[أسير كامري]

السلام عليكم ورحمه الله وبركاته /

ياشباب واحد من أصدقائي معه خمسين ألف

ويبي يشتري سيارة من الموديلات الجديدة

ويفضل الشكل الخارجي يكون رائع

وش تنصحون فيه وياليت تصوتون على

أحد الخيارات الثلاث ,, وهالخمسين ألف

وش ممكن تجيب له موديل ؟

أتمنى إفادتكم

[عــاشق الكامري]

كامري وبس والباقي واحد قطعة غيارة غالية والثاني امريكي حرارة ولازم تدلعه يعني كامري وبس لك وللزمن وماتخسر القيمة بسرعة حقها فيها

[ملفت أنظار]

خمسين الف يحطها في كامري 2006

لان 2007 و 2008 ما تحصل نظيف بهالسعر

[داحس]

يعني تقريبا 3500 دينار

تجيب له كامري 2004 مكسره وممكن مدعومه وتجيب له اكورد مستهلكه

انا ماقول الكلاام هذ من عندي الياباني المستعمل منتف مدري ليه انا اعرف واحد في السعوديه جا للكويت يدور سياره قالي ياباني في السعوديه اغلبه رايح فيها ومعاه حق الياباني في الكويت بسرعه يتنتف شلون في السعوديه مع الخطوط الطويله مشاء الله نصيحتي لخويك ياخذ له ميركوري 2004 او 2003 هي بالهسعر واذا زادها خمس الاف ريال يقدر يجيب له ميركوري 2005 ماشي اقل من مئة الف وفل كامل في شركه عندنا اسمها مصطفى كرم تبيعها بالسعر هذا والقرار له طبعا

[أبـــو عـــزام]

اسمع وأنا أخوك الكلام اللي يجمد على الشارب

إن كان خويك سواقته بارده ويرفق على الموتر ولا هو راعي مشاوير كثيره فالميركوري مناسب جداً وبيحصل استخدام أمريكي (تكسس أو جنوب أمريكا) نظيف موديل 2003 فل كامل أو نص فل أو بيحصل 2004 ستنادر.

وإن كانه راعي جلد ومشاويره كثيره ولا يهتم في السياره فالكامري مناسبة وممتازة وبيحصل xli مطور قير اتوماتيك موديل 2005 أو 2006 بإذن الله( بس وين النظيف)

خيار آخر الكورولا xli مطور موديل 2008 سعرها جديده بـ 54 ألف وهي مناسبة أيضاً وتفي بالغرض

بالنسبة للهوندا ينطبق عليها ما ينطبق على الماركيز مع تحمل تكاليف قطع الغيار مثل الفحمات وغيرها وبيحصل موديل 2005 أو 2006 سبشل أو موديل 2004 فل كامل.

(طبعاً لم يتم التصويت لأن مافيه كورلا وهي في رأيي الأنسب والجديد مافيه مثله أبداً)

الله يوفقك والجميع

سلام

[عاشـــق اللاند]

والله 50 الف صعب تجيب له سياره نظيفه انا اقول خل يجمع له شوي وياخذ كامري 2009 افضل له لان حرام ياخذ مستعمل ويعاني معاه يجمع له 20 الف وياخذ كامري على يده

[مصرقع الشرقية]

دام يبي الشكل والموصفات اكورد 2006 احسن من 2008 بكثيررررررررر

وصدقني اذا خليت خويك يخترها شرط مني انة بيصير يدعيلك وخلي ياخذها

فل كامل او نص فل ستاندر لا ياخذ

[ابوشامه]

اخوووي


صدقني خله ياخذ كابرس الفين وسته ls

نظيف اخوي شره واحده 52 الف

والحين ماشيه معه فل الفل ولله الحمد


خله ياخذ كابرس والكابرس زينه

ولله

[اسير الذكرى]

اشــوف الهوندا اكورد

واذا 2006 سعرها 50000ريال هي الأفضــل

[سباقات القطيف]

صوتــــنا ,,,,,

[أسير كامري]

عــاشق الكامري / مشكور أخوي على الإفادة بارك الله فيك .

ملفت أنظار/ مشكور أخوي على التوضيح بارك الله فيك .

داحس/ مشكور أخوي على التوضيح وماأتوقع يقدر يزيد أكثر من هالمبلغ..
بارك الله فيك.

أبـــو عـــزام / يخليك ربي على التوضيح الرائع وبالنسبة للكورولا كلمته
من قبل وهو مايبيها .. بارك الله فيك أخوي.

[أسير كامري]

عاشـــق اللاند / أخوي خالد مايستطيع هو جمع أكثر من هالمبلغ
لأن وراه التزامات مهمة .. بارك الله فيك .

مصرقع الشرقية / يعطيك العافية أخوي وبارك الله فيك
بس مدري إذا بتجيب له نفس هالموديل نظيف وبها السعر ؟

ابوشامه / مشكلة الكابرس خراباته ماتخلص ومشكور بارك الله فيك.

اسير الذكرى/ الله يعافيك أخوي ومشكور بارك الله فيك .

سباقات القطيف/ مشكور وبارك الله فيك .

[غـيـر الـنـاس]

خذ كامري

وذا انت تقدر على قطع الغيار الغاليه خذ اكورد

واذا انت راعي خطوط وعندك حل للحراره خذ قراند ماركيز

والافضل كامري

[كامري وبسين]

خله ياخذ كامري ابرك له

[زيت فرامل]

كاااااامري 2006 وبس

[استاذ الكامري]

اقولك خويك من اي مدينه**************** عشان بدلك على محلُ
واذا لو نيه ياخذ فورد يطلع جده لمعرض الشلبي الماركيز هناك يشتريه عن طريق الحراج وجمرك ويطلع عليه رخيص
تقبل تحياتي