[هبوب طويق]

السلام عليكم ورحمة الله وبركته

امس وانا اتمشاء في المعارض لقيت هيلكس موديل 2004 سوبر يعني عادي مكيف ماشي 30000 بسم صاحب المعرض وماخزن الموتر عنده في المعرض تصدقون ريحة السياره من داخل جديده لازلة موجوده وكذلك جميع الاغراض التي تجي مع السياره موجوده زي ماجت من الوكله والضمان ساري المفعول ولوحاته الزرق يعني تنتهي اسمرته في 1431 الموتر سقته يا ناس بسم الله ماشاء الله جديد بس تدرون كم يبي فيه 54000 هل هذا قيمته يا جماعة الربع ولا مبالغ في سعره الي نبيه منكم طرح خبرتكم وارائكم لكم مني فائق الاحترام والتقدير

[@أبوفيصل@]

والله يخوك زود لك 10000 وطق لك 2007 جديد

[عـــــاشـق الــلا نـدكروزر]

والله إذا جديد
إذا كان ب48000
حلو

وتقدر تزود لك شوي وتأخذ لك جديد 2007 أو 2008

[هبوب طويق]

طيب اخوي عاشق اللاند كروزر الجديد ما هضمته بي الحيل اول شي انه تنك وصدمات بلاستيك والي قاهرني انه طمين ولا يترهم زي القديم واذا تبي الحق استخدامي له في البر وكان معي 96 زي الحلوه يعطيك من جميع النواحي اما الجديد لو تنزله مع شعيب حق بطنه واحس انه يتفكك بسرعه ومكيفه فيه مشاكل والي قهرني مره نمرت القير قصيره في التغير مهو زي القديم يمد معك في التغير وهذي وجهت نطري ولك مني جزيل الشكر يا عاشق اللاندكروزر ولا يهون اخونا ابو فيصل

[بدر المرقب]

والله القديم عز , اما الجديد كل يوم اشوف حالتهم تتدهور وتتفكفك , انا اشوف السعر غالي بس اذا بتحتفظ فيه يعني ما تبيعه اشتريه واذا بتبيعه بتخسر فيه

[احب سيارتي]

اخوي القديم مافي افضل منه معي واحد اعرفه جديد وكل يوم يلعن الساعه الي اشتراه فيه
صحيح المبلغ غالي بس اذا كان نظيف والله يستهال وراح يدوم معك
اخوي انا سيارتي وكاله شاريه وليومك هذا المكينه والقير حقات الوكاله وزي الحلاوه
ان بغيت خط او بر فهو جاهر اما الجديد تسمك خط1400 ترجع ماتلقاه زي اول

[مخـ الليل ـاوي]

اخوي السياره سعرها مناسب مع غلااء بسيط اذا كان على وصفك
واذا منت شاري ياليت تدلني علييه ...؟
وفيه 2005 غماره جدييد اصفار يبي فيه 56000
انا في انتظار ردك اخي وعزيزي

[هبوب طويق]

لكم كل الشكر والعرفان علي المشوره الطيبه وليس هذا بي غريب علي منتديات تويوتا العرب وكذلك اخواني الاعزاء مخوي الليل وبدر المرقب واحب سيارتي تم وبي حمد من الله وفضله شراء السياره وهي في قمة الروعه والجمال تويوتا وبس والي حب اقوله لكم اعذروني علي الانقطاع لي اسباب عائليه وهي ان ولدتي العزيزه مريضه ادعولها بي الشفاء العاجل ولكم مني فائق الاحترام والتقدير

[مخـ الليل ـاوي]

لاشكر على واجب اخي هبوب طويق
والله يشفي الوالده من كل شر
وجزاك الله خير

[عـــــاشـق الــلا نـدكروزر]

الف مبرووووك على السياره
والله يعطيك خيرها ويكفيك شرها ان شاء الله

والله يشفى والدتك ان شاء الله

[ابو البندري]

وفيه 2005 غماره جدييد اصفار يبي فيه 56000
انا في انتظار ردك اخي وعزيزي

موجوده السياره حتى الحين؟

[كوكب]

الله يعطيها العاافية ويقومها بسلامة يااااهبوب طويق

[كوكب]

يااااااأخوان فية هايلوكس غمارتين2005glx ابيض جديدة ماشية32000 صيانتها في الوكالة بحالة 100% مع أنسان محافظ جداً كم تسوى تكفون ابي ردودكم ولكم تحياتي

[كوكب]

يااااااااااااااااااااشباب ممكن رد ولكم تحياتي

[عـــــاشـق الــلا نـدكروزر]

أعتقد إنه 48000 سعر جيد جداً بالحاله اللي ذكرتها

[مخـ الليل ـاوي]

كوكب الهايلكس اللي حصلته يتعدى الــ55000لأنه مشاء الله يعتبر لقطه وكثير من الناس يدورو على الشكل القديموشكرا