[قلم حبر]

السلام عليكم

قبل كم يوم صار لي حادث بسيط عفطة في الرفرف الخلفي وأنا واقف!

الرفرف بس اللي متضرر من جنب .. و أحد الحساسات راح من مكانه

المهم جاء المرور و أعطى الخطأ بنسبة 100% على الطرف الثاني

والمشكلة ما معه تأمين..

فبكرة السبت لازم أراجعهم..

هذي أول مرة من 5 سنين أوقف بحلق واحد.. العادة أسامح بس هالمرة ما قدرت

وأخاف السيارة ما ترجع مثل أول.. أو أن خوينا يتهرب

وفيه كم سؤال للي مجرب.. من وين أجيب تقرير الاصلاح؟ و هل لازم ثلاث ورش ولا يكفي الوكالة؟ ومن اللي يحدد القيمة؟




و الله يكفيكم شر الحوادث

[هاني**]

سامحه لوجه الله

والحمد لله انها جات على كذه


وأسألني والله العوض مافيه خير


كم بيعطيك الف ... الفين


خلها لوجه الله أزين

[قلم حبر]

مشكور أخوي هاني على الرد.. لكن الرجال مقتدر.. ومستعد يدفع

بس كم بيدفع و من اللي يقرر هذا سؤالي؟

[راعي الكزس اي ا]

المشاركة الأصلية كتبت بواسطة قلم حبر

مشكور أخوي هاني على الرد.. لكن الرجال مقتدر.. ومستعد يدفع

بس كم بيدفع و من اللي يقرر هذا سؤالي؟

تقرير الوكالة بسعر الإصلاح

[ابووابراهيم]

الحمد الله على السلامة
اذا رفض تقرير الوكاله
تقيمه من الصناعية من ثلاث ورش
والاقل تقدير هو الي يعمل به

[قلم حبر]

النظام انك تقيمه من ثلاث ورش معتمدة..

وهي الحقيقة ورشة واحدة فيها 3 مهندسين من ثلاث ورش! وجنبها مكتب للمرور

واللي اعرفهم فرعين.. الصناعية القديمة و البديعة..

أنا رحت لفرع البديعة

والسالفة حوسة.. تقيم ثم تروح لقطع الغيار ثم تختم ...

وبتكلف فوق 150 ريال..

لكن الحمدلله الرجال دفع لي 1400 قيمة صدام مع التركيب حسب التقييم

الحين انا محتار هل اغيره ولا اسوي شفط!

ما ودي اتسرع بتغييره خصوصا ان السيارة ما صار لها الا 6 شهور


وأشكر لكم تفاعلكم.. والله يكفيكم شر الحوادث

[راعي الكزس اي ا]

وسع صدرك بس وغيرها. تراها سيارة موب إنسان عشان تخاف !

[قلم حبر]

It's just an expression