[أبو عبدالرحمن..]

بسم الله الرحمن الرحيم





السلام عليكم ورحمة الله وبركاته





عندي كم استفسار لاصحاب الكورلا 2008 او اللي يعرف معلومات عنها...
لأني بصراحة محتار...

هل السيارة فيها عيوب او اصوات او ما شابه ذلك؟

ارجوا من اللي مطلعها بالايجار يقولنا من اي شركة او بنك او نفس الوكالة عبداللطيف جميل وكيف تعاملهم سواء البنك او الشركة او الوكالة وكم القسط الشهري لاقل فئة قير عادي ؟

هل السيارة لازالت مثل اول تتحمل كرف؟

هل مكيف السيارة ممتاز يعني بارد (يبرد) في الظهر ؟

كيف عزم السيارة ممتاز ولا... ؟

هل السيارة تتحمل الصدمات والحوادث لاقدر الله ولا لا يعني اي صدمة تشليح او تتفكك (اصوات) ؟

ارجوا ان تجاوبوني بكل صراحة فنحن لسنا محامين لشركة تويوتا ولا عبداللطيف جميل ولا محامين للشركة الفلانية بمعنى لو انك ما بعد شريتها هل ستشتريها ام لا ؟ بكل صراحة....

وجزاكم الله خير


والسلام عليكم ورحمة الله وبركاته

[لووووورد]

والله مالي خبره اخوي في 2008 لاكن شوف الرابط هاذا وتعرف السلبيات والايجابيات في السياره


• ㄨالأن وحصرياً تقرير كامل لسيارتي كورولا 2008 xli / 1.6 مدعوم بالصور ㄨ •

[سعوده**]

والله انا مادري ولكن الصدمات فيبر مو حديد
تحياتي لك
تقبل مروري
..................... ..

نصيحه اشتر 2007 و 2008 لا تشتري

[العلم]

مافي سياره كامله لو انك ماخذ بي ام ولا مرسيدس اكيد فيها عيوب ترى صناعة اليوم ماهي زي ايم الكرسيدا زمن

توكل على الله ولاتندم بصراحه سياره سياره وسيبك من 2007 كلام فاضيا شكله ما تغير من 2000 إلى 20007 وش ذا كل سنه نفس الشكل العيوب بالنسبه لل2008 وش هي ...............

[مـن أكـون]

وعليكم السلام ورحمة الله وبركاته

اخوووي ابو عبد الرحمن ,,

ادخل على هذا الرابط وان شاء الله كل الاستفسارات بتحصلها

• ㄨالأن وحصرياً تقرير كامل لسيارتي كورولا 2008 xli / 1.6 مدعوم بالصور ㄨ •

واي شي مايردك الا الكيبورد ,,

من أكون

[أبو عبدالرحمن..]

جزاكم الله خير جميعا
لوووورد - سعوده - العلم - من اكون
مشكورين وما قصرتوا


بالنسبة لـ2007 ما عاد فيه جديد في الوكالة ما يوجد الجديد الا بالمعارض والمعارض لازم كاش وانا ماعندي كاش



وجزاكم الله خير

[مـن أكـون]

والله اخووي ابو عبدالرحمن ,

2007 الصراحه حلوه ,, ولاكن 2008 صارت افضل من 2007 بكثيير والمواصفات والجوده والمتانه ,,

2008 في الوكاله اقل فئه قير عادي بــ 53 الف كاش واذا تبغى بالاقساط يمكن يطلعلك بحدود ,,

75 الف ’’

ملاحظة مهمه : كل مادفعت دفعه أولى كبييره يقلل عليك قيمه القسط + مجموع كلي للسيارة ,,

واي استفسار انا حااظر ,,

[كنق الكورولا]

مين علم من اكون غير ..::خلووووودي::..
الي هو(كنق الكورولا) انا الي هيضتة علىشان يشتري كوكو

[أبو عبدالرحمن..]

مشكور أخوي من أكون على هالمعلومات

المشاركة الأصلية كتبت بواسطة كنق الكورولا

مين علم من اكون غير ..::خلووووودي::..
الي هو(كنق الكورولا) انا الي هيضتة علىشان يشتري كوكو

ههههههههههههه
اجل تكفى انصحني عشان اشتريها لاني خايف بصراحة من العيوب


ومشكور اخوي خلودي (كنق الكورلا) على المرور الطيب



وجزاكم الله خير جميعا

[أبو عبدالرحمن..]

طيب يا أخوان ما حد عنده إجابة لأسئلتي وهل ينصحني لأني قريت موضوع اخوي من اكون يقول القير يطلع صوت اذا جاء يرجع ورى (بالريوس يعني) فما ادري خايف اشتريها ثم اتحسف...

[الهايم وهو نايم]

حياك الله اخوي ابو عبد الرحمن

هل السيارة فيها عيوب او اصوات او ما شابه ذلك؟

من ناحيت العيوب ماشفت فيها الا مثل اشياء بسيطة الريموت مايشتغل في بعض الاحيان
صوت في الدرج وعرفت مشكلتة

ارجوا من اللي مطلعها بالايجار يقولنا من اي شركة او بنك او نفس الوكالة عبداللطيف جميل وكيف تعاملهم سواء البنك او الشركة او الوكالة وكم القسط الشهري لاقل فئة قير عادي ؟

انا اخذتها من الوكالة نظام تاجير والقصد 1300 للقزار كهرب قير عايدي

هل السيارة لازالت مثل اول تتحمل كرف؟

ما اقدر اجاوبك على هالسوال الان السيارة توها جديدة ولكن تقدر تقول

هل مكيف السيارة ممتاز يعني بارد (يبرد) في الظهر ؟

ممتاز

كيف عزم السيارة ممتاز ولا... ؟

عزم السيارة اشوفة ممتاز جدا

هل السيارة تتحمل الصدمات والحوادث لاقدر الله ولا لا يعني اي صدمة تشليح او تتفكك (اصوات) ؟

بالنسبة لذا السوال ماجربت والله يستر وبالنسبة للاصوات تحس السيارة متماسكة

واتمنى اني افدتك .

تحياتي: الهايم

[أبو عبدالرحمن..]

جزاك الله خير اخوي الهايم وهو نايم وما قصرت

المشاركة الأصلية كتبت بواسطة الهايم وهو نايم

انا اخذتها من الوكالة نظام تاجير والقصد 1300 للقزار كهرب قير عايدي

1300 كم شهر 48 صح؟؟

واشكرك مرة اخرى على مساعدتك لي وجزاك الله خير وجعلها الله في موازين حسناتك
وجميع من ساعدني من الاخوان

[الزمن غدار]

نصيحه مني اخذ 2008 شكل جديد يدوم معك
وياليت تاخذ قزاز كهرب وجنوط ازين من السياحي

[فـ @ ـد]

هلا فيك اخوي

ولا يهــــــــــون اخواني الاعضاء هم ما قصروا كفـــو و فــــو لكن راح افيدك بالسعر

اخوي انا طلعت سيارتي من شركة تأجيـــر

الصراحه هي طالعه علي غاليه لكن انحديت عليهم

بالنسبه للدفعه الاولى 4160 ريال

الاقساط 1362 ريال كل شهر

الدفعه الاخيــــره 8310 ريال

قيمة السياره كامله مع الاقساط 81720 ريال

لمـــــــدة خمس سنوات (( 60 شهر )) والسياره مؤمنه تأمين شااااااااامل لك وللغير

طبعأ السياره كورولا XLI مطووور فيها نظام الــ ABS وقير عايدي


وهذا رابط لموضوعي عن الايجابيات والسلبيات

(( ايجابيــــات)) و (( سلبيـــــات )) الكـــورولا 2008


وان شاء الله اكون افدتك

واي استفسار انا في الخدمه


تحياتي لك

[أبو عبدالرحمن..]

جزاكما الله خير
الزمن غدار - فـ @ ـد

المشاركة الأصلية كتبت بواسطة فـ @ ـد

الاقساط 1362 ريال كل شهر
قيمة السياره كامله مع الاقساط 81720 ريال

اخوي 1362 ريال حجم المكينة 1.6 غالية ياخوي
الوكالة (عبداللطيف جميل) نظامهم 48 شهر ويبدأ القسط من 1200ريال وفوق بغيت شركة عشان تصير 60 شهر ويقل القسط الشهري صاروا اغلى...

شكلي بطلع لي ابيكا (ادري انها دايو كورية لكن وش اسوي) قيمة قسطها الشهري كل شيء اوتوماتيك 1100 ريال سعرها كاش 55000ريال كل شي اوتوماتيك فما ادري؟؟..
على العموم الله يكتب اللي فيه خير

وجزاكم الله خير وما قصرتوا وجعل الله ما تقدمونه في ميزان حسناتكم
آمين

[تيوتا المغرب]

وعليكم السلام ورحمة الله وبركاته

اخوووي ابو عبد الرحمن ,,والله السيارة للحين مافي عيوب ولا مشاكل