[باجيل]

السلام عليكم
انا عضوجديد من زمان متابع الموقع و لاكن اليوم تجرئت و سجلت في الموقع

جتني فكره يا شباب أتمنى انكم ما تقولون عني (خبل) من أولها

معي كوكو 2007 GLi وفكرت لو الواحد يقدر يركب عليها مكينة كامري 2007 ويش ممكن يصير

و تقبلوا تحياتي

[السلالم]

هل تعرف طيران الخليج او الاوريون؟؟؟

[مهجول المنصورة]

أتوقع إنها بتقلع

[(راعي الكورلا)]

هههههههههههههه يمكن تقلع

[العلم]

اقول اعقل وسيبك من الجنان

[لووووورد]

ااذا انك مصمم وودك في مكينه شوف لك مكينه اقوى من الكامري

[سعوده**]

اللهم سكنهم مساكنهم ياخي احمد ربك انت 1,8 ومال اجل انا ياللي حقتي 1,3 وش اسوي ههههههههههه الله يرجك بس
تحياتي لك والله يحيك في المنتدى الغالي
تقبل مروري
................. ..

[فهد؟]

المشاركة الأصلية كتبت بواسطة سعوده**

اللهم سكنهم مساكنهم ياخي احمد ربك انت 1,8 ومال اجل انا ياللي حقتي 1,3 وش اسوي ههههههههههه الله يرجك بس
تحياتي لك والله يحيك في المنتدى الغالي
تقبل مروري
................. ..

ههههههههه من جد والله انك صادق اكلينها 1.3 .. يالحبيب اذا بتغير المكينه عطني حقتك اجل خخخخخ

على فكره لو كنت جازم وتقدر تركب المكينه سلام سلام ركب مكينه كامري 98 - 2002 ولا كوامري 96 وطقتها هذي المكاين الصح بس دور لك شي نظيف


تحياتي

[كنق الكورولا]

ما ناقص الا تركب جنحان خخخخخخخخخخخخخخخخخ
لو انا مفكر تفكيرك كان ركبت مكينت بانوراما علشان تنتقل من كوكو راما الى بنوراما<**************ماعليكم ملحوس مخه خخخخخخخخخ

[علي بن عايض]

اشوف مكينة السيارة اللي تيجي من الوكالة احسن لك .. شد بلد يعني لا تغيرها

نصيحة مني لك و انت حر فيها (( لا تغير او تلعب في المكينة ))

ان شاء الله موفق و راجع نفسك قبل لا تتهور

بالتوفيق

[الكــوكو]

أخوي من وجهة نظري ان مكينة الكامري الجديد مافي فرق عن الكورولا
خصوصا ان كورولتك 1.8 أجل حنا وش نقول 1.3 لكن دور لك مكينة
ألتيما يمكن تفرق اما رتوح لكامري مافي فرق.

[كيمو.كوكو]

عجبني والله رد العضو (السلالم) ههههههههههههههههههه
والله انا معاك بفكرة انك تغير ماكينه بس الله يعينك على العواقب
وزي ماقالولك الشباب ان بتركب ركب ماكينة شي يستاهل
بس اشك انه المكاين الكبيره ماتركب على الكوكو لأن المساحه الداخليه تحت غطاء المحرك صغيره
وان ركبت مكينه لاتنسى تنزلها لنا بموضوع
وتحياتي

[باجيل]

السلام عليكم
ياشباب الفكره في الموضوع (مهي أني خبل) و لكن مكينة الكامري تركب في كبوت علبة الصلصة هذي و لكن (مكينة الألتيما تختلف أختلاف كلي و جذري عن كينة الكوكو و بالنسبه لمكينة الكامري القديم في بعض العوائق التي تجعل من تركيبها عمليه مستحيله)
هذا على ذمة المهندس الزهراني إلى كان جلس معي و أنا أحفر في مخي و أطلع أفكار للكوكو حقي و هو مهندس في شركة عبدالطيف جميل

و تقبلوا تحياتي:d:d:d

[باجيل]

كيف حالك أخي سعوده أنت ليش محسسني إني لي قرون و ذيلي على شكل سهم و شايل في يدي اليسار شوكة
الأخ كوكو كيف مافي فرق الكوكو 1.8 و الكامري 2.4 مثل ماقال الأخ كيمو.كوكو ألي يحكمني مساحة الكبوت ولا كنت ممكن أركب مكينة هايلكس 2.7 عاد من جد أطير
تحياتي للجميع و مشكور على الردود