[البحث عن المصير]

ماهي اللاندات التي تشبه بعضها تماما من موديل2001-2007خاصة في الأشياء الجوهرية وهل إذا اشتريت 2002كأني اشتريت 2006-2007خاصة إذا كان مخزن ونظيف أرجو تقسيمها إذا كان هناك اختلافات وذلك في فئة(vxr)أرجو الإيضاح لأني أريد أن اشتري ثم انضم إليكم وليس لدي دراية برقم 1و2و3وهل يوجد رقم 4أرجو منكم من( أبي حمد _بنت الخران_ هامور اللاند غيرهم كثير) من النشاما فلاتبخلوا علينا ووسعوا صدوركم لأخيكم العليمي وفقكم الله عز وجل

[البحث عن المصير]

تكفون أعطوني وجه

[الحجيلان]

أولا : ( 98 - 2002 ) نفس المواصفات لكن اختلاف الخطوط وحسب المواصفات يعني فتحة أو بدون ومن هذي الشغلات وفي 2001 زادوا حساسات خلفية واستمرت بقية الأعوام.

ثانيا : ( 2003-2005 ) تغير لون الإشارة الخلفية صارت بيضاء بدل البرتقالي وحسنوا شكل الطبلون والكونسول والمسجل والطارة وغيروا الجنوط صارت 17 بوصة . وفي 2005 تغير شكل الجناح في الخليجي وأيضا خشبوا طارة الخليجي وتغيير جيربوكس VXR وصار 5 سرعات .

ثالثا : ( 2006 ) عدلوا تصميم الأنوار الامامية والخلفية والشبك وحتى شكل الجنوط وأضافوا شاشة ملاحة للـVXR وشاشة ملاحة للـGXR أيضا اختياري وحسنوا شكل الجناح للخليجي أما السعودي كما هو كما حسنوا شكل الدواسات الجانبية وصارت دلع .

رابعا : (2007 ) غيروا شبك الخليجي وصار أحلى لكن بعض الدفعات جت بنفس شبك 2006 .

هذي لمحة بسيطة وسريعة للإختلافات وأتمنى إني وفقت فيها مع العلم إن السيارة واضح فيها الفرق بين الموديلات ورقم 1و 2و 3 معناتها فتحة أو ونش وخلفية ولو بتكلم بالتفصيل الموضوع طويل وما ألحق عليه مع إلمامي التام في مواصفاته الـلاندكروزر بكل أنواعه ...

[بنت الخران]

الاختلافات الجوهريه للسياره من موديل 99 الى 2007 بسيطه جدا من الشكل الخارجي

والاكسسوارات والتعديلات بسيطه امرها للكروزر لتوفر قطع الغيار والعلامات الفارقه بينها

والله يعطيك العافيه الحجيلان دوومك ردودك رائعه وجميله

ولا تنسى تخزين السياره يؤثر بها كثييرا

لذالك يجب عليك تبديل القطع اللتى لها عمر افتراضي قليل

مثل جمييع سوائل السياره

الاطارات

والتأكد من تاريخ السياره من عدم وجود اي مشاكل كبييره بها

[أبوحمد]

بيض الله وجهك يالحجيلان ,, كفيت ووفيت ,, وعيني عليك بارده ( ماشاء الله )

الا على طاري الـ VX-R موديل 2007 ودي أعرف وش فرق المواصفات بين الخليجي والسعودي ؟؟
واحد مكلمني بأنه لقى سعودي جديد لؤلؤي بالمعارض , وماحدد لي رقمه يعني 1 أو 2 او 3 ,, وماقدرت أسأله لأني أصلا ماعندي دراية كاملة ؟؟

وخاطري أغير موتري إلى VX-R فل أوبشن بدل ما أروح إلى 2008 اللى سعره فووووق على مواصفات قليلة !

[هاهاها]

اطبلون يختلف من موديل 98الى 2002 ,,,,,,,,,,2003 الى 2007 والمساعدات الجمبينات مختلفة

[عاشـــق اللاند]

اذا تبي تشتري انصحك اخذ 2006 او 2007 احلى شكل واحلى اكسسوارات ولاتنسى ان اللون الؤلؤي نزل على هالموديلات

[عذاب قلبي]

المشاركة الأصلية كتبت بواسطة أبوحمد

بيض الله وجهك يالحجيلان ,, كفيت ووفيت ,, وعيني عليك بارده ( ماشاء الله )

الا على طاري الـ VX-R موديل 2007 ودي أعرف وش فرق المواصفات بين الخليجي والسعودي ؟؟
واحد مكلمني بأنه لقى سعودي جديد لؤلؤي بالمعارض , وماحدد لي رقمه يعني 1 أو 2 او 3 ,, وماقدرت أسأله لأني أصلا ماعندي دراية كاملة ؟؟

وخاطري أغير موتري إلى VX-R فل أوبشن بدل ما أروح إلى 2008 اللى سعره فووووق على مواصفات قليلة !

اخووي بوحمد الفي اكس ار جميل جدا وفي اكسسوراته بعد والطبلون فرق بواجد من الجي اكي ار ,,
مواصفاته شاشه ملاحه تشكيله حلوه ولون الطراز فضي ومثــبت سرعه وهدروليك وكراسي كرهرباء وجلد وفي مخمل بعد بس اكثر الناس ياخذوون مخمل بس الجلد اغلى ,, وليت العداد يشتغل على طول حتى في الصبح من غير ماتشغل ليت السياره ,,وحساسة في الصدام الامامي والخلفي ,, وسواقته ماشاء الله جميله وخفيفه احسن من الجي اكس ار قير اتماتيك ,, تقبل مرووري ,,

[حسونه]

1998 إلى 2002 = لا فرق يذكر
2003 إلى 2005 = القير للفي أكس آر ( 5 ) سرعات + تغيير ديكورات داخلية + الجنوط + تعديل الشبك الأمامي .
2006 و الــ2007 = الأخوان ما قصروا .

بالنسبة للـموديل 2003 أنا سامع أن عدد الأحصنة أكثر
من غيره من الموديلات التي بعده : 004و005006007
وما ني متأكد

[الحجيلان]

نسيت أضيف نقطة وهو إن الـVXR 2003 صار المكيف حقه أوتوماتيكي باللمس ... واستمر عليها حتى 2007 .


وبارك الله فيكم يا شباب واعذروني على التقصير وكلامك هو عين الصواب يا بنت الخران ومبدعة بحضورك كالعادة .

[الكونجرس]

انا اشوف اخوي الحجيلي ماقصر كفى و وفى

بدون قصور في باقي الاعضاؤ

[الحجيلان]

ماعليك زود يالكونجرس وهذا من طيبك والحمد لله هذي المعلومات تشربتها من أرض الواقع للولع الشديد عندي من صغري بالسيارات ومواصفاتها .

[ابوسهيلي]

ما قصرت يا الحجيلان كفيت ووفيت من غير قصور في باقي الاخوان وحبيت اضيف شغله لل Vxr-limited الدوف لوك الكتروني من غير مفتاح او زر وفيه ريموت تشغيل عن بعد . انامتاكد من 2007 وباقي الموديلات ماني متاكد منها

[عذاب قلبي]

المشاركة الأصلية كتبت بواسطة ابوسهيلي

ما قصرت يا الحجيلان كفيت ووفيت من غير قصور في باقي الاخوان وحبيت اضيف شغله لل Vxr-limited الدوف لوك الكتروني من غير مفتاح او زر وفيه ريموت تشغيل عن بعد . انامتاكد من 2007 وباقي الموديلات ماني متاكد منها

لا اخووي احناا عندنا vx-r limited الدف لوك له زر

[السياغي]

من موديل 98 الى موديل 2002 لايوجد فرق
من موديل 2003 الى 2005 لايوجد فرق
2006 و2007 فارق طفيف الدفيدي والشبك