[ابوغريب]

السلام عليكم ورحمة الله وبركاته

طبعا انتم تعرفون ان (T-Belt) يتم تغييرة كل (150000) ألف كيلو حسب نوع السيارة من الوكالة

ولكن الحيرة في اختلاف الأسعار من وكيل الى وكيل!!

أتصلت بالبازعي وقال (3000) وخصم 25% على الأجور والقطع يصبح المبلغ = 2385

وأتصلت بعبد اللطيف جميل وقال تكلفة التغيير كاملا = 1500 ريال

الفرق 885 ريال!!

هل يوجد حاجة المفروض تتغير وعبد اللطيف مثلا ما يغيرها والا السعر مبالغ فيه
من البازعي؟

طبعا الورش أرخص بكثير ولكن بدون ضمان ويمكن يلعبون في السيارة بعد

نوع السيارة (VXR)

2004

[تــ تيربوــــون]

وانا اخوك عندي خويي وزميلي في العمل عنده في اكس آر موديل 2001 دخله وكالة عبدالغني علشان التايمنق بلت وخذوا عليه 1500 ريال

[بنت الخران]

نفس الشغل فى الفطيم وفى وكاله بهوان البريمي

مثلا فى الفطيم بــ 3000 بعد الخصم يوصل الى 1900

وفى بهوان البريمي

يوصل السعر الى 900 درهم فقط !!!!!


وهذا فقط مثال على شيء اخر




توكل على الله عند عبد اللطيف جميل

[ابوغريب]

الأعزاء:

تــ تيربوــــون

بنت الخران

شكرا لكما على المعلومات القيمة والأضافة

[ع ـاشق]

عند جميل افضل

[أبوحمد]

قطع الغيار عند البازعي غالية وأنا لاحظت هالشي عن تجربة ناهيك أنه ما يوفر بعض القطع !!

خلك على أبو جميل مادام بيضمن شغله ..

[ابوغريب]

الغالين

عاشق
أبو احمد

ما قصرتوا وشكرا على النصيحة وشكلي رايح لأبوجميل

[الحجيلان]

بالفعل زي ماقلتو عند أبو جميل حق اللكزس بـ 1500 ريال ..... لكن لقينا في ورشة معتمدة في جدة بـ 500 ريال مع الضمان واسم المحل بانافع ومتخصص لكزس وأعتقد خالي غير عنده وإلى الآن مافيه مشاكل .

[الكونجرس]

انا انصحك توديه لجميل

لانه وكيل معروف والبازعي ما طلع الا من سنتين

وبعدين جميل يعطيك ضمان على اي شغله يسويها بالسيارة لمدة 15000 او 6 شهور

وفوق هذا كله ارخص
توكل على الله ودخله جميل

وبالتوفيق

[المكفن]

(T-Belt) وين يكون هذا الى قلتة يليت توضح وش ايصرتعرف حنا يالله انعرف الفحمات والبواجىوياليت تقول اسمة بالعربى مثلك عارف حنا ثقافتناالمانيةومشكوريالغالى

[الدب القطبي]

وليه 1500؟؟؟؟ المبلغ مبالغ فيه جدا انا مغير السير لجيب في اكس ار موديل 2003 ب700 ريال قبل 3 شهوربورشه ابوصالح القفارى معلم ميكانيكى هندى شاطر جدا متخصص كروزرات وغير السير من دون مايفك الرديتر لاأنه الفى اكس ار يشترط فك الرديتر ومحله بالصناعيه القديمه على طريق الخرج القديم والوقت ماأخذ ولا ساعه واحده والسيارة ماشاء الله زى العسل ولله الحمد


تحياتى

[مغلي]

المشاركة الأصلية كتبت بواسطة الدب القطبي

وليه 1500؟؟؟؟ المبلغ مبالغ فيه جدا انا مغير السير لجيب في اكس ار موديل 2003 ب700 ريال قبل 3 شهوربورشه ابوصالح القفارى معلم ميكانيكى هندى شاطر جدا متخصص كروزرات وغير السير من دون مايفك الرديتر لاأنه الفى اكس ار يشترط فك الرديتر ومحله بالصناعيه القديمه على طريق الخرج القديم والوقت ماأخذ ولا ساعه واحده والسيارة ماشاء الله زى العسل ولله الحمد


تحياتى

والله هالهندي يستاهل من يسويله لقاء هنا بالمنتدى بموضوع كامل له بالصور
ولا انا غلطان يالدب.....القطبي

[محبوب نوره]

المشاركة الأصلية كتبت بواسطة الدب القطبي

وليه 1500؟؟؟؟ المبلغ مبالغ فيه جدا انا مغير السير لجيب في اكس ار موديل 2003 ب700 ريال قبل 3 شهوربورشه ابوصالح القفارى معلم ميكانيكى هندى شاطر جدا متخصص كروزرات وغير السير من دون مايفك الرديتر لاأنه الفى اكس ار يشترط فك الرديتر ومحله بالصناعيه القديمه على طريق الخرج القديم والوقت ماأخذ ولا ساعه واحده والسيارة ماشاء الله زى العسل ولله الحمد


تحياتى

اخونا الدب القطبي( والله صار الدب القطبي اخو لنا....هههههاا) انا اقصد الاسم مو الشخص.

اخي الكريم..
مو صحيح ان تغيير التايمنق بلت يحتاج لفك الاديتر..
والكلام هذا من تجربه اكثر من مره وعند اكثر من ورشة.. ( غيرته للفكسار مرتين و للجيب اللكزس مرتين)
بالنسبه للسعر ترا مو ثابت !!!!

ليش؟؟
على حسب القطع اللي يتم تغييرها
والشباب اللي قالو انه غيروه ب 500 او ب 700 صحيح ولكن غيرو البلت فقط.. مع شغل اليد لان قيمة البلت لحاله حدود 200 ريال

والصحيح والمفترض ان يتم تغيير القطع التالية..... ( وهذي بحدود 2000 ريال)
1- االبلت
2- الرمان الداخلي
3- الشداد الداخلي
واحيانا يتم تغيير بعض البكرات الخارجيه والشداد الخارجي وهذا مهم جدا( لانه مره خرب علي في البر وبهذل بي جدا)
وكذالك احيانا يحتاج للتغير طرمبه الماء مع تغيير البلت

وسلامتكم
تحيه طيبه للجميع

[عمر محمد]

المشاركة الأصلية كتبت بواسطة المكفن

(T-Belt) وين يكون هذا الى قلتة يليت توضح وش ايصرتعرف حنا يالله انعرف الفحمات والبواجىوياليت تقول اسمة بالعربى مثلك عارف حنا ثقافتناالمانيةومشكوريالغالى

[عبدالعزيز السيد]

عندنا في الوكالة في دولة قطر التغيير بقيمة
5000
ريال قطري !!!

[محامي كروزر]

ياليت لو توضحون لنا وش تتكلمون فيه بالضبط مع الصورررررررررر