[اسرع اوريون]

السلام عليكم
شباب عندي مشكلة في سيارتي
وهي عندما توصل السيارة الي سرعات عالية عند 200km وامسك بريك
نشعر بي اهتزاز شديد في مقود السيارة . واللة تخوف
الرجاء من الاخواء المختصين توضيح اين المشكلة
علما بان سيارتي اوريون 2007
وقطعت حتى الان 37 الف كيلو متر ولم اغير فيها شي ولا حتى سيرفز عادي
والبريك لم استبدلهم بعد.

[أسامة وبس]

سبحان الله توني بنزل نفس الموضوع ,,, انا تحصل لي نفس المشكلة ,, خفت ان البريكات اختربت بسبب مسكة البريك مع السرغة الشديدة..

[الابيض السريع]

هالمشكلة فى معظم السيارات اليابانية
ننتظر الشباب يفيدونا

[اخضر زيتوني]

ماجربت
يبيني اجرب وارد عليكم

[الشمااااالي]

المشكلة والله بكم مهو بالسيارة
في عاقل يمشي 200

[ابن بطووطه]

ايه اخوي رح للوكاله خليهم يغرون لك قماشات ((اقمشه فرامل))

وهذي انا مجربها وراحت الرجه بعد ما غيرولي الاقمشه حق الفرامل

[دقات قلب]

عندك الفحمات على وشك انها تنتهي .

يبي لك تغيير وترصيص

[هاني**]

بسم الله الرحمن الرحيم


الرجه هذي ليست من الفحمات وانا صارت عندي وأعلمكم كيف راحت وأيضاً ماهو سببها



الرجه هذي سببها أن الهوبات في الأوريون والأفالون مصنوعة من مادة الألمنيوم


واذا تعرضت للماء وهي ساخنة ((تنطعج)) أي يصبح فيها نتوئات بسيطه


وسببها غسيل السيارة والهوبات حاره

يعني توك جاي من مشوار وتغسل السيارة على طول


وعشان تتخلص من المشكله الأفضل انك تغير أربع هوبات


أو فيه طريقه ثانيه ولكنها غير مضمونة 100%


وهي خرط الهوبات الأربعه وأنا انصح بتغيير الهوبات أفضل


وطريقة حماية الهوبات من تلك المشكله هي أن تنتظر نصف ساعه على الأقل قبل


غسيل السياره ولا تعرض الهوبات للماء وهي حار


تحياتي

[احمد اورين]

هاني كلامك مضبوط

[أوريون الطائف]

كلام اخونا هاني مضبوط ميه في الميه

وانصحكم الي عنده صمان يروح الوكاله

[عاشـــق اللاند]

علما بان سيارتي اوريون 2007
وقطعت حتى الان 37 الف كيلو متر ولم اغير فيها شي ولا حتى سيرفز عادي
والبريك لم استبدلهم بعد.

لازم تسوي لها سيرفس لان السياره لازم تبدل الزيت وتبدل السفايف (الفحمات) يعني فيه قطع غيار لازم تبدلها

[همـ(المشاعر)ـس]

انا اعاني من نفس المشكله في افالونتي

[العتيبي 511]

هلا والله

اعتقد والله اعلم ان هذا نظام مانع انغلاق الفرامل

انا نفس مشكلتك ترج عندي السياره اذا كنت ماشي فوق 180 واضرب فرامل على طول ترج الطاره

اما اذا كنت اضرب عادي بشويش وعلى سرعات منخفضه الفرامل معاي زي الحلاوه لارجه ولا يحزنون

[اوريون_وبس]

روح للوكالة وخلهم يبدلون الهوبات او يخرطونها



هذي صارت معي وهذا حلها من الوكالة