[اليباني]

اشوف اكثر شباب قطر مركبينه على 2008 ...بس اشوف شكل الموتر طالع قبيح الشكل
وعند سؤالي واحد من الشباب ليش مركب بالون قال مثل شباب قلتله مافي رجه قال الرجه لا بد منها
طيب دمنه فيه رجه حرام تركبه موتر جديد وقيمته فوق 170 الف شل فايده من الموتر جديد
وبعدين موثابت على الخط لوتمر عليك شاحنه كنه الموتر بطير من على الشارع موثابت كلش
........ارجو كل من مركب بالون يعطيني فايدته غير حق الرمل 99% من وقتك على القار.......

[عذاب قلبي]

اخوي البالون هو استخدامه حق الرمال موفق لاكن حق الخط نصيحه لاتركبه وحتى حق الكشخه بعد لانه هذا النووع يجيب معاااه الخطر في الخط مايثبت ويبنشر التاير بسرعه خلك على المياجر احسن واامن لك ولروحك ,,,


تقبل مروري ,,

[قطري مفتل]

اخوي شتقصد بالشنابر الشنابر رنقات مب تواير على فكره وترى لنا اسنين وحنا مع البالون انا اشوف البالون احسن واريف المتر على القار وله في الرمه بغض النظر عن المياجر عرده ومب ريفه اما البالون يطوي اكثر على الخط ولا في اسن منه بلعكس المياجر محذفين فالبيت انا اذا انت راعي بر 24 ساعه عليك بالبرجستون
وتقبل مروووري واتمنا انك عرفت الفرق مني واتمنا احد يوضحلك اكثر

[راع الحيزى]

عندنا وعندكم خير
الظاهر وانا اخوك ان الدعوة كلها مهايط ومظاهر....اما اصحاب البر الحقيقيين فتحصلهم فئة قليلة جدا

[عذاب قلبي]

اخوووي قطري مفتل تسلم على التذكير اناا غلطت بدال ماقول المياجر قلت الشنابر ماتلاحض ان في تشابه في الاسماء ,,

[سلطان الإمارات]

ماشئ مثل التوير 900 أو (البولين) مثل مقال قطري مفتل وعشان الرجفه سولهن مزنيه أرضيه وبتخوز الرجف وسلام

[اليباني]

المشاركة الأصلية كتبت بواسطة سلطان الإمارات

ماشئ مثل التوير 900 أو (البولين) مثل مقال قطري مفتل وعشان الرجفه سولهن مزنيه أرضيه وبتخوز الرجف وسلام

شوها مزانيه ارضيه اول مره اسمعنه

[تــ تيربوــــون]

السلام عليكم

المياجر وانا اخوك ما اشيلها ولو بــ 100 ريال

البوالين اول شئ مظهر وتريح الموووتر مع الخط وبالنسبه للرمله فهي ترفع الموتر من الويل وتساعد الموتر في التغاريز لانها كبيره وما تنزل مع التغريز

فهي بالنسبه لي احسن من المياجر اللي تسبب صوت اذا نحلوا وينصلخون عليك في الصيف وكانك راكب كامري اذا ركبتهم


وسلامتكم

[سلطان الإمارات]

المزنيه الأرضيه يوم تسويها ميفكون التوير أو الكفرات من على السياره يكون أحسن وتخوز الرجفه ومجرب

[هامور للابد]

للعلم اخوي ، شباب قطر 90 % بالبر ، ومعلوماتك خطأ ان هم مايروحون بر ،، يمكن هل السعوديه اخوي والامارات شوي اقل منا احنا ومايروحون بر مثلنا ،، بس شباب الدوحه اخوي كل اسبوع بالبر ،، ولو اني مب من عشاق البالون

بس الرجه تروح بعد ماتسوق الموتر بشوي وفي انواع من البالون تعطي مظهر حلو للموتر ، والناس اذواق انت تحب مياجر ناس اتحب بالون ، وبعدين اريف في المطبات وبالرمله لاتقول لي تغريز ولا غيره ، وللبالون عشاقه اخوي

بس عيبه الامان فيه اقل طبعا ، المياجر افضل من هالناحيه ، بس كشكل البالون انا اشوف تعطي هيبه للفورويل

[عذاب قلبي]

كلامك صحيح ياهامور ,,,

[الكونجرس]

لراعي البر يركبها فهي تفيده بانها ترفع الموتر عن الارض

ومن ناحية الرجه انا الحمدلله اسوي لها ترصيص ارضي وانسى الرجه

ورساوة انا بالنسبه لي هي ارسى من تواير الوكاله لانه تواير الوكاله حقت الستاندر تجي ضعيفه ومع الحنيات ماش اما البوالين اعرض

وفي الاخير الناس اذواق فيه ناس تعحبهم وناس ماتعجبهم

[فقط دبي]

مرحبا ياخوي .. انا ركبت البالون من اول يوم طلعت السيارة من الشركة ..

لاني تعودت على البالون و هو اريف و اخف و احلى من المياجر .. و انا دايما في البر و بالبالون ارتاااااااااح وايد ..

و عن الرجه ياخوي بس اول 3 دقايق و بعدين اتروح و لا رجة و لا شي ..

[بروغه]

مشكووووووووووووووووريـــــــــــــــــــــــــــــ ــــــــــــــــــن جميــــعن ( صاحب الموضوووووع والي ردو )
قسمنبالله مشكووووووريــن كل الشكر على المعلومات الطيبه الصراحه وماقصرتوووووووو !!!!!!
^^ ....