[عااااااااااشق]

المشاركة الأصلية كتبت بواسطة كااااامري اس اي

و هناك E550 من مرسيدس في أمريكا ، بنما هنا تجد E500 ..



كلامك صحيح بس لو تلاحظ أنه e 500 و e 550 هم نفس السيارة مع اختلاف الاسم فقط لان كلتا

السيارتين تأتي بمحرك 5.5 L .

تحياتي ...

والله ياخوي انا كنت بمشيها حق اخوي ليكزي بس انت وضحت نقطه لذالك مافي مانع اني اصحح لخوي ليكزي مع احترامي له

اخوي مثل ماقلت النسخه E550 تاتي فقط لدول امريكا وهي بقوه 382 حصان
اما النسخه الاوربيه ((اللي تاتي عندنا )) فهي بمسمى E500 وهي بقوه 388 حصان
يعني النسخه الخلجيه اقوى من الامريكيه
وتقدر تتاكد من الموقع الرسمي لمرسيدس

او من هذا الرابط

2008 E550

Number of Cylinders/Arrangement : V8

• Engine Displacement: 5461 CC

Power Output

• 285 kW at 6000 RPM
• 382 hp(US); 388 hp (Europe) at 6000 RPM
• Torque : 391 lb-ft (US) 530 nm at 2400-5000 RPM

0-62 mph (0-100 km/h): 5.3 seconds (5.5 seconds w/4matic)

الارقام تطلع مو عدله في موقعنا مادري ليه
تاكد من الرابط وتشوف الارقام واضحه
الرابط

[ليكزي]

عااااااااااشق

في الشرق الاوسط عدد احصنتها هي 327 حصان
اما في الاسواق الامريكيه تاتي ب 306 حصان

المحرك هو نفسه بين أمريكا و الشرق الأوسط ، ويدعى VQ35HR ..
327 حصان هو عدد الأحصنة الإجمالية ..
306 حصان هو عدد الأحصنة الصافية ..

هذا تمويه من الكتالوج

G35 ليست مظلومة في محركها ، لكنها مظلومة في تجهيزاتها مقارنة بالمواصفات الأمريكية (مثل نظام تدفئة المقاعد الأمامية + نظام AFS للأنوار الأمامية المتكيفة + مدخل SD ميوري و غيرها) ، وان اضيف لها نظام الملاحة والبلوتوث هذا العام ..

و الـ IS بالعكس، مواصفاتها كاملة وأكثر من G35 (والأكثر في فئتها) ما شاء الله والكمال لله (وان كانت عادية ولا تهم البعض ، لكن تحسب لها في النهاية) ..
كل التجهيزات موجودة عدا ربما نظام الرادار المتواجد في LS فقط ، بينما المحرك مظلوم بسبب عدم توافقه في الخليج ..

اخوي مثل ماقلت النسخه E550 تاتي فقط لدول امريكا وهي بقوه 382 حصان
اما النسخه الاوربيه ((اللي تاتي عندنا )) فهي بمسمى E500 وهي بقوه 388 حصان
يعني النسخه الخلجيه اقوى من الامريكيه
وتقدر تتاكد من الموقع الرسمي لمرسيدس

اي والله صادق يالغالي .. ضنيت ان الأمريكي أفضل كـ مواصفات ..
اجل مرسيدس ما عليهم كلام ، بس عاد شوف فارق السعر كم
واللي يبي يدفع هالسعر على مرسيدس يتوكل على الله وما يرده الا فلوسه ..

تحياتي
ليكزي

[إحساس غالي]

اخواني ،، انا لي تجارب وايد ،، لاني من عشااق السرعه ،، وما اشارك في حلبات ،، يعني اتراايس مع اي حد بالشارع ،، الـ G35 أقوى لانها 3.5 ،، والاووريون 3.5 ،، بس انا اكون قريب وايد منهم اذا ظليت خلفهم ع طول (( اذا أخذت الذراا )) ،، يعني الاوورين بعد 220 طفتها ،، والانفنتي ،، 140 كم في الساعه يكون عدالي،، وبعدها يفتح ،،

في سيارات ثانيه ،، مثل S500 2003 ما يمشي عدال الـ Is 300 ،،،

الالتيما 3.5 ما اسوي له اي اعتبار ،،

البودي خفيف يا جماعه الخير ،، والمكينة قوية بالنسبة للسيارة ،، البي ام 330 كوبي ،، مالت ولد عمي ،، ما تجرئ يحط راسه براسي ،،

وانا ما اقول الكلام هذا لانها سيارتي ،، بس اقول الكلام هذا ،، من تجربة ،،،

[بلو جراندي]

المشاركة الأصلية كتبت بواسطة ليكزي

بلو جراندي

اي راحة واي متعة يا رجال .. خسارة بنزين وبس
و مثل ما ذكرت لك ، بالنسبة لي شخصيا ، اعتمادية و قلة خربات المحرك وقلة صرفيته هي أبرز عوامل قياس جودة المحرك بالنسبة لي ، ولا أعير لقوة المحرك اهتمام كبير .. وانا كانت لي وجهة نظر وعدة اسباب - ذكرتها سابقا - حول شرائي لـ GS430 عوضا عن GS300 ، لكن اقولها الآن بصراحة (توبة لـ محرك بـ 8 اسطوانات في المرات القادمة) ..

يا رجال، على عالزحمة و سواقة الناس الروعة في الشارع وهالرادارات اللي ما تخلص و تشديد اجراءات المرور وهالحفر والمطبات في قطر ، ما تسوى عليك تداعس و تستمتع في 8 سلندر ، الستة تكفي وتوفي بصراحة "اقصد اي سيارة ، ليس لكزس فحسب" ..

و بخصوص محرك بي ام دبيليو .. طبعا هناك عدة عوامل و معايير - كما ذكرتها انت - تم من خلالها منحة الجائزة "بشكل عام" .. قياسا على ادائه وصرفيته للوقود وقوة تحمله مقارنة بحجمه ..

يعطيكم العافية ..

تحياتي
ليكزي

صدقني في راحة و متعة في القيادة... لو كان المحرك ما يشكل فرق في السياقة لكانت الشركات تنتج محرك واحد لكل سيارة بدل ما تنتج عدة محركات للسيارة الوحدة... يعني كان أحسن مثلا أن بي أم تنتج محرك واحد للفئة السابعة بدل أربع أو خمس محركات خصوصا أن الفئة السابعة ما مصممة للسرعة و السباقات و لا أنت أيش رأيك ؟ نحن اشترينا قبل فترة كامري 2008 حل السايق، فقررت أخذها و أجربها و أشوف كيف سواقتها... و عشن أجرب السيارة في كل الظروف (زحمة، مطبات، تبريد المكيف لفترة طويلة، الطرق المستقيمة، اللفات و و...) وديتها الجامعة لأن الجامعة تبعد 45 كم من المكان اللي أسكن فيه و في هذا ال45 كم تصادف كل شي من زحمة و مطبات و طرق مستقيمة و و... و صراحة ندمت على أني اخذت السيارة و خصوصا في الأماكن المزدحمة... سياقتها في الزحمة ما مريحة مثل كامري جراندي V6 موديل 2005 اللي أنا عندي... و صوت المحرك عالي جدا لمن تدوس (تدعس) و مزعج ... حتى السايق وحدوه يقول أن كامري جراندي V6 موديل 1997 (السيارة اللي كان قبل يسوقها) أريح من كامري 2008... نصيحتي لك: إذا أنت قادر على تحمل تكاليف سيارة 8 سلندر، فخليك باقي على 8 سلندر

[عااااااااااشق]

المشاركة الأصلية كتبت بواسطة إحساس غالي

اخواني ،، انا لي تجارب وايد ،، لاني من عشااق السرعه ،، وما اشارك في حلبات ،، يعني اتراايس مع اي حد بالشارع ،، الـ G35 أقوى لانها 3.5 ،، والاووريون 3.5 ،، بس انا اكون قريب وايد منهم اذا ظليت خلفهم ع طول (( اذا أخذت الذراا )) ،، يعني الاوورين بعد 220 طفتها ،، والانفنتي ،، 140 كم في الساعه يكون عدالي،، وبعدها يفتح ،،

في سيارات ثانيه ،، مثل S500 2003 ما يمشي عدال الـ Is 300 ،،،

الالتيما 3.5 ما اسوي له اي اعتبار ،،

البودي خفيف يا جماعه الخير ،، والمكينة قوية بالنسبة للسيارة ،، البي ام 330 كوبي ،، مالت ولد عمي ،، ما تجرئ يحط راسه براسي ،،

وانا ما اقول الكلام هذا لانها سيارتي ،، بس اقول الكلام هذا ،، من تجربة ،،،

اخوي والله كلامك مادري شلون بس حدث العاقل بما يعقل
شنو ماتعطي اي اهتمام للالتيما ؟؟ وشنو الجي يفتح لك !!! والله ابد كلامك غير منطقي مع احترامي لك


اول شي خذ لك جوله على اوزان السيارات عشان لاتحط عذر لوزن السياره((طبعا الوزن الكلي يختلف عن وزن الهيكل ))
اللكزس is وزنها الكلي 2065
الالتيما وزنها الكلي 2080((اتكلم عن 3.5 لتر ))
الايوريون 2095
**************** واذا تبي المصارد من المواقع حاظر

يعني السياره مافي فرق بين وزن مقارنه بالسيارات الاخرى
وفوق هذا هي اضعف محرك بين السيارات
كيف تطوفهم !! هل خرقت قوانين الفيزياء في القوه والسعه اللتريه ؟؟
اضف الى ذالك انت دفع خلفي والايورون والتيما دفع امامي يعني انت اكثر واحد معرض لفقد الاحصنه

[اواف]

(الالتيما 3.5 ما اسوي له اي اعتبار ،، ) (والانفنتي ،، 140 كم في الساعه يكون عدالي،، وبعدها يفتح )،،

متأكد إن سيارتك is 300 * ستوك *

[أسيــــــر]

إحساس غالي مع احترامي لك لكن ابيك تتأكد سيارتك لكزس is300 والا is-f اخاف انك طلبتها سته سلندر وعطوك ثمانيه هديه ؟

كل اللي في الموضوع او اغلبهم مجربين السيارة انا جربت سيارت ومركب فيها اقزوز سستم يعطيك قوة احصنه خفيف

الألتيما سته سلندر ما في امل اقوم عليها

الـ g35 ما في امل احتك فيها بس لأن انفنتي m45 تقاومت معه شق وجهي بالراحه وانا مستخدم بور وفكيت مانع انزلاق وتبترونيك وهو بدون اي شي مشي طبيعي والـ g35 الجديده اقوى منها فكيف تقول انك بتقوم عليها ؟

وحتى البي إم 330 لا تقول ان سيارتك اقوى وانه ما يقدر يحتك فيك السيارة قويه مرة والـ is300 ما فيه امل تحتك فيها

فياليت حبيب قلبي تبي تقول كلام جب شي واقعي الوزن ما يفرق للدرجه هذي السيارة تبقى قويه سواء كانت ثقيله او خفيفه

لكن فارق الوزن يختلف مع اختلاف البسيط للأحصنه وبالذات الكلام هذا ينطبق على الـ is300

اعذرني اخوي على كلامي هذا بس هو المنطق

[الحـ(درب)ـب]

حتى هنا المفرووض هذا الموضوع يغلق او يحذف بالمرة


تقبلوو مروري