[سلطان الراشد]

بسم الله الرحمن الرحيم
السلام عليكم ورحمة الله وبركاته
أخواني أعضاء المنتدى
عندي إستفسار أيهما أفضل هايلكس غمارتين بنزين أم ديزل لأستخدام طويل يعني أنا إن شاء الله ناوي أسحبها وكاله وتكون عندي على طول ولا ناوي أبيع وتكون فل كامل بس متردد
ومحتار وأبي شوركم
والله يوفقكم

[@أبوفيصل@]

خذ بنزين الديزل ماينفع

[عـــــاشـق الــلا نـدكروزر]

أخوي لكل منهم مميزات وسلبيات

فالديزل يمتاز برخص الوقود((الديزل )) لكن يعيبه ضعف العزم نسبياً مقارنة بالبنزين
ومع ذلك فالهايلوكس الديزل الجديد من بعد ال2006 يتميز بعزمهاالممتاز بوجود التيربو

أما البنزين يمتاز بعزمه العالي مقارنة بالديزل ويعيبه إنه سعر الوقود ((البنزين )) أغلى من الديزل


فكلاهما ممتازان وأفضل تجريب السيارتين ليكون أختيارك دقيق بالنسبه لمتطلباتك



اتمنى إني افدتك

[سعودي وكلي فخر]

اخوي على حسب استخدامك انكانك تبي هبال وتطعيس وتبي عزم خذ بنزين اما انكانك تبي تحميل وتقضي لزومك بالصندوق خذ ديزل

[مودي التوب]

خذ البنزين واذا تنبي ديزل خذلك ايسوزو ديماكس عشان صيانة الديزل عند ابو جميل تعبانه والتويوتا مش خبيره في محركات الديزل محركات ديزل بيك اب ايسوز ديماكس وبدون تردد

[كامري أمبراطوري]

هاي ماتنفع الا بنزين وبس وشكرا لكم

[مخـ الليل ـاوي]

بكل اختصار
البنزيم مايتحسف عليه

[شكمان ابوكنداسه]

البنزيم يعيش اكثر والديزل تراه مايعيش

[مهجول المنصورة]

زينة الديزل في رخص الوقود
وإنة التانكي يطول مايفضى أقتصادي أكثر من البنزين
أما من ناحية العزم البنزين أفضل

[غـيـر الـنـاس]

والله ماعندي خلفيه عن الموضوع ذا

واتمنى ان الاعضاء يفيدونك

تقبل مروري

[الامـبـراطور]

البنزين افضل بكثير اخوي العزيز ولديزل يمشي حالك يعني جيد مو بطال بس انصحك بالبنزين عزمه افضل واذا على سعر البنزين صار ارخص من المويه

[كاتيوشا]

البنزين عزمه أكيـد أقوى والتايوتا بشكل عام يصبر بأذن الله
والديزل كذلك لكن أقل عزم بنسبه بسيطه

من ناحية تجربه خذ تجربتي

السياره : Hilux
سنـة الصنع : 2003
قراءة العداد : 422319 الف كيلو / متر ماشاء الله تبارك الله
ولله الحمد والمنه لم أشتكي منها من أي ناحيه فقط القطع الاستهلاكيـه والكفرات والزيت والديزل وغيـار الجنزير كل 15000 الف كيلو ويكلف حدود 450 ريال

وللمعلوميـه المكينه تنقص أذا تعديت 2500 كيلو وأصلاً أنا أغير الزيت على 2000كيلو يعني لايضر بشي

وفوق كل هالكلام رد على اللي يقول يضعف عزمها (تفحط بالترس الثاني) من قوت العزم مـاشاء الله ولاحول ولاقوة الابالله
والمكيف ثلج



دمـت بود

[الهوى الغايب]

انا من ناحيتي ...

مقتنع قناعة تامة بالبنزين ...

اما الديزل فما اشوف له داعي ... مع احترامي طبعا لاصحاب الديزل

[أبوسعــد]

أرى ان الديزل مناسب لإستخدام الشركات

البنزين للإستخدام الشخصي أفضل

[غير شكل]

المشاركة الأصلية كتبت بواسطة مودي التوب

خذ البنزين واذا تنبي ديزل خذلك ايسوزو ديماكس عشان صيانة الديزل عند ابو جميل تعبانه والتويوتا مش خبيره في محركات الديزل محركات ديزل بيك اب ايسوز ديماكس وبدون تردد

أنا من رأي أخوي خذ لك ديماكس أفضل وأريح لك...عن تجربة

[ابوفهدالجابري]

بنزين افضل لك

[ي ا ك]

اكيد بانزين