[حبيبي اللكزس]

السلام عليكم أخواني جميعاً

أنا لي فترة مفكر في اللكزس وبصراحة مرة عاجبتني، سؤالي بالنسبة للفئة ب اللي 157 الف ابغى اعرف ايش الاشياء الناقصة عن الفل اوبشن وهل تسوى الدفع فيها ولا لا.

بصراحة انا ما ابغى سقف بانورامي ومدام فيها شاشة مكفيتني.

هل في عيوب في السيارة ولا لا؟

شكرا واسف على الاطالة

[طارق البدر]

خذ اقل نوع الفرق يمكن 20 الف 137 في المعارض اقل نوع والفرق الشاشه والكاميرا الخلفيه والله واجد عشان كاميرا وشاشه ادفع هالفرق

وجهة نظر

الفرق بين الفل واللي اقل منها نوعية جلد البانوراما يختلف ناعم مره مره اقرب الى الطبيعي والسقف البانورامي والكاميرا والشاشه وشكل الجنوك فقط

الفرق بين الوسط واقل نوع الشاشه والكميرا الخلفيه فقط

السياره روعه ماعليها كلام نتمنى لك التوفيق

سلام

[حبيبي اللكزس]

سلام

أخوي أنت متأكد من كلامك، لان حق المبيعات قالي الفرق بين الفل والوسط ثلاث أشياء:

1- السقف البانورامي
2- دي في دي
3-الجنوط

بس ما قلي أنه في فرق في الجلد والشاشة والكاميرا!

[مبتكر]

المشاركة الأصلية كتبت بواسطة حبيبي اللكزس

سلام

أخوي أنت متأكد من كلامك، لان حق المبيعات قالي الفرق بين الفل والوسط ثلاث أشياء:

1- السقف البانورامي
2- دي في دي
3-الجنوط

بس ما قلي أنه في فرق في الجلد والشاشة والكاميرا!

أخوي اللي يقصده طارق البد هو لكزس أقل نوع اللي مافيه شاشة والكاميرا تجي مع الشاشة وشي طبيعي ..

وانت وصاحب المعرض تقصدون النوع الوسط اللي يجي شاشة وكاميرا ..
لكن مافيها DVD وعدد السماعات أقل ..

[المحاول الثاني]

خذ الوسط من المعارض أزين وأرخص لأن الفرق ما يسوى
الفرقات :

1- سقف بانوراما
2- عدد السمعات ونوع النظام الصوتي المستخدم
3- شكل الجنوط
4- Dvd

بس هذا الفرق أما الي بدون شاشة لا فيها فرق كبير حتى عدد الأكياس الهوائية أقل ما فيها خلفية جانبية على ماأعتقد
الشاشة بحد ذاتها فيها مميزات واجد التحكم في كل شئ المسجل المكيف صف السيارة تنبية حساسيت الصوت الخارجي في حالة عمل المسجل وأشياء كثيرة في الشاشة ليس نظام ملاحة بس كما يقول البعض وفيه أشياء لسى ما عرفتها

وأعتقد بعد فرق بنظام AFS التحكم الذكي بالأنوار الأمامية وأشياء ما أذكرها بعد أنتبه تاخذ أقل نوع

[غـيـر الـنـاس]

خذ النوع الوسط

[طارق البدر]

الباانوراما مواصفاتها كالتالي 1/ نوع الجلد يختلف
2/الجنوط تختلف
3/ السقف الباانورامي
4/فيها كاميرا وشاشه ودي في دي
لكن عدد السماعات والاير باقات لا اعلم عنها شي

النوع الوسط والنوع الاقل الفرق بينهم الشاشه والكاميرا فقط شكل الجنوط ونوعية الجلد واحده يمكن في النوع الوسط سماعات زياده وايرباقات زيادة انا لا اعلم

النوع الاقل مافيه لاشاشه ولا كاميرا خلفيه طبيعي

الوكاله ماتعرض في الغالب الا النوع الفل لان مكسبهم فيه اكثر شي طبيعي


انا اشوف اقل نوع مقارنة بالسعر هو اللي يستاهل ادفع 158في النوع الوسط او167 في بانوراما مصيبه وربي

اقل نوع بـ137 او 138 عن طريق الوكيل بالمعارض

اذا ملزم على النوع الوسط خذ الفل اطلق الفرق بسيط 10 او 8 الاف ونصيحتي لك باقل نوع راح تدعي لي والله يوفقك