !
وبعد مناوشات ومهايطات ركبت الفكتوريا وقبل مااركب صكني بمخالفه على الزينون .. المهم وداني للقسم وقدام الناس وعيال حارتنا وشيابها وفوق كذا محجريلي اربع دوريات ! ليه كذا ! وربي خربوا سمعتي .. مع العلم ياعيال والله لي ست سنين اسوق المرور ماقد وقفني حتى لسرعه او تظليل او زينون .. ويجون الشرطه يستقعدون ليه ! وش دخلهم باشياء تخص المرور !
اتمنى ننتناقش عن ذا الموضوع
لكم خالص تحياتي
راجعون
