[الدور السابع]

السلام علكيم ورحمه الله وبركاته

غريبه عجيبه مذهله سمها ماتريد , استعار اللكزس المستعمله في السعوديه تختلف من منطقه إلى منقطه مع أن السياره من وكيل واحد وتحت ضمان واحد؟

قصتي تبداء

حينما بدئت في البحث عن جوهرتي الجميله ((es 350)) في مدينتي المشهوره بتقلبات جوها الرياض الجميله

ولا اخفيكم علماً بأني ترنحت وتخبطت تحت وابل من الأسعار الجنونيه والمبالغ فيها من قبل اصحاب المعارض فالكل كان لسان حاله يقول لاتلكمني إلى فوق 135 على 2007

حتى جن جنوني وقلت الألماني يالألماني خليك على الألماني وأنشاء بطوله أوربا ألمانيه (( أدري شطحت خارج الموضوع ))

لكن وصلني خبر من شخص مقرب أن هذه النوعيه من السياره في المنطقه الغربيه لايتجاوز سعرها في الغالب 120 وأن وأن كانت مثل مايقولون قزازه 125

واستشفيت هذا الشيئ من ردود الأخوان ـــ طلال جده:d ــــ و ك و:d يسومون السياره في 110 إلى 120 وهم من سكان المنطقه الغربيه (( معليش دخلتكم في الموضوع ))

هل هذا الشيئ صحيح وهل الأسعار بهذه القيمه خارج الرياض

ومن يعرف الجوهره بهذا السعر واللون لؤلؤي فل كامل من عند أبو جميل لا يبخل علينا والله لي فتره طويله وأنا ابحث عنها

في امان الله واتمنى القى تجاوب منكم

[لاكي لوك]

والله اذا الخبر صحيح وحصلت نظيفه بهالسعر بلغني اطلع جده اشتري لي كم وحده

[طلال _جدة]

مراحب لأحلى منتدى,,,,,,,,,
انا لي فتره ماطلعت المعارض اخر طلعه لي قبل شهر وشوي تقريبا
كانت الاسعار بين ال115 الى 130 بالنسبة لل 2007 وكل ماقل الممشى عن 15 الف كان السعر بحدود 130 الف
اما موديل 2008 فأسعارها بحدود 145 الف اذا كانت ماشيه اقل من 15 الف وكل مازاد ممشاها قل السعر
وان شاااء الله قريب اطلع المعارض وافيدكم باالاسعار
وتقبلوا تحياتي

[الكــوكو]

أخوي طلال جدة يعني الأأسعار عندكم تفرق عننا تقريبا من 8000 إلى 12000
والله فرق كبير مع انه نفس الدولة أضرب لي 1000 كيلو لجدة واجيب وحدة
وابيعها في الرياض أحسن ماأروح للامارات والا عمان نبحث عن السيارات والله
معلومه جديدة يشكر اخوي كاتب الموضوع ويشكر طلال جدة

[باتش]

كلامك صحيح

لأن كل منطقة لها رغبة بنوعية معينة

[لاكي لوك]

المشاركة الأصلية كتبت بواسطة طلال _جدة

كانت الاسعار بين ال115 الى 130 بالنسبة لل 2007 وكل ماقل الممشى عن 15 الف كان السعر بحدود 130 الف
اما موديل 2008 فأسعارها بحدود 145 الف اذا كانت ماشيه اقل من 15 الف وكل مازاد ممشاها قل السعر

مااستوى شي جديد

نفس الاسعار

رجاء تاكدو من المعلومه قبل نشرها

ولو فعلا كلامكم صحيح فالشريطيه وين راحو

لو فيه 200 ريال في جيزان وهو في الرياض كان مشي حصلها

[و ك و]

اشكرك على موضوعك بالنسبة للاسعار المعارض الشريطية صاروا زي الرز وصارت اسعارهم هالايام طالعه كانهم وكلاء زي ابو جميل المهم بالنسبة لجوهرتك 2008 مثل ماقال اخونا طلال جدة تلقاها بهالاسعار بيزودوا اصحاب المعارض ال 5 وال 10 لكن بالمكاسر بتخارج معاهم اهم شيء خلك ثقيل ولا تستعجل

فاصلة : قبل اسبوعين 2008 لؤلؤي ماشية 500 بقراطيسها حادينها 160 وقابل للتفاوض (معرض السحاب)
المعرض اللي جنبه 2008 بشاشه على الزيرو - لون فضي فقط بالسوق كله - وهذي الاسعار عند اليحيى حسب كلام الشباب بالمنتدى مافيه فرق

[الدور السابع]

اخوي لاكي بوي انا داخل المعارض في الرياض واعرف اسعارها

واذا كان عندك راي ثانيه يالله شد حيالك وجهني على المعارض الي تتواجد فيها السياره به سعر

[أخوكم في الله]

نعم أسعار الغربية أرخص من الوسطى

أسعار الجيوب التويوتا بالغربية رخيصة

لي شهرين وانا ادور جيب جي اكس ار من 2002 الى 2004

وحصلته بالرياض محدود بــ 83 الف ومسيوم بــ 80 الف

ولي قريبي يعمل بمعارض جدة يقول تعال أجيبلك 2003 gxr فل كامل

بـــ 79 الف ريال

بس فيه ميزة لسيارات جدة وميزة لسيارات اللوسطى

سيارات جدة نظيفات وفيها صدأ بسبب الرطوبة

وسيارات الرياض مكروفات بسبب المشاوير والنظيف منها غااااالي