[عبدالله يوسف ا]

السلام عليكم ورحمة الله وبركاته

انا باجر باذن الله راح استلم سيارتي من الوكاله بس ابي تنصحوني شنو اسوي فيها عند الاستلام

اول شي الله يرضى عليكم ابيكم تجاوبوني على ثلاث المقترحات هذي

1- التغييم (نعتيم الشبابيك) ابي نوع يعزل الحراره باكبر قدر ممكن ومايكون مخالف بالنسبه للكويت.

2- اركب بلوتوث ولالا واذا ركبت هل اقدر اشغل السيارة من بعدين بحيث اني اخليها تشتغل

عشان احررها وامشي فيها على طول ولا البلوتوث يفيدني للتلفون بس.

3- اركب ارضيه بلاستك احسن ولا اخليها ماهي عليها.

وابيكم تنصحوني بعد شنو اسوي

والسياره الاوريون الكامله

ارجووكم ابي ردووود

ومشكورين

[عبدالله يوسف ا]

اوووووووووووبا ولا رد

[يا بحر]

السلااام عليكم ..

مبرووك السيااارة اخوي مقدما ..

وبالنسبة حق سؤالك
التغييم .. انصحك تسوي طبقتين زيرو ون مثل ما سويت انا
والبلوتوث ما عندي فكرة
واالارضية بلاستيك ... اذا عندك اولاد انصحك لبس الارضية واذا عزوبي .. لا تسزي شيء


وسلااامتك اخوي

[طارة الأوريون]

اول شي الف مبروك الموتر

وان شاء الله ماتشوف منه الا كل اللي يسرك

والحمد لله انك اخذت سيد الالون لانه بصراحه فخم ورزه

1- التغييم (نعتيم الشبابيك) ابي نوع يعزل الحراره باكبر قدر ممكن ومايكون مخالف بالنسبه للكويت.
فيه عندك زيبارت او في كول كلهم زيوون لكن بالنسبه للعزل الحراري في كول يقولون افضل
خذ زيرو ون حلوو

2- اركب بلوتوث ولالا واذا ركبت هل اقدر اشغل السيارة من بعدين بحيث اني اخليها تشتغل

عشان احررها وامشي فيها على طول ولا البلوتوث يفيدني للتلفون بس.
هذي بصراحه ماعندي فكره عنها انتظر الشباب يفيدونك

3- اركب ارضيه بلاستك احسن ولا اخليها ماهي عليها.
انا اشوف انك تغلف الوطيات بس ولاتغلف الارضيه

لان واحد من الشباب غلف الارضيه والكراسي الى الحين تطلع صوت

لانهم فكوهم عليه ويوم رجعوهم مارجعو نفس قبل

عشان كذا انصك لاتغلف الارضيه وانت براحتك اكييد

[عبدالله يوسف ا]

الله يعطيكم العافيه
يابحر ماقصرت وعساك على القوة
طاره الاوريون نصائح جميله وماقصرت

وبانتظار باقي الاخوان

[لووودا]

وعليكم السلام اخوي عبدالله
انا انصحك اول شئ تسويه انك تركب ارضية بلاستيك وهذا اهم شئ
والباقي لاحق عليه
انا انشاءالله ابى اسوي كذا بس خلي يووووووووووووم الاربعاء يجي

[عبدالله يوسف ا]

المشاركة الأصلية كتبت بواسطة لووودا

وعليكم السلام اخوي عبدالله
انا انصحك اول شئ تسويه انك تركب ارضية بلاستيك وهذا اهم شئ
والباقي لاحق عليه
انا انشاءالله ابى اسوي كذا بس خلي يووووووووووووم الاربعاء يجي

الله يسهل عليك وان شاءالله تطلع والف مبروك... والله انا قلت جذيه لاني انا مهمل بعض الشي

(الا واجد)

منت معتم الشباك؟؟

ياخوي هذا الموضوع شاغلني لان حرارتنا اذا كانت الوالده الله يطول بعمرها مالها خلق تطبخ لحم

نحط اللحم بالحوش ربع ساعه محترق الغدا