بسم الله الرحمن الرحيم
انا طبعاً من القهر اللي فيني جيت والله انصحكم يا احبائي عن شي ممكن يحدث لأي واحد فيكم
مثل ما صار فيني :
طبعاً مثل اي واحد مطلع سيارة جديدة اكيد راح اشيك عليها كل خمسة الاف كيلو
المهم انا دخلت سيارتي في وكالة عبد اللطيف جميل فرع العلياء بجانب وكالة لكزس
لاني بشيك عليها بعد ما صك الممشى عشرة الاف كيلو متر مربع ******** حسيت اني مدرس رياضيات :d
لما جيت استلم السيارة بعد ساعتين تقريباً كان كل شي سليم وما فيه اي شي مفقود والامور كلها بخير
رحت للبيت ودخلت السيارة الحوش جلست شوي بالبيت ثم طلعت مشوار المهم لما طلعت السيارة
وإذ بالحوش مليان زيت من تحت سيارتي وينقط طبعاً انا استغربت وش السالفة
واذ بقلبي ينفضخ من الخرعة ******** خرعة جمع خروع :d
لا جد يا جماعة الخير وربي انصفق مخي يوم شفت الزيت
جالس اقول بنفسي افلون وتويوتا وموديل 2008 تخر زيت وما مشيت فيها الا عشرة الاف بس
اكيد السالفة فيها إنا طبعاً تدرون وش اكتشفت
اكتشفت الله يهديهم ان الوكالة المحترمة ناسين يغطون المكينة با الغطاء
علشان كذا الزيت قام ينقط والحمدلله اني كشفتها بدري طبعاً غطيت المكينة با انواع الخرابيط
ورحت وكالة السويدي طريق عائشة بحكم انها قريبة من بيتنا
طبعاً يمكن يقول بعضكم ليه دخلتها وكالة العلياء الفاشلة مدام بيتكم بالسويدي
بقولكم لان الدوام قريب منهم فدخلت سيارتي الصباح وطلعتها من عندهم الظهر
حسبي الله عليهم بس
المهم شافها المهندس وقالي ما اقدر اسويلك شي من ناحية التعويض
قلت مو مشكلة الحمدلله ان الامور كلها عدت على خير ولا خبطت المكينة بسبب نقص الزيت
قلت بكم الغطاء قال رخيص حول الثلاثين ريال بس
قلت الشكوى لله عطني الغطاء ومالي الا اميمتي تدعي على اللي نسى الغطاء بدعوة يحبها قلبك
و شريت الغطاء الحمدلله ونظفوا المكينة من الزيت وظبط كل شي
بس انتبهوا يا جماعة الخير لازم تشيكون على كل شي حتى من جواء المكينة لانهم ثورة ويمكن ينسون
اي شي ولا ننسى سالفة خوينا اللي نسو فوق مكينة سيارته الزرادية
والله لو اني منه لا صكها بخشم المهندس اللي استلم سيارته علشان يعرف قيمة شي اسمه امانة
ادري اني طولت عليكم بس من حبي لكم تمنيت اقولكم قصتي علشان تنتبهون
ولكم اطيب التحية و كل الشكر والتقدير
اخوكم / فلفلونة وبس
المواضيع المتشابهه للموضوع: فيه احد ينسى يقفل غطاء المكينة بعد غيار الزيت 
فيه احد ينسى يقفل غطاء المكينة بعد غيار الزيت 
رد: فيه احد ينسى يقفل غطاء المكينة بعد غيار الزيت 
ليش احنا ما عندنا ثقافة الشكوى
