[حميد العنزي]

السلام عليكم ورحمة الله و بركاته

اخواني قبل كم يوم طلعت سيارتي من الوكالة علشان أصلاحات الديكور و لكن اليوم و أنا راجع من الدوام طلع لي مسمار مدري من وين جاني جلست طول اليوم أدور على مكانه بالسيارة ما حصلت شي راح أرفع لكم صور له و أنشالله تساعدوني







المشكلة الثانية أن الحبك اللي تثبت سجادة السائق ما حصلتها و الله أنهبلت قلت يمكن أنكسرت و قلبت السيارة فوق تحت و لا لقيت لها أي أثر هذا له معنى واحد أن الكسر صار بالوكالة و شالوها من مكانها الله يستر من الوكاله

[" اوريون "]

الله يعينك اخوي ..

[حميد العنزي]

بارك الله فيك

[اوريون_وبس]

يمكن يطلع المسمار الاول حق السجاده خخخخخخخخخخخ



موضوعك بسيط جداا : تافه يعني مايحمل انك تفكر حتى فيه

[حميد العنزي]

يعطيك العافية و شكرا على الرد

[" اوريون "]

^^^^^^^^^^^^^^^^^^^^^^^^^^

قصد اخوي انك لا تشيل هم !

الأمر بسيط جدا انساها لأنها بسيطه !

تحياتي

[عاشـــق اللاند]

الله يعينك لكن وانا خوك لاتصير دقيق

طنش ترا هذي شغلات بسيطه

[حميد العنزي]

على فكرة يا شباب ترى المسمار الأول من شغلة لم أستطع تحديد مكانها الى الأن

بالنسبة للحبك أمرة واضح جدا و من السهل تعويضها

[مستر بلاك]

يا هلا أخوي الله يعين الجميع
يا خوي بالنسبة للمسمار انشالله إذا ما خاب ظني أعرف مكانه
أنا أتوقع إن هذا المسمار مكانه في الطبلون لو تلاحظ موجود فيه فتحتين في سقف الطبلون
لأن مسمار الطبلون يكون مثل الكبس
مره شلته بالغلط وكان شكله يشبه اللي عندك
انشالله أكون حليت مشكلتك : شيك على المكان وعطني خبر
وآسف على الكلام الكثير
تحياتي

[احمد اورين]

اخوي انا انكسرت اول ما طلعتها من الوكاله بالمغسله كان الغسال دفش وتل السجاده حيل وكسرها نفس المكان شوف اذا المسمار ابلاستك فهو الي يثبت القاعده للدفاش وان كان حديد الله اعلم على العموم لا تحاتي الامر سهل تنس او تروح للوكاله وتطلب لك وحده طبعا عقب ما تدش بخشومهم وتقول لهم السبب منكم والله اعوضك خير

[حميد العنزي]

مشكورين اخواني على تفاعلكم مستر بلاك أشيك و أرد لك خبر

لكن الغريب و أنا جالس أمشي بالسيارة أنطلق على المسمار بغى يوقف قلبي فجأه كان الموقف و لا كنت أكلم بالجوال بعد
مشكورين كل اللي ردوا على الموضوع

[اسير الذكرى]

المشاركة الأصلية كتبت بواسطة مستر بلاك

يا هلا أخوي الله يعين الجميع
يا خوي بالنسبة للمسمار انشالله إذا ما خاب ظني أعرف مكانه
أنا أتوقع إن هذا المسمار مكانه في الطبلون لو تلاحظ موجود فيه فتحتين في سقف الطبلون
لأن مسمار الطبلون يكون مثل الكبس
مره شلته بالغلط وكان شكله يشبه اللي عندك
انشالله أكون حليت مشكلتك : شيك على المكان وعطني خبر
وآسف على الكلام الكثير
تحياتي

انا مع كلام اخي مستر بلاك

[دقات قلب]

لم انتبه لمثل هالمسمار

عموما حاول ترجع لهم ولنفس المهندس وتبلغه بالكلام هذا ..

لأن العمال بالوكالة .. هاليومين شغلهم مو مضبوووط ..

وهذا تنبيه للجميع وخصوصا المداومين على الصيانة

[حميد العنزي]

و الله مشكلة وين مكان الفتحتين اللي بالطبلون؟؟؟؟؟؟؟؟؟؟؟؟

[طيار ومهندس]

إحتمال حصل الكسر لمسمار تثبيت السجادة خلال عملية التنظيف ،،،

والموضوع بسيط إنشاء الله ومثل ما قال أخوي دقات قلب إرجع لقسم الصيانة وإنشاء الله تطلع راضي

[ولد التحليه]

يجوز يكون مسمار جحا ؟!!!