[عبدالعزيز السيد]

هل يسوي لكزس سعره وارد السعودية
عندنا في قطر سعره 308000 الف ريال

[مخاوي الليلل]

بو سعود يشرفني اكون اول من يرد عليك واقول لك يسوى اذا ما يهمك الضمان اولا واذا كان الفل اوبشن رقم واحد يعني بالدي في دي وال كامرات الثلاث والثلاجه وهذا رايي الشخصي لانه وكيلنا كبير المحتكرين الله يهديه ويصلحه يعطي ضمان 5 سنوات بدون حد اقصى للكيلومترات واذا استغنيت عنه فانت تغامر بالمبلغ اللي تدفعه في سياره يهذا السعر وتحياتي لك والله الموفق

[عاشق كورلا]

اشتر وتوكل على الله

عندنا في السعودية وارد عبد اللطيف ب370 الف لان وكلاؤكم والمعارض ساحبين كل الكمية

وهو في الوكاله ب307 االاف لكن غير متوفر

وعلى فكرة ترى ضمان لكسز دولي بس لازم تتاكد قبل

وابو جميل مستحيل يتعبث باللكسز لانه خرابيطه ما ترتقي لمستوى لكزس .......بالتوفيق

[ليث المعاني]

اخوي لي وجهة نظر بسيطة في الموضوع هذا
ابتعد عن السيارات اللي وارد من اي دولة غير قطر
السعر هذا مستحيل يكون في اي دولة خليجية اذا كان
رقم واحد ... نصيحة ريح بالك وخذ لك وارد عبد الغني
حتى لو موديل السنة الجاية 2009 وزيادة في السعر
بيكون اريح لك ... والقرار لك ولاتنسى الاستخارة !!

[حيران و مبهذل]

الحين وارد السعودية الفل 320000((السعر الجديد)) ولا فية فرق يذكر اذا كان فئة cc او bb لاتشاور خذه على طول
والله يوفقك

[واحد من الناس و]

اخوي السعر وايد رخيص مقارنه بسعر السوق
هل الموتر مستعمل ولا جديد ؟

[عبدالعزيز السيد]

الموتر انباع
لكن هل يسوى هذه القيمة
مع العلم ااننا عندنا نوع واحد فقط ( فل اوبشن)

[مودي التوب]

شور لو انا مكانك كنت اشتريتها سعرها الحين غالي جيدا جيدا وصل عندنا بالامارات فوق 410 الف درهم