[حالفه ما حب]

السلام عليكم ورحمة الله و بركاته

اخواني الاعزاء سامحوني انا توني جديدة على سياقة الاند كروزر ممكن تقولون لي : حق شنو يستخدم هذا المفتاح الي في الصورة، سمعت يستخدم في التغريس علموني اشلون استخدمه

مشكورين [IMG]http://www.toyota4arab.com/forum/<a href=http://www.0zz0.com target=_blank****[/IMG]

[هامور للابد]

اختي هاذه لين اول ماتدشين البر اتدقينه ، قبل ماتدشين الرمله ،، هاذه يعمل كونترول على الدفع الرباعي الصغير ،، ويفصل لج نظام تثبيت السياره لان بالصحرا يظر هالنظام اكثر مما يفيد ، واعتقد يمكن يفصل Absلان هاذه يظر وجوده بالرمل اكثر من فايدته ،

وضغطه ضروري بالطعوس لاتقولين لا الموتر يمشي من غيره ومايحتاج ولا حد يقول لج لاتدقين الدبل لان المشي من غير الدبل بالرمله يضر الجير

سلام عليكم

[خبّاب]

زى ماقالوا الشباب تحت
انا كنت باقول نفس الكلام بس هم سبقونى

[المعلــــم]

نظام الدفع الرباعي بالسيارة يعطي 30% من القوة للكفرات القدام و 70% للكفرات الخلفية ولكن عند الدخول للرمل يجب تحويل قوة أكبر للكفرات الأمامية وهذا يتم عن طريق هذا الزر.............

[درب المحبه]

المشاركة الأصلية كتبت بواسطة أبوحمد مشرفنا العزيز
أختي حالفه ماحب
أما الزرار اللي أنت أشرت عليه وتلاحظ علامة × في الوسط ويعني قفل الدفرنس الوسطي وبالوضعية هذي يصير نسبة العزم موزعه بالتساوي على الاطارات الاربعه يعني 50/50 ,, وهذا ما تستخدمه الا في التغريز أو عند دخول الوحول أو الرمل أو طرق وعره تحتاج جر من الاطارات بشكل كامل ,, يعني لا تضغطه أبد على الزفلت
أرجو أن الشرح واضح والفكرة وصلت
بارك الله فيك أخونا بوحمد
هذا مالزم توضيحه للأخت الكريمه

[هامور للابد]

المشاركة الأصلية كتبت بواسطة المعلــــم

نظام الدفع الرباعي بالسيارة يعطي 30% من القوة للكفرات القدام و 70% للكفرات الخلفية ولكن عند الدخول للرمل يجب تحويل قوة أكبر للكفرات الأمامية وهذا يتم عن طريق هذا الزر.............

صح اخوي ، وهاذه النظام يشبه الدفلوك بس جزئي ، بصراحه ناسي اسمه ، ولاتخافين من استخدامه بالرمل احنا شباب الدوحه عارفين الشغلات هاذي ، وياما جربناها بالعكس الخطأ عدم استخدام هالزر في الرمله .

يعني بأختصار مثل ماقال لج الاخ هاذه يتحكم بنسبه الدفع المناسبه بين التواير الاماميه والخلفيه ويعمل لهم نسبه متساويه على حسب حاجه الطريق ولو تلاحظين احيانا انج تدخلين الرمل بأهتزاز السياره بسبب هاذه النظام

[هامور للابد]

المشاركة الأصلية كتبت بواسطة درب المحبه

المشاركة الأصلية كتبت بواسطة أبوحمد مشرفنا العزيز

أختي حالفه ماحب
أما الزرار اللي أنت أشرت عليه وتلاحظ علامة × في الوسط ويعني قفل الدفرنس الوسطي وبالوضعية هذي يصير نسبة العزم موزعه بالتساوي على الاطارات الاربعه يعني 50/50 ,, وهذا ما تستخدمه الا في التغريز أو عند دخول الوحول أو الرمل أو طرق وعره تحتاج جر من الاطارات بشكل كامل ,, يعني لا تضغطه أبد على الزفلت
أرجو أن الشرح واضح والفكرة وصلت

بارك الله فيك أخونا بوحمد

هذا مالزم توضيحه للأخت الكريمه

بس للتوضيح مب شرط استخدام النظام عند التغريز لان هاذه يختلف عن الدفلوك اللي يكون استخدامه وقت التغريز فقط ، هاذه يستخدم عند الدخول للرمل . ولا يستعمل في الاسفلت ابدأ

وللتذكير ايضا يستخدم قبل استخدام الدبل العود مثل ماانسميه
،، او الكبير اللي يكون استخدام الدبل الكبير للحاجه فقط عند التغريز

[درب المحبه]

ماأزيد على كلام بوحمد شرحه واضح
والأضافه تؤكد الشرح ..
شكرا

[حالفه ما حب]

مشكورين خواني جزاكم الله الف خير بما انا ماعندنه طعوس في البحرين لكن باروح البحر باجر وباجرب الي قلتوه

[محمد عيسى]

الف مبروك والله يعطيك خيره ويكفيك شره
مثل ما قلتي ما عندكم بر ، لا تستخدمينه الا في الضرورة فقط

[أبوحمد]

جزاك الله خير أخوي

درب المحبه

على أقتباسك لردي

وأختصارا هذا الزر يعمل عمل الدبل الخفيف مثل ما يسمونه البعض أي H4 ومعناها دفع رباعي متساوي للأطارات الامامية والخلفية ,, ويختلف عن الدفع الرباعي الدائم التشغيل اللي يجي على السياره قياسيا ..

أما فرار الدوف لوك ما تستخدمه الا بعد هذا الزرار ورأيت أن أحد الاطارات الامامية معلق مع أحد الاطارات الخلفية فما راح يساعدك الا قفل الدفرنس الخلفي اللي هو الدوف لوك .. وعلى ما أظن أنه ما يشتغل الا مع الدبل العود L4 ..

[درب المحبه]

أحسنت وبارك الله فيك ...
هذا الكلام المفيد ...
وأختصارا هذا الزر يعمل عمل الدبل الخفيف مثل ما يسمونه البعض أي H4 ومعناها دفع رباعي متساوي للأطارات الامامية والخلفية ,, ويختلف عن الدفع الرباعي الدائم التشغيل اللي يجي على السياره قياسيا ..
وكذلك ماأنسى هامور للأبد ماقصرت

[هامور للابد]

المشاركة الأصلية كتبت بواسطة درب المحبه

أحسنت وبارك الله فيك ...
هذا الكلام المفيد ...
وأختصارا هذا الزر يعمل عمل الدبل الخفيف مثل ما يسمونه البعض أي H4 ومعناها دفع رباعي متساوي للأطارات الامامية والخلفية ,, ويختلف عن الدفع الرباعي الدائم التشغيل اللي يجي على السياره قياسيا ..
وكذلك ماأنسى هامور للأبد ماقصرت

حاضرين اخواني ،، وللعلم الجديد 2008 سمعت انه فيه الخاصيه انه مجرد ماتضغط هالزر يلغي خاصيه الثبات اللي في بعض السيارات اعتقد اسمها ( التراكشون ) لانك ماتحتاجها بالرمله غير طبعا فائده الزر الاساسيه ، والاخوان ماقصروا كلهم شرحهم وافي وصحيح

ولو تلاحظ في بعض السيارات الامريكيه لازم لما تستخدم الدبل تلغي خاصيه الثبات علشان تستفيد من الدبل بالطريقه الصحيحه ، اما التويوتا ماشاء ابتكرو دام انك تشغل هالزر يلغي ع طول الثبات علشان مايقلل عزم الموتر

[قشمير]

ابو حمد ولايهون الباقين

هل فعلا الدف لوك ما يشتغل الا مع الدبل الثقيل

لأني شاك في هذه المعلومة


ودمت بود

[هامور للابد]

المشاركة الأصلية كتبت بواسطة قشمير

ابو حمد ولايهون الباقين

هل فعلا الدف لوك ما يشتغل الا مع الدبل الثقيل

لأني شاك في هذه المعلومة


ودمت بود

اعتقد كلامه صحيح اخوي ، لان الدفلوك اصلا ماتستخدمه الا بالتغريز ، ولو تشوف كتاب السياره للاستخدام يحذر من استخدم الدفلوك على طول

بصراحه كان عندي قبل سياره مع دفلوك بس مااستخدمته ابدا وافتكر كان مكتوب ان استخدام الدفلوك مع الدبل الكبير

وياليت اذا حد عنده اضافه ممكن يصحح لنا

[العزيز]

المشاركة الأصلية كتبت بواسطة حالفه ما حب

مشكورين خواني جزاكم الله الف خير بما انا ماعندنه طعوس في البحرين لكن باروح البحر باجر وباجرب الي قلتوه

جربيه عند الحوض الجاف رملتها جامده شوي