[شمروخ الشامخ]

السلام عليكم ورحمة الله وبركاته
قريت بعض المواضيع السابقة اللي تثني على استهلاك الكروزر للبترول ، لكني تفاجأت بأن السيارة استهلاكها للوقود كبير ومش مثل ماقالوا الشباب. و إليكم تجربتي في سيارتي Vx_r

عبيت السيارة فل (سوبر) بـــ 112 ريال وسافرت فيها للحسا ورجعت الدوحة وكانت السرعة اقل من 120 كم. صنفرت السيارة يوم وصل العداد على 727 تقريبا ( بالضبط مثل ماقالوا الشباب).
لكن لو حسبناها (727 / 112) = 6.5
يعني الريال الواحد بيمشي السيارة 6.5 كيلو

لو قارناها بالفي اكس ار القديم فإليكم الأرقام
السيارة تعبيها بنفس نوع البترول بـــ 87 ريال تقريبا و تمشيك تقريباً 605 كم

الحسبة (605 / 87 ) = 6.9

الزبدة : بالأرقام استهلاك السيارة للوقود أعلى من القديم.

بانتظار تعليقاتكم

[المووج]

الي اعرفه ان سعة التانكي للقديم والجديد وحده ولا فيها اي اختلاف

فكيف يصير تعبيتك بنفس البانزين بـ 87 فقط

وفي الموديل الجديد بـ 112 وهو الصحيح


والاخوان يمكن يوضحون زيادة

[كاسب النشاما]

أنا مجرب القديم(vxr 2006) والجديد (vxr 2008) والجديد أقل صرفية للبنزين من القديم لكن الفرق مو كبير تقريبا من ثلاثين إلى خمسين كيلوفقط

[عبية]

أما أنا فجربت القديم والجديد ووجدت الجديد أقل صرفية بما لا يقل عن 150 كلم للتعبئة بل تصل إلى 200 كلم أحياناً.
لكن للتذكير فإن السرعة ليست المؤثر الوحيد في مقدار الاستهلاك , فالحمولة ومواجهة الرياح والضغط على دواسة البنزين لتجاوز كل هذه الأمور لها أثر واضح في الاستهلاك.
وتقبل تحياتي

[الكميم]

فعلا الجديد صرفيته أقل
==
ويعتمد على حسب الدعسه

تحياتي