[العتيد]

حان الوقت اني انزل صور سيارتي + هدية لكل الاعضاء


السلام عليكم ورحمة الله وبركاته

حبيت اشارككم صور سياري وآسف على التأخير لاني كنت اجرب السيارة وانا خذتها اول ديسمبر 2007 والحين مشت عندي 27 ألف كيلو

وبسم الله نبدأ الصور

هذي الصورة اول ما استلمت السيارة وكانت ماشية 19 كيلو طبعا قطعت هذي المسافة والسيارة رايحة المرور !!

الصورة الثانية بعد تركيب البوالين



الصورة الثالثة ( تغبيرة الشتاء ) كان الجو بارد



الصورة الرابعة في عوافي




الغدا في عوافي





احلى ايام كانت في مرعب الصراحة

هذي صورة مخيمنا وتشوفون الشباب ايضا يطبخون الغدا



فتك + استيشن


صورة عالطاير عجبتني الرمال وهي تتحرك
بس بيني وبينكم اللي يبغي يجرب موتره ويعرف عزمه يجربه هناك لان طعوسهم ما ترحم مب مثل طعوس سيلين والعديد


وهذي الصورة بعد ما عودنا بوظبي بعد عناء ومشقة دامت 4 أيام !!

وفي نهاية الموضوع حبيت اهديكم هالتصميم

لقصة صارت لي وانا مسافر وربكم ستروقدرت اوصل لمحطة البترول

كان باقي لها 25 كيلو والموتر يقول المدي 8 كيلو بس

فتذركت ان كلنا مسافرين ولازم نتزود ( بالتقوى ) والله يستر علينا وعليكم

[لاندكروزروبس]

ماااااااااااااااااااااشاء الله تبارك الله والف الف مبروك والله يعطيك خيرها ويكفيك شرها

[عذاب قلبي]

صراااحه صوور رووعه وماشاء الله عجيب الفي اكس ار وصفت الموااتر هذي بالامارات روووعه ,,وانشا الله استانستوو بالرحله شكلكم مستانسين ,,,, الله يعينك اخس شي لماا يخلص البترول وانت بسفر بس قوولي كيف سوويت بعد هذاا العناا قبل محطة البترول ,,, وتقبل مرووري ياالعتيد

[بنت الخران]

مبروووووووووووووووووووك الف الف الف مبروووووووووووووووووك


الله يعطيك خيرها ويكفيك شرها ان شاء الله



واشكرك على الهديه من الصور

[حسونه]

وعليكم السلام ورحمة الله وبركاته :
موضوع قمة في الروعة جمعت بين قسمين :
قسم اللاند كروزر وقسم الرحلات والمكشات فابدعت
الله يحفظ لك موترك من كل مكروه
وأنا أعجبتني أكثر الصور إلا أنني أرشح هذه الصورة توقيع لك
لما لها من معاني سامية :
http://www.toyota4arab.com/photo/dat..._2_640x469.jpg

وأيضاً هذه الصورة لأنها جمعت ثلاثة أجيال من اللاند كروزر :
http://www.toyota4arab.com/photo/dat...AD_640x480.jpg

[السياغي]

الف الف الف مبرووووك
ومشكور على الصور

[الاشيهب]

ماشاااااااااااااااااااء الله تبارك الله ,الله يعطيك خيره ويكفيك شره

[الكونجرس]

ما شاء الله تبارك الرحمن

ما اقول الا الله يعطيك خيرها ويكفيك شرها

وانا بصراحه ماكان عاجبني ذا اللون
بس مع البوالين طلع عجيييب

[شاص فل]

الف مبرووووو 1000 ووووووك وتستاهل الخير ورحلة موفقة انشاء الله بس كيف طلوع اللاند في الرمال هل ينافس الموديلات القديمة ومدى خفته بالطعوس ولك تحياتي

[ابوعقل]

الله يعطيك خيره ويكفيك شره

والكشته ابداع

[يعقوب الرياض]

ما شاء الله لا قوة إلا بالله
الله يعطيك خيره ويكفيك شره
صور رائعة
الله يعطيك العافية
ياليت لو تعطينا انطباعك عن السيارة خصوصا في البر

[عبـــادي]

ماشاء الله ماشاء الله

الله يعطيك خيرها ويكفيك شرها وتتهنى فيها

والف شكر على الصور يالغالي

[العتيد]

مشكور على المشاركة اخوي ( لاندكروزر وبس)

------------------------

عذاب قلبي اول شي اشكرك عالمرور ثانياُ بالنسبة للبترول المحطة كان باقي لها 25 كيلو والشاشة في الموتر تقول المدى 8 كيلو بس !! قلت الله يستر وفعلا بعد 8 كيلو كتب في الشاشة ( صفر ) بس ما صار شي ولله الحمد مشيت عليه 17 كيلو زيادة واتوقع انه يمشي اكثر .... بس فعلا ترد الروح لما تتغير الشاشة من صفر الى 500 كيلو

------------------------

بنت الخران ..... شكراً على المرور يا مشرفتنا

------------------------

ما شاء الله عليك حسونة تقرا افكاري لاني ناوي احطها توقيع بس ما فضيت ..... اشكرك عالمرور

[العتيد]

السياغي اشكرك عالمرور يا مشرفنا

-----------------------

الاشيهب .... الله يبارك فيك وشكرا على مرورك

----------------------

الكونجرس ......... شكرا عالمرور ..... ولولا اختلاف الاذواق لبارت السلع

---------------------

شاص فل........... بالنسبة لطلوع الرمال انا اشوف انه افضل بكل المقاييس هذا بالنسبة لل8 سلندر وبحكم تجربتي له

[العتيد]

ابو عقل ...... اشكر مرورك اخوي

--------------------

يعقوب الرياض ....... السيارة ماعليها كلام في البر نزل هوا التواير وتوكل على الله !!

--------------------

عبادي.............. اشكرك عالمرور اخوي

[سلطان الإمارات]

ما شئ الله الله يعطيك خيرها ويكفيك شرها / والله دخلت هذا اللون في راسي إن شاء الله باكر رايح أدور نفس هذي الموصفات وهذا اللون على نفس السياره وشكراً