[(العجلان)]

كيف الحال ياشباب اشلونكم انشالله طيبين وحلوين اسئل الله اي يسعدكم حيث ماكنتم

انا اول مره بحياتي اشتري لاندكروزرvxr ورحت فيه الاسبوع الي فات على الدمام والجبيل والظهران وغيرها من المناطق القريبه لدمام ماشالله الموتر جامد ولا احلا وكانت سفره ممتعه والحمدلله

وكانت الشوارع تعبانه ومتكسره وغير المطبات الي يحطونها قبل نقاط التفتيش اللي مالها داعي

ولما رديت الكويت على الشوارع الناعمه كاني حسيت ان الموتر متخلخل هل هذا صحيح ام انا موسوس وهل هذي المواتر صنعت لطرق الوعره واذا كانت متخلله بس اروح اظبب واشد براغي الهيئه الاماميه ام في امور اخرى يجب ان اعملها لجل الموتر جامد





ملاحضه: انا ماشي 140/كم كنه اسمع صوت المكينه عالي او هذا الفي اكس
وهل في اسباب يجب عملها لجعل صوت المكينه منخفض







وشكراااااااااااااااااااااااااا لكم
ودمتم سالمين

[(العجلان)]

لزم اقوووول تكفووون على شان تردون اوكي

تكفوووووووووووووووووووون
تكفوووووووووووووووووووون

[عاشـــق اللاند]

الحمدلله على السلامه

طال عمرك شوراع السعوديه كلها حفر وخصوصا لاتعديت نويصيب ودخلت الخفجي حفر مو طبيعيه وتبي تحس بالازعاج لكن لارجعت لشوارع الكويت تبي تحس ان الموتر فيه نفس الخلل من الهوا طال عمرك لانك مسرع وانا نفس الكلام حسيت موتري فيه بلا وتأكد ان الطريق بري وانت مسرع 140 تبي تحس انه مو ثابت او بالاحرى فيه هزه لكن جربه اليوم اطلع فيه على السادس وامش 140 راح تحسه ثابت عااادي

وانصحك ضبط الهيئة الاماميه من الساير ودخله فحص

[الكونجرس]

والله يخوي شوارع السعودية رايح فيها

خصوصا خط ابوحدريه بس انا اتوقع لامشيت على خط مستوي ما راح تسمع قرقعه ع العموم قبل تدخله الوكاله شيك على هوا التواير يمكن تلقاه فوق الخمسين خصوصا انك سافرت فيه ف شي طبيعي بيرتفع ضعط الهوا

حط الهوا اربعين اتوقع ماتسمع قرقعه

[بو نايف م]

مساك الله بالخير اخوي الغالي

انا نفسك بديت اسمع صوت الطبلون يقرقع علما باني لم اذهب الى طرق تعبانه وكل
سواقتي داخل المدينة لاحظت ان الموتر مع حرارة الشمس بدا يقرقع لان البلاستك
اللى بطبلون السيارة خفيف جداً والله يستر من القادم علما بان موتري قاطع للحين 4000 كيلو متر

[الكميم]

اتركوا الشك بعيد
==
ما في أخس من شوارع صنعاء

والحمد لله السياره ممتازه بكل ما تعنيه الكلمه
==
بس اذا سيارتك موديل 99 ما شاء الله 10 سنوات في الخدمه لا تشيل همها

تحياتي

[(العجلان)]

الله لايهينك يا الكيم