[بومشعل]

السلام عليكم

ارجو من الشباب الي يملك كروزر جديد 6 سلندر يخبرني عن قوة المكينة وسلاستها

اثناء القيادة وهل هناك فرق كبير بينها وبين 8 سلندر


وعلى حد علمي بأن تويوتا تصنع هذه المكينة للكروزر الجديد و البرادو وكرزر Fj و الفورنشر ؟؟؟ يعني ماتبي تعب نفسها هههههه

[طعس في بر جدة]

انا بصراحة اشوفها تكفي احتياجاتي وزيادة

و مافيها اي مشاكل

[الكونجرس]

القوه انا اشوف انه قوتها مايحتاج ماعليها كلام

ومستواها نفس الثمانيه سلندر بس ميزة الثمانيه مكينته هاديه مب نفس السته

وفعلا مكينة السته هي نفس الاف جي والفورشنر

ما اوجعت راسها تيوتا

[بومشعل]

للرفع ...........................

[بومشعل]

اليوم رحت جربت الكروزر 8سلندر و 6 سلندر

بصراحة المقارنة صعبة

6 سلندر
صوت مزعج للمكينة والسبب في ذلك وزن السيارة وحجمها
غير مريحة
لا توجد سلاسة في القيادة ( غير مرضية )


8 سلندر

سلاسة في القيادة
مكينة هادئة جدا
مريحة في المنعطفات

اخواني الي يملك 6 سلندر لا احد يزعل من كلامي لأن الي يجرب السيارتين يعرف الفرق

لو تكلمنا بشكل منطقي اكثر هل يعقل سيارة بهذا الحجم والوزن ( بحجم اليوكن )
تحمل مكينة 6 سلندر 4000 سي سي 248 حصان

بينما اليوكن 8 سلندر 5300 سي سي 355 حصان

يعني مكينة 6سلندر حدها فورشنر

بصراحة كنت افكر في تغيير سيارتي بكروزر 2008 لكن 6 سلندر غير مرضي و 8 سلندر غالي جدا وغير متوفر

الحل يوكن 2008 وقيمتها 126 الف فقط بمواصفات--- دبل - حساسات خلفية مع شاشة لها - تخشيبة -- تشغيل السيارة عن بعد -- سيت السائق كهرب - شاشة تعرض معلومات السيارة بالكامل وسط العدادات -- ومواصفات كثيرة ----
بالاضافة الى المكينة القوية

[قشمير]

ستعرف اذا انجلى الغبار أفرس تحتك أم .....


والله ياالغالي لا تستعجل فكر زود وابحث واشوف لأنك بتدفع مبلغ ليس بالهين للمدى الطويل

وأيضا لا تغفل موضوع سعر السيارة عند البيع ولا تقل انا ماأبيع فقد تظطرك الظروف يوما ما


ودمت بود

[بومشعل]

المشاركة الأصلية كتبت بواسطة قشمير

ستعرف اذا انجلى الغبار أفرس تحتك أم .....


والله ياالغالي لا تستعجل فكر زود وابحث واشوف لأنك بتدفع مبلغ ليس بالهين للمدى الطويل

وأيضا لا تغفل موضوع سعر السيارة عند البيع ولا تقل انا ماأبيع فقد تظطرك الظروف يوما ما


ودمت بود

الموضوع مقارنة وليس شراء كم يوم وبيع

بعدين اليوكن سعر مناسب - مواصفات عالية - اداء قوي ومريح - مواصفات موحدة على مستوى العالم

اما لاند كروزر كل موزع له مواصفات وكل بلد فيها اكثر من موزع والضاهر انا بسويلي مواصفات وبوزعها ههههههههههههه

[الطلوحي]

مع احترامي لك بو مشعل :

مافيه مجال للمقارنه لو اليوكن جديد 10 سلندر ما خذه لو بـ 100 الف

الكروزر كروزر لو تقارن لبكره سياره يعتمد عليها اسم وهيبه وقوه وتملا العين

وصراحه 2008 مسكت مررررررررررررررررررررررررررررررررررررررررررره

[بومشعل]

المشاركة الأصلية كتبت بواسطة الطلوحي

مع احترامي لك بو مشعل :

مافيه مجال للمقارنه لو اليوكن جديد 10 سلندر ما خذه لو بـ 100 الف

الكروزر كروزر لو تقارن لبكره سياره يعتمد عليها اسم وهيبه وقوه وتملا العين

وصراحه 2008 مسكت مررررررررررررررررررررررررررررررررررررررررررره

(((( لو تقارن )))) ؟؟؟؟؟

انا بعطيك المجال وحاول تقارن بجميع الجوانب من السعر الى المكينة الى المواصفات

وانت احكم بنفسك

[بومشعل]

اللي شاف الموضوع 90 والي رد كم واحد !!!!!

ياشباب انا افتح مجال المقارنة لكم بالمواصفات مو بالكلام -- يعني لا تقول كروزر والزمن طويل

اقنعني بالمواصفات والقوة والاداء من حيث الامور الفنية والتقنية للسيارة((( والسعر )))

[بنت الخران]

المشاركة الأصلية كتبت بواسطة بومشعل

السلام عليكم

ارجو من الشباب الي يملك كروزر جديد 6 سلندر يخبرني عن قوة المكينة وسلاستها

اثناء القيادة وهل هناك فرق كبير بينها وبين 8 سلندر


وعلى حد علمي بأن تويوتا تصنع هذه المكينة للكروزر الجديد و البرادو وكرزر Fj و الفورنشر ؟؟؟ يعني ماتبي تعب نفسها هههههه

وعليكم السلام ورحمه الله وبركاته

الله يسلمك نعم مكينه الكروزر الجديد هي نفسها للفورتشنر والبرادو والاف جي

بس يختلف القيير

حيث ان السياره دفع رباعي متواصل

واما فى السيارات الاخرى يختلف

وفى الكروزر 2008 فى قومتها ممتازه

حيث ان مكينه السته تشل السيياره وقويه

وات ننسى اذا استعملت الثمانيه سلندر وحولت على الست سلندر بيكون تغييير هائل فى القوة

من وجه نظري السته سلندر قوي للكروزر 2008

ويشل بعمره والحمد لله

وما حطووه بالكروزر عبث

يعروفون شغلهم



وجه نظر

[هامور للابد]

والله الناس اذواق ،، ولاتظن ان السته سلندر تعبان كلش ،، لا اخوي جيد بس لاتنسى هو مب موتر سبورت يعني
انا جربته بالرمل وتمام حاله من حال القديم تقريبا ،،
وللعلم اخوي اللي يقول الثمانيه اريح ، انا خذت الثمانيه ورجعته وخذت السته ، وبشهاده اللي معاي ان السته اخف بكثير ، وماشوف عليه ازعاج بالعكس العزل اللي بالموتر مايخليك اتحس فيه لكن اذا تبغي الثمانيه حول للفكسر مش الجكسر
والاختيارك لك والناس اذواق ،، واذا ذوقي جي اكس سته سلندر ولو يحصل لي الفكسر بعد ماخذه وشكرا

[تــ تيربوــــون]

السلام عليكم

السته سلندر قبضت فيه خط الهفوف - قطر تقريبا 150 كيلو

تقول قاعد في صالة بيتكم

لا صوت هوا ولا رجه ولا هزه ولا خرابيط

ويجيب 200 كانك تمشي 150 ما شاء الله

الله يهني راعيه فيه

والموتر قير اوتوماتيك











ولكن يا اخوي مشعل يا ريت ترسل لي مواصفات اليوكن اللي قلته لي مع التسعيره على الخاص ومن وين اقدر اشتريه واكون شااااكر لك من صميم صميم قلبي

لاني ناوي الصراحه على واحد


وسلامتك

[السياغي]

عزيزي
انا مجرب المحرك 6 سلندر سيارتي
زايضا المحرك 8 سلندر سياره ابن عمي
والله ان الفرق بينهم لايذكر

[عبدالعزيز بن]

اليوكن عطه سنتين و4 سنوات بالكثير وبيغث حياتك وودك تبيعه واذا بعته تتحسف انك شريته لانه مب جايب لك سعر

وغير كذا انك بتمل من شكله بسرعه

الكروزر بيعمر معك اقل شي 10 سنوات وانت تعتمد عليه

هذي وجهة نظري

[الكميم]

بالنسبه لي أول سياره اشتريها 8 سلندر
==
والحقيقه والله غير الـ 8 سلندر في الكروزر ؟؟؟؟؟؟؟؟؟؟؟
علما أن المكينه الجديده النازله في امريكا 8 سلندر بقوة 381 حصان
يعني الـ 8 سلندر 271 حصان يالله تكون مقبوله للشكل الجديد 2008

والمكينه ما شاء الله قويه سير فيها وانت داغز ريش .

تحياتي