[تركي الطيار]

السلام عليكم ورحمة الله وبركاته,,,

إحترقت عندي لمبة الزينون اليمين ,,وغيرتها ب 600 ريال ,,,لكن طلع لونها مختلف عن الزينون الثاني ,,بحيث انالزينون السليم لونه أزرق(زينون عادي) لكن اللي ركبوه الوكاله طلع لونه أبيض,,

رجعتها للوكاله مره ثانيه وقالو لا زم تغير الكنترول حق الزينون ,,,قلت مو مشكله أغيره ,,,لكن طلع غالي شوي ب 2000 ريال ,,,والضمان خلص ,,

دخلت على المهندس وقلت له غير مكان الشمعه الجديده ,,ونشوف وش يبصير ,,المهم بالقوه اقتنع ,,غير المكان وطلع نفس اللون (أبيض )يعني الكنتروول اللي يقولون خربان طلع سليم ,وكانو بيركبوني 2000 ريال على لا شي,,,

المهم جا حق الأكسسوارات وقال طبيعي لونها لأنها جديده ,,لكن مع التمرين بيرجع لونها أزرق ,,,

مدري أحس انها تصريفه ,,,اللي عنده خلفيه يا شباب أو اللي قد صارت معه نفس السالفه يفيدني الله لا يهينكم ,,,

[المهذب]

أخوي تركي أتوقع كلام اللي بالزينة صحيح
وأسمع بهذا الشي كثير والله أعلم

[تركي الطيار]

يعطيك العافيه المهذب ,,,وأشكرك على الرد السريع

[وحيد بدنيتي]

ايه نعم صادق راعي الاكسسوارات

اول ماتركب الزينون يكون لونه متغير وبعد فتره يصير نفس اللون اللي تبيه

نصيحه مني لاجيت تغير شمعه زينون غير الثنتين

اول خلك مشغل الزينون حتى بالصباح عشان بسرعه يرجع على لونه الازرق

[الحـ(درب)ـب]

المشاركة الأصلية كتبت بواسطة وحيد بدنيتي

ايه نعم صادق راعي الاكسسوارات

اول ماتركب الزينون يكون لونه متغير وبعد فتره يصير نفس اللون اللي تبيه

نصيحه مني لاجيت تغير شمعه زينون غير الثنتين

اول خلك مشغل الزينون حتى بالصباح عشان بسرعه يرجع على لونه الازرق

انا معاك باللي قلته

خله شغال حتى بالصبح

عشان يتعادل بسرعه

[غـيـر الـنـاس]

كلام وحيد بدنيتي صحيح

وبعدين ورا ماغيرت لمبتين

تقبل مروري

[عا افالون شق]

طيب انا عندي من شهرررر
نفس مشكله الاخ راعي الموضوع
ولا ظبطت !!!!!
لين الحين وهي بيضــا.....؟؟؟؟ والثانيه زرقا؟؟؟؟

[امبراطور نجد]

انا يخوي ولا يهونون الشباب اخالفهم الراي يمكن يكونون ركبو لك شمعة 2008 لان لونها ترا مختلف عن الموديلات الي قبلها تراها تميل للابيض اما الي قبل يميل للازرق..

تقبل مروري

[تركي الطيار]

المشاركة الأصلية كتبت بواسطة وحيد بدنيتي

ايه نعم صادق راعي الاكسسوارات

اول ماتركب الزينون يكون لونه متغير وبعد فتره يصير نفس اللون اللي تبيه

نصيحه مني لاجيت تغير شمعه زينون غير الثنتين

اول خلك مشغل الزينون حتى بالصباح عشان بسرعه يرجع على لونه الازرق

يعطيك العافيه وحيد بدنيتي ,,,وشكرا لك

[تركي الطيار]

شكرا لك درب الحب عالمرور والتعليق ,,,,تحياتي

[للتميز عنوان]

نعم صادق راعي الاكسسوارات

[تركي الطيار]

المشاركة الأصلية كتبت بواسطة غـيـر الـنـاس

كلام وحيد بدنيتي صحيح

وبعدين ورا ماغيرت لمبتين

تقبل مروري

كنت بغير الثنتين ,,,بس قلت لا ,,,يمكن ما يتغير اللون ويتم على طول أبيض ,,,فقررت اني أخليهم مختلفين عشان أقارن بيينهم دايم ,,ولا طلع كلام راعي الاكسسوارت صحيح الشكوى على الله بغير الثاني ,,وبنتظر لين يتعادل اللون مره ثانيه ,,,

عموما شكرا لك يا خبير عالمرور والرد ,,,,تحياتي

[تركي الطيار]

المشاركة الأصلية كتبت بواسطة عا افالون شق

طيب انا عندي من شهرررر
نفس مشكله الاخ راعي الموضوع
ولا ظبطت !!!!!
لين الحين وهي بيضــا.....؟؟؟؟ والثانيه زرقا؟؟؟؟

أذكر انه قال لي بعد ما تشتغل 120 ساعه راح يرجع لونها الطبيعي (الأزرق) ,,,مدري يمكن يكون صادق يمكن تكون تصريفه لأني بذيتهم ونشبت لهم نشبه ميب صاحيه ,,,وهذا الللي خلاني أنزل الموضوع وأستفسر ,,,,

[تركي الطيار]

المشاركة الأصلية كتبت بواسطة امبراطور نجد

انا يخوي ولا يهونون الشباب اخالفهم الراي يمكن يكونون ركبو لك شمعة 2008 لان لونها ترا مختلف عن الموديلات الي قبلها تراها تميل للابيض اما الي قبل يميل للازرق..

تقبل مروري

حتى شمعة ال 2008 لونها مايل للأزرق شوي ,,,لكن اللي ركبوها لي لونها أبيض مايل للأصفر ,,,كأنها شمعه عاديه مو زينون,,,,

يعطيك العافيه امبراطور نجد عالمرور والرد,,,

[تركي الطيار]

المشاركة الأصلية كتبت بواسطة للتميز عنوان

نعم صادق راعي الاكسسوارات

شكرا لك للتميز عنوان,,,

[عاشق الأميرة]

أنا لو مكانك ما أخذها من عندهم لين اتأكد إنها نفس الدرجة
وعلى طول لو ما أقتنعت أرجعها في نفس االوقت
وأروح لمحلات الزينة وأتأكد منهم هل كلام الوكالة صحيح ولا لا؟
وبعدين اقرر !