[بومشعل]

ارجو من الاخوان الي عنده فكرة عن فصل الدبل يفيدني

لأني ناوي افصله

وهل الوكالة ممكن تسوي الشي هذا او اروح حق ورشة

ياريت تفيدوني

سيارتي كروزر 2007 وارد الدوحة ( عبدالغني )

الدفع الرباعي الدائم هل هو في جميع الموديلات وكذلك جميع الموزعين

لأني سمعت بأن البريمي يجي دفع خلفي هل هذا الكلام صحيح ؟!!!

[عبدالعزيز السيد]

احسن لا تفك الدبل
من ناحية السلامة لك

[بومشعل]

المشاركة الأصلية كتبت بواسطة عبدالعزيز السيد

احسن لا تفك الدبل
من ناحية السلامة لك

بس شكلي ناوي افصله

واذا عندك خلفية عن فصل الدبل ياريت تفيدني

[عبدالعزيز بن]

موترك اللي عليه شنابر؟؟؟

[عاشـــق اللاند]

اظن وارد قطر دفع خلفي

اذا Gx قير عادي يجي دفع خلفي

[الكونجرس]

طريقه الفصل يالغالي اتفك الشفت اللي هو عامود الدبل

وخلاص يصير خلفي

بس خلفي دائم يعني ماعد يمديك تشبك الدبل

وموديل 2006 و 2007 كلها مشبوك ماعدا وارد اليحي فقط

[سلطان الإمارات]

خل اللندكروزر وخذلك صالون بدال ماتفك الدبل

[بنت الخران]

اتمنى الاعضاء يفيدونك

[بومشعل]

يعطيكم العافية شباب

[أبوحمد]

ماراح تستفيد شي وبتتعب حيل

وذلك لان الدفع الرباعي في السياره موزع على 30% أمام و 70% خلف

وإذا فصلته بيضيع عليك قوة الدفع الامامي وبالمقابل بيصير موترك طاااااااااايح وبسبب هدر قوة المحرك على الفاضي !!!!!

أفضل شي أنك تاخذ موتر دفع خلفي مثل وارد اليحيا وقير الدبل مكتوب عليه H2 , H4 وهذا معناه أمكانية أختيار الدفع الرباعي وقت ما تشاء ..

وأنا معي وارد بازرعه ودفع خلفي تماما وموديلة 2007 طبعا مورد اليمن مو تتعب حالك وتدور عليه .

[عادل الحجري]

هلا اخــي ابوحمد معلومة جديدة وهــي وارد بازرعة يجي دفـــــــع خلفي .،،،،،
بليز اخي لاتبيع Gx.r حقك قبل ان تعطيني خبر !!!!!!!

[أبوحمد]

المشاركة الأصلية كتبت بواسطة عادل الحجري

هلا اخــي ابوحمد معلومة جديدة وهــي وارد بازرعة يجي دفـــــــع خلفي .،،،،،
بليز اخي لاتبيع Gx.r حقك قبل ان تعطيني خبر !!!!!!!

هلا فيك أخوي عادل وما تغلى عليك السياره يالحبيب ..

وبصراحة أنا محتار هذي الايام بين

VX-R 2007 وارد الخليج لأنه قير أوتو وبازرعه جاب كله عادي !!!!

وبين
2008 سواء GX-R أو VX-R ومازلت متردد !!

وإلى الان مارسيت على بر .. وأول ما أشتري السياره الجديدة أو أطلبها راح أبيع اللي عندي

وعيب سيارتي الوحيد بالنسبة لي القير العادي فقط والا ما شاء الله على الموتر .

[هامور للابد]

اعتقد اخوي تقدر تفكه بالوكاله ،، لاني مره كنت عندهم وكلمتهم بخصوص الدبل فهمت منهم انهم يفكون اي موديل ماعدا موديل 2008 لايمكن فكه ، جرب اسألهم ومر عليهم

[العزيز]

حتي لو فصلته ورديت شبكته حق فحص الوكاله ..... ترى يعرفون وصادو شباب وايد مسوين هالحركه من قبل ويجيك راعي كراج يقولك انا اضبطه لك والوكاله مايصيدونك ، كله خرطى ولاتوهق عمرك ومايحتاي تفصله عزمه حلو ما شاءالله عليه

شكلك راعي مسابق

[راع الحيزى]

الغالي ابو حمد
اعتقد ان الجيوب القير عادي كلها تجي دفع خلفي سواء 2007 او اي موديل عند بن زرعة او غيره من الوكلاء

[أبوحمد]

المشاركة الأصلية كتبت بواسطة راع الحيزى

الغالي ابو حمد
اعتقد ان الجيوب القير عادي كلها تجي دفع خلفي سواء 2007 او اي موديل عند بن زرعة او غيره من الوكلاء

فعلا أعتقد ذلك ونخص الطرازات مادون VX-R

لأني شفت VX-R قير عادي ودفع رباعي مستمر ..

وأشكرك على المداخلة النافعه