[مراحب]

معقولة اتصلت على وكيل تويوتا ( الرياض ) احجز vx قال الفل كامل بـ 226000 ريال
وتاصل بعد 4 شهور على الاقل
لا واذا زاد السعر وقتها بناخذ منك الفرق
والغريبة وارد ابوجميل يجي بدون سلة وبدون هوك السحب
وودي استفسر شاشة الدي في دي تجي معاه مركبة والابس الجهاز وانا اركب الشاشة مثل gx
وجهاز الملاحة هل بالاستطاعة اركب عليها شريحة تحتوي على خرائط مثل اجهزة gps الخارجية ؟
ياليت احد يعطيني الجواب الشافي

اخوكم الجديد مراحب

[يعقوب الرياض]

هلا فيك أخوي مراحب
الله يعينك على الحجز
او أشتري 250000 من المعارض
الشاشة مع السيارة وجاهزة للأستخدام
بالنسبة لجهاز الملاحة لا يوجد مكان واضح بالنسبة لي لإدخال الشريحة
إذا تبي معلومات أكثر إذهب الى الموضوع صور Vx جلد وارد عبداللطيف جميل
أعتقد انها بدون هوك السحب احلى في الشكل مثل اللكزس وإذا على السلة بسيطة
إلا أراه ان مواصفا ت عبداللطيف على السعر اللي حاطه ممتاز جدامقارنة بالخليجي الذي يصل الى 280000ريال بالمعارض على إكسسوارت لا تفيد بالعكس اللي اراه ان شكل وارد عبداللطيف أجمل من الخليجي الصور الموجودة انت قارن
والله يوفقك

[مراحب]

يعقوب الرياض

بيض الله وجهك وزوجك من الحور العين
خسارة كنت اتوقع ان الشاشة راح تفيدني بطلعات البر يعني مابه فايدة من شريحة خرائط الصحراء
او دار موجه الله يخلف اهل البر تصير الشاشة بالنسبة لهم بس رزه وتشخيص
وبعدين من راح يشتري من المعرض بسعر 250000 ريال يزودها شوي وياخذ وارد اليحيى اتوقع
حول هالسعر

طيب وش رايكم vx مراتب مخمل ولا جلد الفرق 10000 ريال والجلد كهرب كذلك يزود بعدد وسائد هوائية هل تسوى ادفع 10000 لمراتب جلد وتحكم كهراباي وزيادة وسائد هوائية

والمخمل هل هو نفس نوعية الجي اكس ام تختلف في vx ؟

[جوجوماجوجو]

والله ياحبيب اذا تبي الفخامه والمنظر وطلب عند ابيع ترا الجلد مرغوب اكثر وفيه ناس تدفع عشان الجلد اما المخمل فاهو مرغوب ولكن مو مثل الجلد نصيحتي لك الجلد

[أهم واحد]

والله أنصحك زد 70 الف
وطق لك 570 (سياره من زمن آخر)

[عبدالعزيز بن]

انحش عن بو جميل موتره ملفق

حتى جنوطه تجاريه وواضح الفرق بين جنوط الخليجي والسعودي ركز فالطوس حقت الجنوط وتعرف

عندنا جي اكس ار سعودي الشكل القديم بدلنا الكفرات اكثر من مره ومع ذلك ينسم هوا والبلى من الجنوط نفسها

ادفع 15 الف زياده وخذلك موتر اصلي 100 بالميه وشكل احلى وارز ويدخل ضمان عبداللطيف جميل بمجرد انك تكون مالك اول وتفحصه ال1000 كيلو

[الكميم]

المشاركة الأصلية كتبت بواسطة عبدالعزيز بن

انحش عن بو جميل موتره ملفق

حتى جنوطه تجاريه وواضح الفرق بين جنوط الخليجي والسعودي ركز فالطوس حقت الجنوط وتعرف

عندنا جي اكس ار سعودي الشكل القديم بدلنا الكفرات اكثر من مره ومع ذلك ينسم هوا والبلى من الجنوط نفسها

ادفع 15 الف زياده وخذلك موتر اصلي 100 بالميه وشكل احلى وارز ويدخل ضمان عبداللطيف جميل بمجرد انك تكون مالك اول وتفحصه ال1000 كيلو

==
قال المثل :
( اسأل مجرب ولا تسأل ؟؟؟؟؟؟؟؟؟؟؟؟؟؟؟ )

تحياتي

[السياغي]

خذلك من اليحيى او بريمي افضل مليوووون مره