[حـــمود]

السلام عليكم ورحمه الله
حبيت اقول اني قبل جم يوم وصلت لسعودية واول ماطفيت السيارة وجلست نص ساعه رديت ابي اشغل السيارة مو راضية تشتغل حتى صوت السلف مااسمعة واشب الليت يرمش وبعد الشاشة المهم طلعتلي كلمة بلوحة المفاتيح اللي هي CHECK VSC SYSTEM وطلعت الكتيب ويقول حدث خلل في المكينة الرجاء التوجة الي اقرب وكيل ماراح اطول عليكم قالت باكر بوديها
وبعدين استخدمت خطة سريع سريع شريت لي بطرية وركبتها واتضح هالعطل من البطارية
والصراحة بعض السيارت تجي من وكلائها وبطريتها فيها نص عمر يعني جافة تمشيك كم شهر بس

[طيار ومهندس]

السلام عليكم ،،،،

أولاً : الإشارة إلى طلعت لك عبارة إن نظام VSC=Vehicle Stability Control فيه عطل .

المهم، إنت قلت إن السيارة ما إشتغلت ،،، صح ؟
أنا أبغي أسألك ، هل إشارة CHECK ENGINE كانت موجودة أو لا ؟

لأن الإشارة السابقة VSC تعطل خاصية الــ Traction إلى هي ،، التوازن أو مادري شو يقولون لها بالعربي .

وبعدين إنت قلت إنك بدلت البطارية ورجعت الأمور على ماكانت عليه ،،،

أعتقد إنه حصل خلل في نظام الـ VSC وإنت في الطريق والأمر الي يحصل دايماً إن أحد الفيوزات هو السبب .....

فيقوم كمبيوتر السيارة الــ ECU بتخزين العطل وعرضه على الشاشة .....

أنا طولت إسمحلي

أبغي أقولك إن بطارية الأوريون مكفولة من المصنع لمدة سنتان والسنة الثالثة تكون 50% على المالك و 50% على الوكيل .

المهم خلي البطارية القديمة معك وراجعهم في الوكالة يوم بترجع إنشاء الله من السعودية .
علشان يعطونك بطارية جديدة

[دقات قلب]

حمدا على سلامتك .. واهلا بك في بلدك الثاني ..

س : السيارة كم لها معاك .. اذا اكثر من سنة حاول تشيك على البطارية <***** والكلام للجميع ..


تسلم اخوي طيار ومهندس ..

الله لا يحرمنا منك ..

أجمل تحية

[صاالح]

المشاركة الأصلية كتبت بواسطة طيار ومهندس

أبغي أقولك إن بطارية الأوريون مكفولة من المصنع لمدة سنتان والسنة الثالثة تكون 50% على المالك و 50% على الوكيل .

^^
الشي ذا ماشي بالسعودية يعني حتى حنا مكفولة سنتين ؟

[حـــمود]

طيار ومهندس يعطيك العافية وماقصرت اي نعم طلعت لي العلامة Traction فما ادري الحين العطل من البطارية ولا الفيوزات اانا رحت للوكيل وقال لا مافي مشكلة
دقات قلبي تسلم على مرورك وماقصرت 10 اشهر تقريبا والبطارية وقتها كانت ناشفة
صالح هلا وغلا

[بو زايد]

السلام عليكم ورحمة وبركاته

أنا صارت لي المشكلة نفسها وبعد عرض السيارة على الوكالة قرروا لي أن هناك تماس بين الاسلاك مما أدى الى ظهور هذه العلامة والتي هي عبارة عن التحذير الخاص بمانع الانزلاق الموجود في السيارة و نظام الثبات في المنعطفات باختصار نحن نسميه (التراكشن )


لكن ممكن الفرق بين حالتي التي صارت لي وحالتك

هو اني عندما كنت ماشي بالسيارة طلعت لي هذا العلامة و يوم أقوم باطفاء السيارة تختفي العلامة ومن ثم تظهر مرة أخرى عند التشغيل

أنا انصحك أن تسير الوكالة وتسألهم عن السالفة
ممكن يقولون لك أن النظام خربان لكن في الحقيقة تصير هي تماس بين الاسلاك

[حـــمود]

هلابك بو زايد شاكر لمرورك لان انا مرة وحدة طلعت لي وتالي بعد ما ركبت البطارية اختفت والحمدالله
ورحت للوكالة قال عادي هذا اعتبار تنبية مثل اذا تعطلت البطارية او على قولة اخوي مهندس فيوزات يعني شي انشالله ماينخاف منة
تسلم ابو زايد

[طيار ومهندس]

لا تحاتي ( حمــــود )

أنا طلعت لي المشكلة سابقاً في طريقي إلى أبوظبي ، فقلت بأتصل بالوكالة وبمر عليهم.

المهم يوم رجعت أشغل السيارة ، العلامة ماكانت موجودة .

لزيادة التأكد مريت على الوكالة وخبرت أحد المهندسين الموجودين هناك ،

أنا من طبعي حساس إشوي فبغيت أعرف بالضبط شو المشكلة إلى صارت ،،،،

طلع كمبيوتر السيارة الــ ECU يخزن أي خطأ صار وقت قيادة السيارة ، من طريقة القيادة أو أي خطأ في المجسات الإلكترونية أو الكهربائية .

المهم ، ماهي إلى 10 دقايق بعد عملية الــ Diagnostic بجهاز الــ O B D II إلى كل شيئ إنتهى والحمد لله .

شوف العلامة إختفت من لوحة العدادات قبل عملية الــ Diagnostic ،،، بس الخطأ كان لايزال مخزن بالذاكرة ،،،

هذا يعني إنه ممكن لو ماسويت الـــ Reset تظهر العلامة مرة ثانية ،

أهم شيئ الحمد لله سيارتك تشتغل وكان موضوعها بسيط

أقدم أحلى تحية لأخوي ( دقات قلب ) وأقول الله يوفقك .

تقبلـــوا تحيــاتــي ،،،،،،،،،،،

[حـــمود]

تسلم استاذي واخوي على هالتوضيح