[الطلوحي]

بعد الحمد لله والشكر على نعمه وفضله :

اخواني اخذتلي لاندكروزر Gx V6 فل كامل اللون المشهور الؤلؤي

فتحه سقف -- ديفيدي -- خلفيه -- حساسات -- زنون -- مثبت سرعه -- رذاذ ماء --

حامي صدام امامي ... والعاقبه لكم بالمسرات ,,,,,,, الصور لاحقا ..


اخواني عندي سؤال مهم ؟؟ انا سوف استلم الكروزر غدا او يوم السبت والمشكله

المعرض الي فيه السياره يبعد عني تقريبا 400 كم ,,, رايكم يهمني جدا جدا

هل اجي عليه كل هالمسافه وما ازيد السرعه عن 80 كم/ساعه وما يضره ؟؟

ولا اشحنه بسطحه وجيبه للديره ؟؟؟ والله محتار !!!!

ولا اقعد افرفر عليها لين يكمل الف كيلو وبعدين اسهده مع الخط

افيدوني الله يحفظكم ولا يحرمكم الاجر.... وشكرا

[بو نايف م]

آلف مبروووك اخوي على السيارة والله يعطيك خيرها ويكفيك شرها ان شاء الله
نصيحتي لك امشي بالسيارة افضل للتلين وتقدر تمشي لسرعة 100كم
وهذه فرصة انك تلينها باسرع وقت
مع التحية ،،،

[الحجيلان]

ألف ألف ألف مبروك لك والله عطيك خيرها ويكفيك شرها لكن نصيحتي اشحن على سطحة أفضل لك وللموتر وعلشان تمرنه بكل هدوء ...... مع إني ما أهتم للتمرين لأنه شغلة قديمة .

[هامور للابد]

والله يااخوي ،، التمرين هاذي انا مااؤمن فيها كثير ولا عيل ليش يعطونك ضمان على السياره
بس لا تسرع وايد وخلك ماتزيد عن ال ١٠٠ ولا تحاتي ،، بس اهم شي هل الخط فيه عج ورمل ،
اذا فيه عج اشحن الموتر علشان ع الاقل تتهنه فيه اول شهرين

اذا مافيه لاتحاتي وتوكل ع الله والموتر عليه ضمان بس عاد لاتسرع وايد

[عبدالعزيز بن]

اخوي التمرين مهم والمفروض اذا صارت السياره جديده ماتمسك فيها خط

اشحنها بسطحه ومرنها بكيفك

وافضل طريقه لتمرين السياره هي انك تسوق السياره الجديده مثل ماكنت تسوق القديمه يعني سواقه طبيعيه

مب مثل بعض الناس تشوف سيارته جديده مايمشي بها الا بسرعه 20 هذا اكبر غلط ويخلي السياره عزمها بارد

والف مبروك على الموتر

[ابن القريات]

الف مبروك والله يعطيك خيرها ويكفيك شرها

[عبدالعزيز السيد]

بالمبارك عليك الموتر ويعطيك خيره ويكفيك شره
نصيحتي اشحن الموتر بالسطحة احسن لك

[السياغي]

مبرووووك عليك الموتر وسافر فيه ولاتتعدى سرعه 100 وبس

[مساعد الحكيم]

اقول اخوي اشحن موترك احسن لك ..
على الاقل تهنى فيه بالبداية ..
من اولها جور حلات اكل العنب حبة حبة ..
ونت بكيفك .. دمت بود

[حسونه]

الف 1000 مبروك
وأسأل الله أن يعطيك خيره ويكفيك شره
أنا أقول توكل على الله وامش عليه الأربعين كيلو
ولكن انتبه العج يلعب في الوجهية
وترى التشميس للسيارات الجديدة مهم جداً
لأنه يساعد في تقوية الخطوط الجانبية
وتماسك البوية ..........

[أبوحمد]

المشاركة الأصلية كتبت بواسطة السياغي

مبرووووك عليك الموتر وسافر فيه ولاتتعدى سرعه 100 وبس

ابد يخوي عب فل ولا تتعدى 100كم

وحاول انك ما تتقيد بسرعه محدده يعني لا تستخدم المثبت على سرعه وحده بوقت طويل ولا تخليها طول الطريق 80 أو 100 أو 60 يعني غير السرعه بين الحينة والحينه

وبالبركة عليك وننتظر الصور .

[الكميم]

اتوكل على الله وسافر بسيارتك
==
المهم اول الف ( 1000 كيلوا ) انصحك :

_ لا تفعل خير وتفكر تسحب سياره ثانيه أو ما شابه ذلك
_ لا تمشي على سرعه ثابته يعني ( غير معدل السرعه بين 60 _ 100 _ 120 )
_ تجنب الوقوف المفاجئ ( لين تنسجم مكونات السياره مع بعضها )

==
الله يوفقك لما فيه الخير
تحياتي

[عاشـــق اللاند]

طال عمرك اول 500 كيلو لاتتعدى ال80 نهائيا بعد ال500 كيلو امش 100 الى 120 وتجنب المطبات والوقوف المفاجئ ومبروك مقدما بس لاتنسانا بالصور

[فهد منصور]

مبروك والله يعطيك خيرها ويكفيك شرها
لا تنسى اقرى المعوذات وسم بالرحمن واطلب من الله يجعلها مباركه وقدوم خير وعسى الله يهنيك فيها

[الطلوحي]

اخواني الغالين :
بو نايف
الحجيلان
هاموراللاند
عبدالعزيز
ابن القريات
عبدالعزيز السيد
السياغي
مساعد الحكيم
حسونه .......... تراها 400 كيلو موب 40
ابو احمد
الكميم

الله يبارك فيكم والعاقبه لديكم بالمسرات

وشكرا على النصايح الغالية والله لايهينكم

[الطلوحي]

المشاركة الأصلية كتبت بواسطة عاشـــق اللاند

طال عمرك اول 500 كيلو لاتتعدى ال80 نهائيا بعد ال500 كيلو امش 100 الى 120 وتجنب المطبات والوقوف المفاجئ ومبروك مقدما بس لاتنسانا بالصور

شكرا ياخالد عل النصيحه والله يبارك فيك والعاقبه لك انشاءالله

وابشر بالصور الطيبه