[نقطة بداية]

...............
ومع بايسن كلك حركات ... ليــــــــه ؟!تعالوا معاي نكتشف السر ...

ومن البقالة اللي بجنبكم اشتروا علبة بايسن ...
وخلونا نعرف .. كيف نصير حركات ؟

علبة تشبه * البيبسي* إلى حد كبير ..
ختم من وزارة الصحة ..
' مسجل في ( وزارة ) الصحة '
مصنّع في مصنع ' أبو الجدايل ' بجدة
يعني وبكل بساطة منتج سعودي ..

طيب ما علينا ،، خلونا نقرأ إيش مكتوب على هذي العلبة الزرقاء
المهم ..
يا كثر التحذيرات المكتوبة على العلبة مرة بالأحمر ومرة بالأزرق .. تشكيلات تفتح النفس ،، خلونا نقراها :
.
علبتين تقضي عليك ...
ياللي قلبك مريض ولساتك تطلب الدنيا أبعد لا يجيك شي ..
ويا أبو الضغط والسكر يرحم أبوك لا تاخذه ..
ويا أطفال ترا هذا شراب القوة والشجاعة وبعدكم صغيرين لا تشربونه ..
ويا حرمة يا حامل تراك ضعيفة بعدي عنه ..

^
^
أقول ليه ما يبيعونه بصيدلية ويصير بوصفة طبيب أحسن !!


آهـــــا الحين ،، وصلنا لمربط السر ..المكونات ,, وأهم مكونين هم :
بنزوات الصوديوم .. وحامض الستريك ..
وهذي المادتين الله يطول لي بأعماركم من أقوى اللي تخليك كلك حركا ا ا ا ا ت
عــارفــيـــن لـــيـــه ؟!

أنا اقول لكم ..
بنزوات الصوديوم يستخدم ضمن مواد التحنيط
يعني ..
عندك جربوع لونه مميز وحاب تحتفظ بشكله
عندك ضب لونه وردي
وعندك ركن بالبيت حاب تحط فيه هالحيوانات بعد تحنيطها ( أكرمكم الله )
ما عندك مشاكل ... رشتين بنزوات الصوديوم
تنشف عروقه تنشيف ..

بس ها ا ا ا ا ه
ابعد هالمركب عن جلد الضب لأنها كفيله بسلخه سلخاً مبرحاً ..

أما حامض الستريك
لا .. لا ترى هذا المحلول طيووب مرة أليف ..
هو بس يخفف من كثافة البوية لما تبغى تلون جدران بيتك ..


بإختصار ..
هذه مكونات مشروب الطاقة ..
اللي راح يخليك حركات من أول شفطة تأخذها ...

زيه زي أي مشروب غازي
يساعد على الاسراع في :
الهشاشة المبكرة للعظام ...
يسبب القرحة ..
صفار الاسنان وضعفها ...
يسبب جفاف لقرنية العين ...
بمعنى أصح يساعد على فقدان البصر ...

واللي زاد الطيب بله ...
مدري إيش الطاقة اللي حاطينها فيه ..
يا خوفي انهم مكثرين من نسبة الكافيين فيه ..

يقولون إنه صار مشروب ممنوع ...
شي يضحك .. ما يدرون إن الممنوع مرغوب !!
عاد تصدقون ...
عمري ما تخيلت إني في يوم راح اكتب عن هذا المشروب الغبي ..
إلا لما أيقنت انه ممكن يكون السبب ... في فقدان ناس نحبهم ..
ناس في عمر الزهور او آباء وأمهات..
يشربونه في أي وقت .. ويكون الثمن .. ( فقدانهم للحياة )

عرفتوا إيش هي هالحركات حقت بايسن !!

وهل جسم بلا روح .. تصدر عنه حركات

منقول
//
\\
//
اخوكم
نقطة بداية

........
....
..

[اسير الذكرى]

ما أقـــول الا الله يسعــدكـ

وشكــرا على التحذيــر بس الأســلوب جدا رائــع

والله مت من الضحك بخصوص الجربوع والضب

[ساري اللــيــل]

الف شكر لك اخوي



تقبل ارق التحايا

[وي ي]

الف شكر لك اخوي

[نبضي الكامري]

جزاك الله خير ضارة 100 % والعالم هآبه فيه ما ادري على ايش ..

[عاشق عدن]

مشكوووووووووووور
على التنبيه
تقبل مروري

[الحـ(درب)ـب]

انت عضو مميز

بس ياريت لو اعرف شي واحد

انت كاتب الموضوع وإلا ناقله

لانه بصراحة مبدع من كتبه

درب = كلك حركات

[كااااامري اس اي]

جزاك الله خير على النصائح

تحياتي...

[علي بن عايض]

بارك الله فيك على التحذير

المشروبات هذه اللي يزعمون انها منشطة للطاقة فهي ما منها الا المصايب

مشكووور و تقبل مروري يا ( نقطة بداية )

[فزة الصحراء]

الف شكر لك على النصايح

بس اشوف ناس يشربونه قبل التمرين .. وش رايك ؟؟

[هويتك]

الله المعين على هذي المشروبات التي لا تتماشي على صحه الانسان بل على المدخول الذي يأتي من ورائه

نسال الله الصحه والعافيه

واشكرك اخوي وجزاك الله كل خير لطرحك لنا تحذير من هذا المنتج

مع التحيه

[مهجول المنصورة]

الحمد لله المشروب مانعه عن كل أخواني في البيت حتى نفسي ولوا أشوف علبة وحدة في البيت لأي مشروب طاقة
كسرت راس إلي شربها

[& عزوز &]

والله وانا اقرا الموضوع في ايدي بايسن وانشاله اول ما اخلصه راح اتخلص منه وانشاله ما راح اشتريه مره ثانيه...

اشكرك على الموضوع,,,,,,

[شقـــران]

تسلم يمينك يا نقطة بدايه

وجزاك الله خير وفي ميزان حسناتك يا رب

واتمنى ان يستفيدون الأخوه اللي يشربون هالمشروب

مع اني ما شربت منه أبد .. ماغير كنت مدمن على الرد بل

والحمدلله افتكيت منه بسبب الأرق لي كان يسبب لي اياه

والسبب الثاني بعد تحليله في المختبر الجنائي لشرطة دبي

إكتشفوا إن فيه نسبة كحول 0,04 %

والله يرحمنا برحمته ويبعد عنا المضره



تحياتي

شقـــران

[مستر كول]

يعطيك العافيه